ഇത് കേട്ടോ

ബഹുമാനപ്പെട്ട കേരള മുഖ്യ മന്ത്രി ശ്രീ ഉമ്മന്‍ ചാണ്ടി അവര്‍കള്‍ക്ക്

2011-11-24T20:32:00.002+05:30

(ബഹുമാനപ്പെട്ട കേരള മുഖ്യമന്ത്രിയുടെ വെബ്‌ സൈറ്റ് വഴി നല്‍കിയ പരാതി )

ബഹുമാനപ്പെട്ട കേരള മുഖ്യ മന്ത്രി ശ്രീ ഉമ്മന്‍ ചാണ്ടി അവര്‍കള്‍ക്ക് ,
സര്‍ ,
തൊടുപുഴ നിയോജക മണ്ഡലത്തില്‍ ഉള്‍പ്പെടുന്ന ഇടവെട്ടി ഗ്രാമ പഞ്ചായത്തിലെ നിലവിലെ കുടുംബശ്രീ സി ഡി എസ് ചെയര്‍ പേര്‍സണ്‍ ആണ് ഞാന്‍ .(http://www.cdsedavetty.blogspot.com/)

ഇക്കഴിഞ്ഞ മൂന്നു വര്‍ഷവും സര്‍ക്കാര്‍ സംവിധാനങ്ങളുമായി സഹകരിച്ചു വളരെ മികച്ച രീതിയില്‍ നമ്മുടെ നാട്ടിലെ പാവപ്പെട്ട വനിതകള്‍ക്ക് ആശ്വാസകരവും അവരുടെ സാമൂഹികവും സാമ്പത്തികവുമായ ഉന്നതിക്ക് ഉതകുന്നതുമായ നിരവധി പ്രവര്‍ത്തനങ്ങള്‍ നടത്തുവാന്‍ കഴിഞ്ഞിട്ടുണ്ട് .
അതിനു എന്നോടൊപ്പം സി ഡി എസ് കമ്മിറ്റി യില്‍ ഉള്ള ഭൂരിപക്ഷം അംഗങ്ങളും സഹകരിക്കുകയും സഹായിക്കുകയും ചെയ്തിട്ടുണ്ട് .
സംസ്ഥാന തലത്തില്‍ തിരുവനന്തപുരത്ത് രണ്ടു മാസം മുന്‍പ് നടന്ന വാര്‍ഷികത്തില്‍ 'സ്ത്രീ പദവി സ്വയം പഠന പ്രക്രിയ ' എന്ന വിഷയം അവതരിപ്പിച്ചു സംസാരിക്കുവാന്‍ എന്നെയായിരുന്നു തിരഞ്ഞെടുത്തത് .
ഞാന്‍ ന്യൂന പക്ഷ സമുദായ അംഗവും പത്തും ഏഴും വയസ്സുള്ള രണ്ടു കുട്ടികളുടെ ഉമ്മയുമാണ് .
സാമ്പത്തികമായി പിന്നോക്കം നില്‍ക്കുന്ന ചുറ്റുപാടാണ് എന്റേത് .
എങ്കിലും നമ്മുടെ സമൂഹത്തില്‍ സ്ത്രീകള്‍ അനുഭവിക്കുന്ന ക്ലേശങ്ങള്‍ക്ക്‌ , അവര്‍ക്ക് ഒരു സഹായം നമ്മള്‍ വഴി ലഭ്യമായാല്‍ അത് ദൈവ പ്രീതിക്കുള്ള മാര്‍ഗ്ഗമാണ് എന്ന വിശ്വാസം ഉള്ളതിനാല്‍ കുടുംബശ്രീ പ്രവര്‍ത്തനങ്ങളില്‍ സജീവമാകുകയാണ് ഉണ്ടായത് .
കുടുംബശ്രീയെ രാഷ്ട്രീയ ലക്ഷ്യങ്ങള്‍ക്ക് ഉപയോഗിക്കുക എന്ന അജണ്ടയുള്ള സി പി എമ്മിന്റെ ഒരു വാര്‍ഡ് മെമ്പര്‍(പേര് : ടി എം മുജീബ് ,വാര്‍ഡ് നമ്പര്‍ :പന്ത്രണ്ട്)
((വിശദ വിവരങ്ങള്‍ താഴെ കൊടുത്തിട്ടുള്ള ലിങ്കില്‍ കാണാം
http://www.lsg.kerala.gov.in/election/personalInfo.php?year=2010&lb=614&cid=2010061401201&ln=en ))

എന്നെ നിരന്തരം കള്ള കഥകള്‍ പ്രചരിപ്പിച്ചു ഉപദ്രവിക്കുകയാണ് .
പണവും പാര്‍ട്ടിയില്‍ സ്വാധീനവും ഉള്ള ഇദ്ധെഹത്തിനെതിരില്‍ പ്രതികരിക്കുവാന്‍ നാട്ടുകാര്‍ക്ക് ഭയമാണ് .

കഴിഞ്ഞ പഞ്ചായത്ത് തിരഞ്ഞെടുപ്പില്‍ എന്നോട് വാര്‍ഡ് തലത്തില്‍ മത്സരിക്കുവാന്‍ ആവശ്യപ്പെടുകയും ഞാന്‍ അതിനു വഴങ്ങാതിരിക്കുകയും ചെയ്തതില്‍ അദ്ദേഹം ക്ഷുഭിതനാണ് .
പഞ്ചായത്ത് തിരഞ്ഞെടുപ്പിന് ശേഷം പാര്‍ട്ടിയില്‍ വന്നാല്‍ ഉന്നത സ്ഥാനം നല്‍കാം എന്നും അദ്ദേഹം വാഗ്ദാനം നല്‍കിയിരുന്നു . അതും ഞാന്‍ നിരസിക്കുകയുണ്ടായി .
ഒരിക്കല്‍ സി ഡി എസ്‌ ഓഫീസില്‍ ഇദ്ദേഹം അക്രമം കാണിക്കുകയും, കസേര തല്ലിപ്പൊട്ടിച്ചു ഭീഷണിപ്പെടുത്തുകയും ചെയ്തു .അതിനെതിരില്‍ ഞാന്‍ പോലീസില്‍ പരാതി കൊടുത്തു . എന്റെ ബന്ധുക്കളുടെ അടുക്കല്‍ ചെന്ന് അദ്ദേഹം കേസ് പിന്‍വലിക്കുവാന്‍ നിര്‍ബന്ധിക്കുകയും എനിക്ക് അതിനു വഴങ്ങേണ്ടി വരികയും ചെയ്തു .
എനിക്കെതിരെ സി ഡി എസ്‌ ചെയര്പെര്സണ്‍ സ്ഥാനത്തേക്ക് മത്സരിച്ചു തോറ്റ ആളും അവരുടെ പിന്തുണക്കാരായ രണ്ടു സി ഡി എസ്‌ അംഗങ്ങളും ഇദ്ദേഹത്തോടൊപ്പം അപവാദ പ്രചാരണത്തിന് കൂട്ട് നില്‍ക്കുകയാണ് .
ബഹുമാന്യനായ മുന്‍ നിയമ - പൊതു മരാമത്ത് മന്ത്രി എം വിജയകുമാറിന്റെ പി എ ആയി ഇദ്ദേഹം പ്രവര്‍ത്തിച്ചിട്ടുണ്ട് . ജനകീയാസൂത്രണവുമായി ബന്ധപ്പെട്ട അഴിമതികളുടെ പേരില്‍ ഇദ്ദേഹത്തിനെതിരെ നിരവധി വിജിലന്‍സ് കേസുകള്‍ ഉണ്ടായിരുന്നതായി അറിയുന്നു .
സര്‍ക്കാര്‍ അറിയിപ്പ് പ്രകാരം കുടുംബശ്രീ തിരഞ്ഞെടുപ്പിന് ഇനി ദിവസങ്ങള്‍ മാത്രമേ ബാക്കിയുള്ളൂ . കെട്ടി ചമച്ച ആരോപണങ്ങള്‍ ഉന്നയിച്ചു മാനസികമായി പീഡിപ്പിക്കുന്ന ഈ നടപടിക്കെതിരെ ഒരു സ്ത്രീക്ക് താങ്ങാവുന്ന മാനസിക സമ്മര്‍ദ്ധങ്ങളുടെ അങ്ങേ അറ്റത്താണ് ഞാനിപ്പോള്‍ . എനിക്കെതിരില്‍ കള്ള ആരോപണങ്ങളുമായി നിരന്തരം പോസ്റ്റര്‍ ഇറക്കുന്നത്‌ മൂലം സ്ത്രീ എന്ന നിലയില്‍ ഉണ്ടാവുന്ന അങ്ങേ അറ്റത്തെ ബുദ്ധിമുട്ട് മൂലമാണ് അങ്ങേക്ക് ഈ പരാതി നല്‍കുന്നത് .സമൂഹ മദ്ധ്യത്തില്‍ സ്വതന്ത്രമായും നിര്‍ഭയമായും പ്രവര്‍ത്തിക്കുവാനുള്ള അവസരം ഉണ്ടാക്കി നല്‍കണമെന്ന് താഴ്മയായി അപേക്ഷിക്കുന്നു .

വിശ്വസ്ഥതയോടെ ,

ഷീജ നൗഷാദ്

സി ഡി എസ്‌ ചെയര്‍ പെര്‍സണ്‍ ,

ഇടവെട്ടി ഗ്രാമ പഞ്ചായത്ത്.

http://cdsedavetty.blogspot.com/

മതപ്രസംഗകര്‍ അറിയേണ്ട കാര്യങ്ങള്‍

2011-11-13T11:04:00.004+05:30

നീ നാലു കാര്യം ചെയ്യണം,
നാലു കാര്യം വര്‍ജിക്കുകയും വേണം.

വര്‍ജിക്കേണ്ട ഒന്നാമത്തെ കാര്യം: നിര്‍ബന്ധിതനായാലല്ലാതെ ആരോടും ഒരു പ്രശ്‌നത്തിലും വാദപ്രതിവാദം നടത്തരുത്‌.
കാരണം വാദപ്രതിവാദം കൊണ്ട്‌ ഒരുപാട്‌ ദോഷങ്ങളുണ്ട്‌.
അതുമൂലമുള്ള പാപം അതിന്റെ ഗുണത്തേക്കാള്‍ എത്രയോ വലുത്‌.

ശരി, നിന്റെയും മറ്റൊരാളുടെയോ കൂട്ടരുടെയോ ഇടയില്‍ വല്ല പ്രശ്‌നവുമുണ്ടാവുന്നു.
സത്യം തെളിയണമെന്നും അത്‌ അറിയപ്പെടാതെ പോകരുതെന്നും നീ ആഗ്രഹിക്കുന്നു.

എങ്കില്‍ വാദപ്രതിവാദമാകാം; രണ്ടുപാധികളോടെ:

ഒന്ന്‌, സത്യം വെളിപ്പെടുന്നത്‌ നിന്റെയോ എതിര്‍കക്ഷിയുടെയോ നാവിലൂടെ ആയിരിക്കുന്നതില്‍ നീ വ്യത്യാസം കല്‌പിക്കില്ല. രണ്ട്‌, നിനക്കിഷ്‌ടം വാദപ്രതിവാദം ആള്‍ക്കൂട്ടത്തില്‍ വെച്ച്‌ ആവുന്നതിലായിരിക്കില്ല. ഒഴിഞ്ഞ സ്ഥലത്ത്‌ വെച്ചായിരിക്കുന്നതിലായിരിക്കും.

വര്‍ജിക്കേണ്ട രണ്ടാമത്തെ കാര്യം: നീ പറയുന്ന കാര്യങ്ങള്‍ ആദ്യം നീ ചെയ്യുകയും പിന്നീട്‌ ജനങ്ങളെ ഉപദേശിക്കുകയും ചെയ്യുന്നെങ്കില്‍ മാത്രം നീ വാഇദ്വും (മതപ്രസംഗകനും) മുദക്കിറും (ഉല്‍ബോധകനും) ആയാല്‍ മതി. ഇല്ലെങ്കില്‍ അതിന്‌ തുനിയേണ്ട.

കാരണം അതുകൊണ്ട്‌ ഒരുപാട്‌ ദോഷങ്ങളുണ്ട്‌. മതപ്രസംഗം നടത്തുക അത്യാവശ്യമായിത്തീര്‍ന്നാല്‍ രണ്ടു കാര്യം ശ്രദ്ധിക്കണം: പ്രസംഗത്തില്‍ ദുര്‍ഗ്രഹ ശൈലികള്‍, സൂചനകള്‍, മനുഷ്യപ്രകൃതിക്ക്‌ മനസ്സിലാകാത്ത വ്യാജസ്വൂഫികളുടെ ഗഹനമായ വാക്കുകള്‍ പോലുള്ളവ ഒഴിവാക്കണം. കാരണമത്‌ അല്ലാഹു ഇഷ്‌ടപ്പെടാത്ത കാര്യമാണ്‌.

ഒരാളുടെ വീട്‌ ശക്തമായ ജലപ്രവാഹത്തില്‍ പെടാന്‍ പോകുന്നു. ഗൃഹനാഥനും കുടുംബവും വീട്ടിനകത്തുണ്ട്‌. അപ്പോള്‍ അവരോട്‌ നീ എന്താണ്‌ പറയുക? `വീട്ടുകാരെ ഉടനെ രക്ഷപ്പെട്ടോളൂ, ഭയങ്കര ജലപ്രവാഹം വരുന്നു!' ഇങ്ങനെയായിരിക്കും പറയുക. അല്ലാതെ ദുര്‍ഗ്രഹ വാക്കുകളും ഗഹനമായ ശൈലികളും സൂചനകളും കൊണ്ടായിരിക്കില്ല. ഇങ്ങനെത്തന്നെയാണ്‌ വഅദ്വ്‌ പറയുന്നവനും ചെയ്യേണ്ടത്‌. അയാളും ഇത്തരം കൃത്രിമത്വം ഉപേക്ഷിക്കണം.

മതപ്രസംഗകര്‍ ശ്രദ്ധിക്കേണ്ട മൂന്നാമത്തെ കാര്യം: വഅദ്വ്‌ കൊണ്ടുള്ള ഉദ്ദേശ്യം നിന്റെ സദസ്സില്‍ വര്‍ധിച്ച ആള്‍ക്കൂട്ടമുണ്ടാവുകയും അവര്‍ നിന്റെ പ്രസംഗം കേട്ട്‌ കരയുകയും വികാരാവേശം പ്രകടിപ്പിക്കുകയും ചെയ്യുക എന്നതായിരിക്കരുത്‌- എത്ര നല്ല വഅദ്വ്‌ എന്ന്‌ അവര്‍ പറയാന്‍ വേണ്ടി! ഇങ്ങനെയാവുന്നത്‌ ദുന്‍യാവിലേക്കുള്ള ചായ്‌വാണ്‌.

ദീനിനോടുള്ള അവഗണന മൂലമാണ്‌ ഇതുണ്ടാവുന്നത്‌.

നിന്റെ ലക്ഷ്യം ഇതായിരിക്കണം: ആളുകളെ ക്ഷണിക്കുക ദുന്‍യാവില്‍ നിന്ന്‌ ആഖിറത്തിലേക്ക്‌, പിശുക്കില്‍ നിന്ന്‌ ഔദാര്യത്തിലേക്ക്‌, വ്യാമോഹത്തില്‍ നിന്ന്‌ ധര്‍മനിഷ്‌ഠയിലേക്ക്‌. നീ അവര്‍ക്ക്‌ ആഖിറത്തിനെ പ്രിയങ്കരമാക്കണം, ദുന്‍യാവിനോട്‌ പ്രതിപത്തി ഉണ്ടാക്കണം, ഇബാദത്തിനെയും സുഹ്‌ദിനെയും കുറിച്ച്‌ അവരില്‍ അവബോധമുണ്ടാക്കണം. അവരുടെ ഹൃദയത്തില്‍ ആഖിറത്തിനെയും ദൈവശിക്ഷയെയും കുറിച്ച ഭീതിയുണ്ടാക്കണം, അവര്‍ അഭിമുഖീകരിക്കാന്‍ പോകുന്ന ഭയങ്കര രംഗങ്ങളെക്കുറിച്ച്‌ മുന്നറിയിപ്പ്‌ നല്‌കണം, പേടിപ്പിക്കണം. ചുരുക്കത്തില്‍ വഅദ്വ്‌ കൊണ്ടുള്ള ഉദ്ദേശ്യം അല്ലാഹുവിനെ അനുസരിക്കുന്നതില്‍ ആളുകള്‍ക്ക്‌ ആഗ്രഹവും താല്‌പര്യവും ഉണ്ടാക്കുക, അല്ലാഹുവോടുള്ള ധിക്കാരത്തില്‍ നിന്ന്‌ അവരെ പിന്‍തിരിപ്പിക്കുക എന്നതായിരിക്കുണം

ഇതാണ്‌ വഅദ്വിന്റെ ശരിയായ രീതി.
ഇപ്രകാരമല്ലാത്ത ഏതു വഅദ്വും ദോഷകരമാണ്‌. അത്‌ പറയുന്ന ആള്‍ക്കും കേള്‍ക്കുന്ന ആള്‍ക്കും. അത്തരം മതപ്രസംഗകന്‍ ജനങ്ങളെ നേര്‍മാര്‍രഗത്തില്‍ നിന്ന്‌ തെറ്റിച്ചുകൊണ്ടുപോയി നശിപ്പിച്ചുകളയുന്ന കുട്ടിച്ചാത്തനോ പിശാചോ ആണെന്നു വരെ പണ്ഡിതന്മാര്‍ അഭിപ്രായപ്പെട്ടിട്ടുണ്ട്‌. അതിനാല്‍ ആളുകള്‍ ഇത്തരം വഅദ്വുകാരില്‍ നിന്ന്‌ ഓടി രക്ഷപ്പട്ടുകളയണം. അവര്‍ ദീന്‍ നശിപ്പിക്കുമ്പോലെ പിശാചിനുപോലും നശിപ്പിക്കാന്‍ കഴിയില്ല.

കഴിവും സ്വാധീനവും ഉള്ളവര്‍ ഇത്തരം മതപ്രസംഗകരെ പ്രസംഗ മണ്ഡപത്തില്‍ നിന്ന്‌ ഇറക്കിവിടണം. അവരെ വഅദ്വ്‌ പറയാന്‍ അനുവദിക്കരുത്‌. ഇങ്ങനെ ചെയ്യുന്നത്‌ അംറുല്‍ ബില്‍ മഅ്‌റൂഫ്‌ വനഹ്‌യുന്‍ അനില്‍മുന്‍കര്‍ (നന്മയെ കല്‍പിക്കുക, തിന്മയെ എതിര്‍ക്കുക) എന്ന ബാധ്യതയില്‍ പെടും.

വര്‍ജിക്കേണ്ട നാലാമത്തെ കാര്യം: ഭരണാധികാരികളില്‍ നിന്നും രാജാക്കന്മാരില്‍ നിന്നും അകന്നു ജീവിക്കണം. അവരുടെ സഹവാസം മതജീവിതത്തില്‍ വമ്പിച്ച ദോഷം വരുത്തിവെക്കും.

ഭരണാധികാരികളുടെയും രാജാക്കന്മാരുടെയും പാരിതോഷികങ്ങളോ സാമ്പത്തികസഹായമോ സ്വീകരിക്കരുത്‌. അതും ദീനിനെ തകരാറിലാക്കുന്ന കാര്യമാണ്‌.

ചെയ്യേണ്ട കാര്യങ്ങള്‍:

ഒന്ന്‌, നിന്റെ ദാസന്‍ നിന്നോട്‌ ഏതു വിധത്തില്‍ പെരുമാറിയാല്‍ നീ അവനെക്കുറിച്ച്‌ തൃപ്‌തനാകുമോ ആ വിധത്തില്‍ നീ അല്ലാഹുവോട്‌ പെരുമാറണം.

രണ്ട്‌, നീ ജനങ്ങളോട്‌ പെരുമാറേണ്ടത്‌, അവര്‍ നിന്നോട്‌ ഏതു വിധത്തില്‍ പെരുമാറണമെന്ന്‌ നീ ആഗ്രഹിക്കുന്നുവോ ആ വിധത്തിലായിരിക്കണം.

നീ ചിന്തിക്കേണ്ടതിന്‌ മറ്റു ചില കാര്യങ്ങള്‍ കൂടി പറയാം: ചക്രവര്‍ത്തി ഒരാഴ്‌ച കഴിഞ്ഞ്‌ നിന്റെ വീട്ടിലേക്ക്‌ എഴുന്നള്ളുന്നുവെന്ന്‌ നീ അറിയുന്നു. എങ്കില്‍ ചക്രവര്‍ത്തിയുടെ ദൃഷ്‌ടി പതിയുമെന്ന്‌ നീ വിചാരിക്കുന്ന നിന്റെ വസ്‌ത്രം, ശരീരം, വീട്‌, കാര്‍പറ്റ്‌ തുടങ്ങിയവ വൃത്തിയായും നന്നായും വെക്കുന്നതില്‍ ആ ആഴ്‌ച മുഴുവന്‍ നീ ശ്രദ്ധിക്കുമെന്നത്‌ തീര്‍ച്ചയാണ്‌. അല്ലാഹു നോക്കുന്നത്‌ നിന്റെ ഹൃദയത്തെയാണ്‌.

മൂന്ന്‌, നീ നേടുന്ന വിജ്ഞാനം നിന്റെ ഹൃദയത്തെ സംസ്‌കരിക്കുന്നതും മനസ്സിനെ ശുദ്ധീകരിക്കുന്നതുമായിരിക്കണം.

നിന്റെ ആയുസ്സ്‌ ഒരാഴ്‌ച മാത്രമേ അവശേഷിക്കുന്നുള്ളൂവെന്ന്‌ നീ സങ്കല്‍പ്പിക്കുക. അപ്പോള്‍ നീ എന്ത്‌ ചെ യ്യും? കര്‍മശാസ്‌ത്രം, വിവാദ വിഷയങ്ങള്‍, നിദാന ശാസ്‌ത്രം, വിശ്വാസശാസ്‌ത്രം പോലുള്ളവയില്‍ നീ ഏര്‍പ്പെടുകയില്ലല്ലോ. കാരണം നിനക്കറിയാം, ഈ വിജ്ഞാനങ്ങള്‍ നിനക്ക്‌ ഈ ഘട്ടത്തില്‍ ഉപകാരപ്പെടില്ലെന്ന്‌. ആത്മ സംസ്‌കരണത്തിലും മനശ്ശാസ്‌ത്രത്തിലും ദുന്‍യാമോഹം വര്‍ജിക്കുന്നതിലും നീ ശ്രദ്ധിക്കും. മനുഷ്യന്‍ ഏതു സമയത്തും മരിക്കുമല്ലോ.

നാല്‌, ഒരു കൊല്ലത്തേക്ക്‌ ആവശ്യമുള്ളതിനേക്കാള്‍ കൂടുതല്‍ ധനം നീ സംഭരിച്ചുവെക്കരുത്‌.

നബി ഇങ്ങനെ പ്രാര്‍ഥിക്കാറുണ്ടായിരുന്നു: `അല്ലാഹുവേ, മുഹമ്മദിന്റെ കുടുംബത്തിനുള്ള ആഹാരം ആവശ്യത്തിനു മാത്രം (കുറച്ചോ അധികമോ അല്ലാത്ത വിധത്തില്‍) നീ നല്‌കേണമേ.' തന്റെ പത്‌നിമാരില്‍ ദുര്‍ബല മനസ്‌കരെന്ന്‌ നബി മനസ്സിലാക്കിയിരുന്നവര്‍ക്കു വേണ്ടി മാത്രമാണ്‌ ഒരു കൊല്ലത്തേക്കാവശ്യമായ ധനം സംഭരിച്ചുവെച്ചിരുന്നത്‌. ദൃഢമനസ്‌കര്‍ക്കാവട്ടെ, ഒരു ദിവസത്തേക്കോ അര ദിവസത്തേക്കോ മാത്രമുള്ള ഭക്ഷണമേ കരുതിവെച്ചിരുന്നുള്ളൂ.
ഒരു പ്രാര്‍ഥന പഠിപ്പിച്ചുതരണമെന്ന്‌ നീ ആവശ്യപ്പെട്ടിരുന്നല്ലോ. അത്‌ ആധികാരിക ഹദീസ്‌ ഗ്രന്ഥങ്ങളില്‍ നിന്ന്‌ ലഭിക്കും.

(അയ്യുഹല്‍ വലദില്‍ നിന്ന്‌) ഇമാം ഗസ്സാലി /വിവ. മുഹമ്മദ്‌ ശമീം ഉമരി

കണ്ണൂര്‍ മീറ്റിന്റെ മധുര സ്മരണകള്‍

2011-10-10T10:36:00.008+05:30

കണ്ണൂര്‍ സൈബര്‍ മീറ്റില്‍ പങ്കെടുക്കുവാന്‍ കഴിഞ്ഞതില്‍ വളരെ സന്തോഷിക്കുന്നു . അതിനു പല കാരണങ്ങളും ഉണ്ട് .ജീവിതത്തില്‍ ഒരിക്കല്‍ പോലും കണ്ടു മുട്ടില്ല എന്ന് വിചാരിച്ചിരുന്ന പലരും വ്യത്യസ്ത നാടുകളില്‍ നിന്നും വരുകയും സൌഹൃദത്തിന്റെ ഊഷ്മളമായ അന്തരീക്ഷത്തില്‍ കുറച്ചു സമയം ചിലവഴിക്കാന്‍ കഴിഞ്ഞത് ജീവിതത്തില്‍ മറക്കാന്‍ കഴിയാത്ത ഒരനുഭവമായി .

എന്നെ സംബന്ധിച്ചേടത്തോളം ഈ മീറ്റ്‌ മറക്കാനാവാത്ത ഒരു അനുഭവമായത്തിനു പല കാരണങ്ങളുമുണ്ട് .അതില്‍ ഏറ്റവും പ്രധാനം ജീവനോടെ കാണുവാന്‍ ആഗ്രഹിച്ച പലരെയും കാണുകയും യാതൊരു അപരിചിതത്വവും കൂടാതെ മനസ്സ് തുറന്നു സംസാരിക്കുവാനും കഴിഞ്ഞു എന്നതാണ് .

ആദ്യമായിട്ടല്ല കണ്ണൂര്‍ വഴി യാത്ര ചെയ്യുന്നത് . മുന്‍പൊരിക്കല്‍ തളിപ്പരമ്പിനു പോയ ഓര്‍മ്മകള്‍ ,കോഴിക്കോട് ഒരു വര്‍ഷത്തോളം ജീവിച്ച അനുഭവങ്ങള്‍ ഒക്കെ വീണ്ടും മനസ്സില്‍ കടന്നു വന്നു ..

(കണ്ണൂര്‍ വഴിക്കുള്ള റോഡിന്റെ അവസ്ഥ മറ്റു മീറ്റ്‌ ബ്ലോഗുകളില്‍ വിശദമായി തന്നെ വായിക്കാം )

പുലര്‍ച്ചെ തന്നെ കണ്ണൂരിലെ പഴയ ബസ്‌ സ്റ്റാന്‍ഡില്‍ എത്തി .അടുത്ത് തന്നെയുള്ള പള്ളിയില്‍ അല്‍പ സമയം ചിലവഴിച്ചു . ഒരു ഹോട്ടലില്‍ കയറി ഭക്ഷണം .മീറ്റ്‌ നടക്കുന്ന ഹാള്‍ കണ്ടു പിടിച്ചു .രാവിലെ ആയതിനാല്‍ അവിടെ ആരും ഉണ്ടായിരുന്നില്ല . ശേഷം - വഴി (ഫോണില്‍ ) 'കുടിലില്‍' എത്തി . ഫോണില്‍ വിളിച്ചു . അവരെല്ലാം തലേന്ന് തന്നെ മാടായി പാറയില്‍ സന്ധിച്ചിരുന്നു .വിധു ചോപ്രയെ പരിചയപ്പെട്ടു .അദ്ധേഹത്തിന്റെ കമ്പ്യൂട്ടര്‍ വഴി അദ്ധേഹത്തിന്റെ ബ്ലോഗ്‌ പരിചയപ്പെട്ടു .അവിടെ അല്‍പ സമയം ചിലവഴിച്ചു . ശേഷം വീണ്ടും മീറ്റ്‌ നടക്കുന്ന ഹാളില്‍ എത്തി. വീണ്ടും കണ്ടു , എന്നിവര്‍ വളരെ നേരത്തെ തന്നെ എത്തിയിരുന്നു .അവരുമായി പറഞ്ഞിരിക്കുമ്പോള്‍ എത്തി . പിന്നെ,,

പിന്നെ കണ്ടതും അറിഞ്ഞതും അനുഭവിച്ചതും ഒക്കെ സംസാരിക്കുന്ന ചിത്രങ്ങളായി ദാ ഇവിടെയുണ്ട്

ഭക്ഷണം കഴിഞ്ഞു തിരികെ പോകുവാനുള്ള തിരക്ക് .പലരെയും കണ്ടു സംസാരിച്ചു തൃപ്തിയായില്ല .സുകുമാരന്‍ മാഷിന്റെ കവിളില്‍ ഒരു ഉമ്മ നല്‍കി വിട ചോദിച്ചപ്പോള്‍ കണ്ണുകള്‍ക്ക്‌ ഒരു ചൂട് അനുഭവപ്പെട്ടില്ലേ എന്നൊരു സംശയം .

തിരികെ വരുന്ന വഴിക്ക് ബ്ലോഗ്ഗര്‍ കൂടിയായ ഹാരൂണ്‍ ഇക്ക സുഖമില്ലാതെ കിടക്കുന്നത് അറിഞ്ഞു . ഷെരീഫ്ക ,ശ്രീ ,നാമൂസ് ,സമീര്‍ തിക്കൊടി , വാല്യക്കാരന്‍ എന്നിവരോടൊപ്പം വഴി ചോദിച്ചു ചോദിച്ചു ഒരു യാത്ര, ശ്രീയുടെ കാറില്‍ .ശേഷം എന്നെയും ഷേരീഫ്കായെയും റെയില്‍വേ
സ്റ്റേഷനില്‍ കൊണ്ടാക്കി ശ്രീയുടെ ഊഷ്മളമായ വിട പറച്ചില്‍ .

റെയില്‍വെ സ്റ്റേഷനില്‍ സൂചി കുത്താന്‍ ഇടമില്ല . ഷെരീഫ്കയോട് യാത്ര പറഞ്ഞു ബസ്‌ സ്റ്റാന്‍ഡില്‍ എത്തി .അവിടെ വെച്ച് വീണ്ടും സന്ദീപിനെയും ,ചിത്രകാരനെയും വീണ്ടും കണ്ടു മുട്ടി . എല്ലാ ബസ്സിലും തിരക്ക് .ഒടുവില്‍ കിട്ടിയ ഒരു ബസ്സില്‍ ചാടിക്കയറി കൈ വീശി മടക്ക യാത്ര .

ഒരു പാടുണ്ട് എഴുതുവാന്‍ .മറ്റു പലരെയും ഇവിടെ പരാമര്‍ശിക്കുന്നില്ല .അവരൊക്കെയും നല്ല കൂട്ടുകാരാണ് .നല്ല അനുഭവങ്ങളാണ് എല്ലാവരില്‍ നിന്നും ഉണ്ടായത് . അവയൊക്കെ മനസ്സില്‍ മായാതെ നല്ല സുഖമുള്ള ഓര്‍മ്മകളായി ഉണ്ട് . അവയാണല്ലോ വീണ്ടും ഇത്തരം മീറ്റ്‌ കളില്‍ ആവേശം കൊള്ളാന്‍ നമ്മെ പ്രേരിപ്പിക്കുന്നത്

ഏതൊരു ബ്ലോഗ്‌ മീറ്റ്‌ കഴിയുമ്പോളും പരാതികളും പരിഭവങ്ങളും അടങ്ങിയ ചില പോസ്റ്റുകള്‍ ഉണ്ടാവുക സ്വാഭാവികം .അത് ഒരു പക്ഷെ അമിത പ്രതീക്ഷയില്‍ നിന്നോ , ആവേശത്തില്‍ നിന്നോ ഒക്കെ ഉണ്ടാകുന്നതാവാം .എന്നെ സംപന്ധിചെടത്തോളം ഈ മീറ്റ്‌ വലിയ ഒരു വിജയമാണ് .കാരണം എനിക്ക് കാണുകയും സംസാരിക്കുകയും കൂടുതല്‍ അടുത്തറിയുകയും ചെയ്യണമെന്നു ആഗ്രഹിച്ചിരുന്ന ഒരു പാട് പേരെ നേരില്‍ കാണുവാന്‍ കഴിഞ്ഞു എന്നത് തന്നെ .

അതിനപ്പുറം പ്രത്യേകിച്ച് ഒരു ചിന്ത ഈ മീറ്റില്‍ വരുമ്പോള്‍ ഉണ്ടായിരുന്നില്ല .

സൈബര്‍ മീറ്റുകള്‍ ബ്ലോഗ്‌ ലോകത്ത് മാറ്റങ്ങള്‍ വരുത്തുവാന്‍ കഴിയുന്ന ഒന്നല്ല എന്ന് സമ്മതിക്കുമ്പോള്‍ തന്നെ മാനുഷികമായ വികാരങ്ങള്‍ വെച്ച് പുലര്‍ത്തുന്നവരെ സംപന്ധിചെടത്തോളം അത്തരം മീറ്റുകള്‍ വലിയ ആവേശമാകും .തീര്‍ച്ച . നിലവില്‍ ഉള്ള ബ്ലോഗ്‌ എഴുത്തുകാരുടെ ഭാഷയില്‍ ആണ് കാര്യമായ മാറ്റം ഉണ്ടാവേണ്ടത് .ഒപ്പം കമന്റ്‌ ചെയ്യുന്നവരുടെതും . പരസ്പരം തൃപ്തിപ്പെടുത്തുന്ന കമന്റ്‌ കള്‍ക്ക് പ്രത്യേകിച്ച് ഗുണമൊന്നുമില്ല എന്ന് മാത്രമല്ല ബ്ലോഗ്ഗര്‍ ചര്‍ച്ച ചെയ്യണമെന്നു ആഗ്രഹിക്കുന്ന ബ്ലോഗ്‌ പോസ്റ്റിലെ സുപ്രധാന ഭാഗങ്ങള്‍ ചര്‍ച്ച ചെയ്യപ്പെടാതെ പോകുകയും അത് വഴി ആ പോസ്റ്റ്‌ 'പരാജയപ്പെടുകയും' ചെയ്യും .
കൂടുതല്‍ പേരില്‍ ബ്ലോഗ്‌ എന്ന ഇ - മാധ്യമത്തിന്റെ സാധ്യതകള്‍ എത്തിക്കുന്ന ഒപ്പം നിലവിലുള്ള ബ്ലോഗേഴ്സ് കൂടുതല്‍ ജാഗ്രത എഴുത്തുകളിലും പ്രതികരണങ്ങളിലും വരുത്തുവാന്‍ ശ്രദ്ധിച്ചില്ലെങ്കില്‍ ആര്‍ക്കും എന്തും പറയാം എന്ന സൗകര്യം ദുരുപയോഗം ചെയ്യപ്പെടുന്ന ഇന്നത്തെ അവസ്ഥക്ക് വലിയ മാറ്റം ഉണ്ടാവുകയില്ല .പുതുതായി കടന്നു വരുന്നവര്‍ക്ക് അത് പിന്നോക്കം പോകുവാന്‍ കാരണമാകുകയും ചെയ്യും .

ഈ സൈബര്‍ മീറ്റിന്റെ സംഘാടകര്‍ക്കും ,വിലപ്പെട്ട സമയം പ്രശ്നമാക്കാതെ പരസ്പരം പരിചയപ്പെടുവാന്‍ ഈ അവസരം ഉപയോഗപ്പെടുത്തിയ എല്ലാ സ്നേഹിതര്‍ക്കും വീണ്ടും നന്ദി പറഞ്ഞു കൊണ്ട് ഇനിയും ഇത്തരം കൂട്ടായ്മകള്‍ ഉണ്ടാവട്ടെ എന്ന് ആശംസിച്ചു കൊണ്ട് നിര്ത്തുന്നു ഈ മധുര സ്മരണകള്‍ ...:)

(ഫോട്ടോകള്‍ക്ക് കടപ്പാട് : മീറ്റുമായി ബന്ധപ്പെട്ടു വന്ന പോസ്റ്റുകളില്‍ നിന്നും .
അവ ഇവിടെ കാണാം )

ഇന്ത്യവിഷന്‍ വാര്‍ത്ത: സത്യാവസ്തയെന്തു ?

2011-10-03T15:52:00.000+05:30

Reply to India Vision

മതവിധികളും മാറുന്ന ലോകവും

2011-08-25T11:38:00.000+05:30

വിശുദ്ധ ഖുര്‍ആനിലും ഹദീസിലും വ്യക്തമായി പ്രസ്‌താവിക്കപ്പെട്ട അടിസ്ഥാനപരമായ ഇസ്‌ലാമിക നിയമങ്ങള്‍ക്ക്‌ കാലവും സമൂഹവും എത്ര മാറിയാലും ഒരു മാറ്റവുമുണ്ടാകില്ല. എന്നാല്‍ പ്രമാണങ്ങളെ വ്യാഖ്യാനിക്കുന്നതിലും അവയുടെ തത്വങ്ങളും വിധികളും ഗ്രഹിക്കുന്നതിലും എന്നും വീക്ഷണവ്യത്യാസമുണ്ടാവുക സ്വാഭാവികമാണ്‌. സ്വഹാബത്തിന്റെ കാലം മുതല്‍ ഇത്‌ സംഭവിച്ചിട്ടുണ്ട്‌. മനുഷ്യന്‍ മനുഷ്യനായി ഈ ഭൂമിയില്‍ നിവസിക്കുന്നേടത്തോളം അറിവിലും ചിന്തയിലും കാര്യങ്ങള്‍ ഗ്രഹിക്കുന്നതിലുമുള്ള വൈവിധ്യവും വീക്ഷണവ്യത്യാസവും സംഭവിച്ചുകൊണ്ടേയിരിക്കുമെന്നത്‌ ഒരു പ്രാപഞ്ചിക നിയമമാണ്‌.

ഖുര്‍ആന്‍ ഈ വീക്ഷണവ്യത്യാസത്തിനൊരു ഉദാഹരണം വിവരിക്കുന്നുണ്ട്‌:

പ്രവാചകനായ ദാവൂദും(അ) പുത്രന്‍ സുലൈമാനും(അ); അവരുടെ ഭരണകാലത്ത്‌ ഒരു കേസുണ്ടായി. ഒരാള്‍ വളര്‍ത്തുന്ന ആടുകള്‍ മറ്റൊരാളുടെ കൃഷിയിടത്തില്‍ പ്രവേശിച്ച്‌ വിളകളെല്ലാം തിന്നു. ഈ കേസില്‍ ദാവൂദിന്റെ(അ) വിധി കേട്ട്‌ പുറത്ത്‌ വരികയായിരുന്ന അന്യായക്കാരനെയും പ്രതിയെയും

സുലൈമാന്‍ (അ)കണ്ടപ്പോള്‍ അദ്ദേഹം എന്താണ്‌ കേസിന്റെ വിധി എന്നന്വേഷിച്ചു. ആടുകളെ കൃഷിക്കാരന്‌ കൊടുക്കേണമെന്നാണ്‌ വിധി എന്നറിയിച്ചപ്പോള്‍ അവരെയും കൂട്ടി

സുലൈമാന്‍(അ) പിതാവ്‌ ദാവൂദിനെ (അ)സമീപിച്ച്‌ പറഞ്ഞു:

``പ്രവാചകരേ, ഇതിനേക്കാള്‍ ദയാപരമായ മറ്റൊരു വിധിയാണ്‌ വേണ്ടതെന്നാണ്‌ എന്റെ അഭിപ്രായം.''

ദാവൂദ്‌(അ): ``എന്താണത്‌?''

സുലൈമാന്‍(അ): ``ആടുകളെ കൃഷിക്കാരന്‌ കൊടുക്കുക. അവന്‍ അവയുടെ പാലും നെയ്യും രോമവുമെല്ലാം ഉപയോഗിക്കട്ടെ. കൃഷി ആടുകളുടെ ഉടമക്കും നല്‍കുക. അവന്‍ അതിനെ പരിപാലിക്കട്ടെ. അങ്ങനെ അത്‌ പൂര്‍വസ്ഥിതി പ്രാപിച്ചാല്‍ ഓരോരുത്തരും സ്വത്ത്‌ ഉടമക്ക്‌ തന്നെ തിരിച്ചേല്‍പിപ്പിക്കുക.''

വിശുദ്ധ ഖുര്‍ആന്‍ സൂറത്തുല്‍ അന്‍ബിയാഇല്‍ സൂചിപ്പിച്ച ഈ സംഭവം നല്‍കുന്ന പാഠമെന്താണ്‌?

കാര്യങ്ങള്‍ ഗ്രഹിക്കുന്നതിലും അതനുസരിച്ച്‌ വിധികള്‍ പ്രസ്‌താവിക്കുന്നതിലും വീക്ഷണ വ്യത്യാസമുണ്ടാവുക സ്വാഭാവികമാണ്‌. പ്രമാണങ്ങളുടെ അക്ഷരാര്‍ഥം മാത്രം ചിലര്‍ നോക്കുമ്പോള്‍ മറ്റു ചിലര്‍ അവയുടെ സന്ദര്‍ഭവും പൊരുളും തത്വവും നോക്കിയാണ്‌ വ്യാഖ്യാനിക്കുകയും വിധി പ്രസ്‌താവിക്കുകയും ചെയ്യുക.

റസൂലിന്റെ(സ : അ) കാലത്തെ ഒരു ഉദാഹരണം:

അഹ്‌സാബ്‌ യുദ്ധം നടക്കുന്ന സന്ദര്‍ഭത്തില്‍ തിരുമേനി(സ:അ) ഒരു സൈനിക സംഘത്തോട്‌ പറഞ്ഞു:

``നിങ്ങള്‍ ബനൂഖുദൈയില്‍ വെച്ചല്ലാതെ അസ്‌ര്‍ നമസ്‌കരിക്കരുത്‌.''

എന്നാല്‍ അവിടെയെത്തും മുമ്പ്‌ വഴിയില്‍ അസ്‌ര്‍ സമയമായി.

ചിലര്‍ പറഞ്ഞു: ``അവിടെയെത്തിയിട്ട്‌ അസ്‌ര്‍ നമസ്‌കരിക്കാനല്ലേ റസൂല്‍ പറഞ്ഞത്‌; ഞങ്ങള്‍ അതിന്‌ മുമ്പ്‌ നമസ്‌കരിക്കുകയില്ല.''

മറ്റൊരു വിഭാഗം പറഞ്ഞു: ``റസൂലിന്റെ ഉദ്ദേശ്യം അതല്ല. ഞങ്ങള്‍ ഇവിടെ വെച്ച്‌ തന്നെ നമസ്‌കരിക്കുകയാണ്‌.''

ഈ വിവരമറിഞ്ഞപ്പോള്‍ റസൂല്‍(സ:അ) ഒരു വിഭാഗത്തെയും ആക്ഷേപിച്ചില്ല.

പ്രമാണങ്ങളെ സന്ദര്‍ഭത്തിന്റെ അടിസ്ഥാനത്തില്‍ മനസ്സിലാക്കത്തതു കൊണ്ടും വ്യത്യസ്‌ത വീക്ഷണമുണ്ടാകാമെന്നതിന്‌ മറ്റൊരു ഉദാഹരണം:

മരണപ്പെട്ടവനെച്ചൊല്ലി മയ്യിത്തിന്റെ കുടുംബങ്ങള്‍ കരഞ്ഞാല്‍ അത്‌ കാരണമായി മയ്യിത്ത്‌ ശിക്ഷിക്കപ്പെടുമെന്ന്‌ റസൂല്‍ (സ:അ)പറഞ്ഞതായി ഇബ്‌നുഉമര്‍(റ) ഒരു ഹദീസ്‌ ഉദ്ധരിച്ചപ്പോള്‍ അദ്ദേഹം മനസ്സിലാക്കിയതില്‍ അബദ്ധം പറ്റിയതാണെന്ന്‌ ആഇശ(റ) വിധിച്ചു.

അവര്‍ സംഭവം ഇങ്ങനെ വിവരിച്ചു: മരണപ്പെട്ട ഒരു യഹൂദ സ്‌ത്രീയുടെ പേരില്‍ കുടുംബങ്ങള്‍ കരയുന്നത്‌ നബി(സ:അ) കണ്ടു.

അപ്പോള്‍ അദ്ദേഹം (സ:അ)പറഞ്ഞു:

"അവര്‍ അവളുടെ പേരില്‍ കരയുന്നു; അവളാകട്ടെ ഖബറില്‍ ശിക്ഷിക്കപ്പെടുകയും ചെയ്യുന്നു. "

അപ്പോള്‍ കരച്ചിലാണ്‌ ശിക്ഷക്ക്‌ കാരണമെന്നും ഇത്‌ എല്ലാ മയ്യിത്തിനും ബാധകമായ ഒരു വിധിയാണെന്നും അദ്ദേഹം ധരിച്ചതാണ്‌.

ഇങ്ങനെ പ്രമാണങ്ങളിലെ യുക്തിയും സന്ദര്‍ഭവും മനസ്സിലാക്കാതെ അവയുടെ ബാഹ്യാര്‍ഥം മാത്രം നോക്കി വ്യാഖ്യാനിക്കുകയും അതനുസരിച്ച്‌ വിധികള്‍ പ്രസ്‌താവിക്കുകയും ചെയ്യുന്നതാണ്‌ ഇന്ന്‌ മതരംഗത്ത്‌ കാണുന്ന അധിക ഭിന്നാഭിപ്രായങ്ങള്‍ക്കും കാരണം.

പ്രമാണങ്ങളെ നോക്കി പണ്ഡിതന്മാര്‍ വിധി കല്‍പിക്കേണ്ട പല ആധുനിക പ്രശ്‌നങ്ങളും ഇന്ന്‌ മുസ്‌ലിംകളെ അഭിമുഖീകരിക്കുന്നുണ്ട്‌. അവയില്‍ അവരുടെ ഫത്‌വാകള്‍ വരികയും ചെയ്യുന്നുണ്ട്‌. ഇത്തരം ഫത്‌വാകളില്‍ ചിലതിനോട്‌ കടുത്ത എതിര്‍പ്പുകള്‍ ഉയര്‍ന്നുവരാറുമുണ്ട്‌.

തങ്ങള്‍ മനസ്സിലാക്കിയത്‌ മാത്രമാണ്‌ ശരിയെന്ന വിശ്വാസമാണ്‌ പലരെയും വീക്ഷണവ്യത്യാസത്തോട്‌ അലര്‍ജി പ്രകടിപ്പിക്കാന്‍ പ്രേരിപ്പിച്ചത്‌.

എന്നാല്‍ ഇസ്‌ലാമിന്റെ അടിസ്ഥാന വിശ്വാസങ്ങളും ആരാധനകളും സ്ഥായിയായ നിയമങ്ങളും അല്ലാത്ത വിഷയങ്ങളില്‍ വിധികള്‍ പ്രസ്‌താവിക്കുമ്പോള്‍ കാലത്തിന്റെയും സമൂഹത്തിന്റെയും സമ്പ്രദായങ്ങളുടെയും മാറ്റം പരിഗണിക്കുക എന്നതാണ്‌ പണ്ഡിതന്മാര്‍ പൂര്‍വകാലം മുതല്‍ക്കു തന്നെ അംഗീകരിച്ചുവന്ന രീതി. നാടിന്റെ മാറ്റമനുസരിച്ചും മതവിധികളിലും വീക്ഷണങ്ങളിലും മാറ്റം സംഭവിക്കാറുണ്ട്‌.

ശാസ്‌ത്ര-വിജ്ഞാന രംഗങ്ങളില്‍ സംഭവിച്ച വിസ്‌ഫോടനകരമായ മാറ്റം മതവിധികളിലും പ്രതിഫലിക്കുക സ്വാഭാവികമാണ്‌. അതിവേഗതയാണ്‌ കാലഘട്ടത്തിന്റെ മുഖമുദ്ര. ജീവിതം സുഗമമാക്കുക എന്നത്‌ ഇസ്‌ലാമിന്റെ തത്വമാണ്‌.

``നിങ്ങള്‍ക്ക്‌ അവന്‍ എളുപ്പത്തെയാണ്‌ ഉദ്ദേശിക്കുന്നത്‌; പ്രയാസത്തെയല്ല,'' ``

മതത്തില്‍ നിങ്ങള്‍ക്ക്‌ ഒരു വിഷമവും ഏര്‍പ്പെടുത്തിയിട്ടില്ല''

എന്നീ ഖുര്‍ആന്‍ വാക്യങ്ങള്‍ അടിസ്ഥാനശിലകളാണ്‌.

കമ്പ്യൂട്ടര്‍ എന്ന അത്യത്ഭുതകരമായ ഉപകരണം ജീവിതത്തെ എത്രമാത്രം സുഗമമാക്കിയിരിക്കുന്നു. അതുകൊണ്ട്‌ തന്നെ അത്‌ മുഖേനയുള്ള വ്യാപാര-സാമ്പത്തിക ഇടപാടുകള്‍ക്ക്‌ മാത്രമല്ല, ഇന്റര്‍നെറ്റ്‌ വഴിക്കുള്ള വിവാഹങ്ങള്‍ക്കു പോലും ആധുനിക പണ്ഡിതന്മാര്‍ അംഗീകാരം നല്‍കുന്നു.

വൈദ്യശാസ്‌ത്രരംഗത്താണ്‌ വമ്പിച്ച പുരോഗതി കൈവന്നത്‌. ഡി എന്‍ എ ടെസ്റ്റിലൂടെയുള്ള പിതൃത്വ നിര്‍ണയം പൂര്‍വകാല പണ്ഡിതന്മാരുടെ വിധികളിലും നിഗമനങ്ങളിലും പലതിനെയും തിരുത്തി.

ഒരു സ്‌ത്രീയുടെ ഗര്‍ഭം നാലുവര്‍ഷം വരെ നിലനില്‍ക്കുമെന്ന്‌ ചില ഫുഖഹാക്കള്‍ മുമ്പ്‌ അഭിപ്രായപ്പെട്ടിരുന്നു. സ്‌ത്രീയുടെ വാക്ക്‌ വിശ്വസിച്ചായിരുന്നു അത്‌.

രണ്ടു വര്‍ഷമാണ്‌ ഹനഫീ മദ്‌ഹബില്‍.

ഇന്ന്‌ സ്‌ത്രീകള്‍ ഗര്‍ഭിണിയാണോ അല്ലയോ എന്ന്‌ ലബോറട്ടറി പരിശോധനകള്‍ കൊണ്ട്‌ മിനിറ്റുകള്‍ക്കകം കണ്ടെത്താന്‍ കഴിയും.

`കള്ളഗര്‍ഭം' എന്ന മനശാസ്‌ത്രപരമായ പ്രതിഭാസം മനസ്സിലാക്കാന്‍ പൂര്‍വകാല പണ്ഡിതന്മാര്‍ക്ക്‌ കഴിഞ്ഞിരുന്നില്ല.

അതുപോലെ അവയവം മാറ്റിവെക്കലും അവയവദാനവും മസ്‌തിഷ്‌ക മരണവുമെല്ലാം പണ്ഡിതന്മാര്‍ അംഗീകരിക്കുന്നു.

നാടിന്റെ മാറ്റം വിധികളിലും പ്രമാണങ്ങളുടെ വ്യാഖ്യനങ്ങളിലും വലിയ മാറ്റങ്ങള്‍ സൃഷ്‌ടിക്കും. അതുകൊണ്ടാണല്ലോ ഇമാം ശാഫിഈ(റ) ഇറാഖില്‍ നിന്ന്‌ ഈജിപ്‌തില്‍ വന്നപ്പോള്‍ അദ്ദേഹത്തിന്റെ വിധികളിലും വ്യത്യാസം വന്നത്‌. ഇന്ത്യ ഒരു മേതതര-ബഹുമത സമൂഹ രാജ്യമാണ്‌. അതുകൊണ്ട്‌ തന്നെ ഇവിടുത്തെ ഭരണഘടന, തെരഞ്ഞെടുപ്പ്‌, ഭരണപങ്കാളിത്തം, ജനാധിപത്യക്രമം, സിവില്‍-ക്രിമിനല്‍ നിയമങ്ങള്‍, ഇതര മതസ്ഥരോടുള്ള സമീപനം, തുടങ്ങിയ വിഷയങ്ങളില്‍ മുസ്‌ലിംകള്‍ മാത്രമുള്ള ഒരു രാജ്യത്തില്‍ നിന്ന്‌ വ്യത്യസ്‌തമായ രീതി സ്വീകരിക്കാന്‍ ഇന്ത്യന്‍ മുസ്‌ലിംകള്‍ ബാധ്യസ്ഥരാകുന്നു. ഇവിടുത്തെ ഭൂരിപക്ഷ സമുദായങ്ങളില്‍ തൗഹീദിന്‌ വിരുദ്ധമായ പല വിശ്വാസങ്ങളും ആചാരങ്ങളുമുണ്ട്‌. ജിന്ന്‌, ശൈത്താന്‍, സിഹ്‌റ്‌ തുടങ്ങിയവ എല്ലാ സമുദായങ്ങളിലുമുണ്ട്‌. പേരുകളില്‍ മാറ്റമുണ്ടാകുമെന്ന്‌ മാത്രം. ഇവയുമായി ബന്ധപ്പെട്ട ചില വിശ്വാസങ്ങളും അനുഷ്‌ഠാനങ്ങളും അവര്‍ സ്വീകരിക്കുകയും ചെയ്യുന്നു.

ഖുര്‍ആന്‍ വിവരിച്ച ജിന്ന്‌, ശൈത്താന്‍, സിഹ്‌റ്‌ എന്നിവക്ക്‌ സമൂഹങ്ങളില്‍ പ്രചാരത്തിലുള്ള രൂപ സങ്കല്‍പമനുസരിച്ച്‌ വ്യാഖ്യാനം നല്‍കുകയും, അതനുസരിച്ച്‌ വിധി പ്രസ്‌താവിക്കുകയും ചെയ്‌ത്‌ ചില പണ്ഡിതന്മാര്‍ അബദ്ധത്തില്‍ വീണിട്ടുണ്ട്‌.

അങ്ങനെയാണ്‌ ജിന്നുമായി ലൈംഗിക ബന്ധത്തിലേര്‍പ്പെടുന്ന സ്‌ത്രീയുമായി ബന്ധപ്പെട്ട പ്രശ്‌നങ്ങള്‍ ഫിഖ്‌ഹ്‌ ഗ്രന്ഥങ്ങളില്‍ കടന്നുകൂടിയത്‌. ഏതായാലും ഇന്ത്യയില്‍ ഭൂരിപക്ഷ സമുദായത്തെ മുസ്‌ലിംകള്‍ ആദരിക്കുകയും അവരുമായി സൗഹൃദം പുലര്‍ത്തുകയും ചെയ്യുന്നുവെങ്കിലും തൗഹീദിന്‌ വിരുദ്ധമായ അവരുടെ വിശ്വാസാചാരങ്ങളെ ഒരിക്കലും അംഗീകരിക്കാന്‍ അവര്‍ക്ക്‌ നിര്‍വാഹമില്ല.

മുസ്‌ലിംകളില്‍ ചിലര്‍ വിശ്വസിക്കുകയും പ്രയോഗിക്കുകയും ചെയ്യുന്ന സിഹ്‌റും ഹിന്ദുക്കളുടെ മാരണവും തമ്മില്‍ പേരിലില്ലാതെ മറ്റ്‌ വ്യത്യാസങ്ങളുണ്ടോ?

അതേ അവസരം ഓരോ നാടിന്റെയും സാമൂഹ്യാവസ്ഥയും പാരമ്പര്യവും പണ്ഡിതന്മാരുടെ ഫത്‌വാകളില്‍ സ്വാധീനം ചെലുത്തും.

സ്‌ത്രീകള്‍ പുറത്തിറങ്ങുമ്പോള്‍ മുഖാവരണം ധരിക്കുന്നതിന്റെ ഇസ്‌ലാമിക വിധിയെന്ത്‌ എന്ന്‌ സുഊദി അറേബ്യയിലെ ഒരു പണ്ഡിതനോട്‌ ചോദിച്ചാല്‍ `നിര്‍ബന്ധം' എന്ന മറുപടിയാണ്‌ ലഭിക്കുകയെങ്കില്‍ ഇന്ത്യന്‍ പണ്ഡിതന്‍ `നിര്‍ബന്ധമില്ല' എന്നാണ്‌ ഉത്തരം നല്‍കുക.

മിശ്രവിദ്യാഭ്യാസം സുഊദിയില്‍ അനുവദനീയമല്ലെങ്കില്‍ ഇന്ത്യയില്‍ മുസ്‌ലിംകള്‍ അതില്‍ തെറ്റ്‌ കാണുന്നില്ല. സ്‌ത്രീകള്‍ക്ക്‌ കാര്‍ ഡ്രൈവിംഗ്‌ അവിടെ പാടില്ലെങ്കില്‍ ഇവിടെ ഹലാലാണ്‌.

സുഊദിയിലെ മഹാന്മാരായ പണ്ഡിതന്മാര്‍ പ്രമാണങ്ങളുടെ വെളിച്ചത്തില്‍ അവിടുത്തെ പാരമ്പര്യത്തിനും പരിതസ്ഥിതിക്കും അനുസരിച്ചാണ്‌ സ്‌ത്രീകളുടെ വിഷയത്തില്‍ ഫത്‌വാകള്‍ നല്‌കുന്നത്‌.

കാലം മാറുമ്പോള്‍ പുതിയ വിധികളും പ്രമാണങ്ങള്‍ക്ക്‌ പുതിയ വ്യാഖ്യാനങ്ങളും ഏത്‌ നാട്ടിലും വരിക അനിവാര്യമാണ്‌.

പ്രസിദ്ധ പണ്ഡിതനായ ഖര്‍റാഫി (ക്രി.1285) പറയുന്നതു പോലെ ഒരു നാട്ടിലെ പണ്ഡിതന്മാരുടെ വിധികള്‍ മറ്റൊരു നാട്ടിലുള്ളവരുടെ മേല്‍ അടിച്ചേല്‍പിക്കാന്‍ പാടില്ല. നാട്ടിന്റെ സമ്പ്രദായങ്ങളും സ്ഥിതിയും പരിഗണിക്കുക എന്നത്‌ നിയമങ്ങള്‍ ആവിഷ്‌കരിക്കുന്നതിലും വ്യാഖ്യാനിക്കുന്നതിലും നിര്‍ണായകമായ ഒരു ഘടകം തന്നെയാണ്‌.

ഇമാം അബൂഹനീഫ (റ)ഒരു പരിതസ്ഥിതിയില്‍ ഫാര്‍സി ഭാഷയില്‍ ഖുര്‍ആന്‍ ഓതാമെന്ന്‌ വിധിച്ചത്‌ ഇവിടെ സ്‌മരണീയമാണ്‌. ജനങ്ങളുടെ താല്‍പര്യസംരക്ഷണമാണ്‌ ശരീഅത്തിന്റെ ലക്ഷ്യം.

ഇബ്‌നുതൈമിയ്യ പറയുന്നു: ``ഇസ്‌ലാമിക ശരീഅത്ത്‌ വന്നത്‌ നന്മകള്‍ സാധിക്കാനും പൂര്‍ത്തീകരിക്കാനുമാണ്‌.'' ജനങ്ങളുടെ ജീവിതത്തില്‍ കൂടുതല്‍ പ്രയാസങ്ങള്‍ സൃഷ്‌ടിക്കുകയല്ല, പ്രയാസങ്ങളെ ലഘൂകരിക്കുകയായിരിക്കണം പണ്ഡിതന്മാരുടെ കര്‍ത്തവ്യം.

പാശ്ചാത്യ രാജ്യങ്ങളില്‍ ഭാര്യ ഇസ്‌ലാം മതം സ്വീകരിക്കുകയും ഭര്‍ത്താവ്‌ അയാളുടെ മതത്തില്‍ തന്നെ ഉറച്ചുനില്‍ക്കുകയും ചെയ്യുന്ന പരിതസ്ഥിതിയുണ്ട്‌. ഈ അവസ്ഥയില്‍ സ്‌ത്രീ എന്ത്‌ ചെയ്യണം. മുമ്പ്‌ ഇത്തരം പരിതസ്ഥിതിയില്‍ സ്വീകരിക്കേണ്ട ഒമ്പത്‌ അഭിപ്രായങ്ങള്‍ ഇബ്‌നുല്‍ഖയ്യിം രേഖപ്പെടുത്തിയിട്ടുണ്ട്‌. അവയില്‍ ഒന്ന്‌ ഉമര്‍(റ) പറഞ്ഞ ഇതാണ്‌: അവള്‍ക്ക്‌ ഭര്‍ത്താവിന്റെ കൂടെ താമസിക്കുകയോ അയാളെ പിരിയുകയോ ഇഷ്‌ടമുള്ളത്‌ ചെയ്യാം. അലി(റ) പറഞ്ഞത്‌ ഭര്‍ത്താവ്‌ അവളെ പുറത്താക്കാത്തേടത്തോളം കാലം അവളെ അവകാശപ്പെട്ടവന്‍ അയാള്‍ തന്നെയാണ്‌ എന്നാണ്‌. പരിതസ്ഥിതിക്ക്‌ അനുയോജ്യമായ ഇത്തരം വിധികളെല്ലാം എന്ത്‌ ആശ്വാസമാണ്‌ പ്രദാനം ചെയ്യുക. അതുപോലെ ഇസ്‌ലാം മതം സ്വീകരിക്കുന്നതു കൊണ്ട്‌ കുടുംബ സ്വത്തിലെ അവകാശം നഷ്‌ടപ്പെടുകയില്ല എന്ന ഫത്‌വായും ആശ്വാസം നല്‍കുന്നതാണ്‌.

സാമ്പത്തിക രംഗത്ത്‌ ഒരുപാട്‌ പുതിയ ക്രമങ്ങള്‍ നിലവില്‍ വന്നു. ഇവയില്‍ നിന്ന്‌ ശരീഅത്ത്‌ അനുവദിക്കുന്നതും നിരോധിക്കുന്നതും വേര്‍തിരിക്കേണ്ടത്‌ അനിവാര്യമാണ്‌. പുതിയതെന്തിനോടും പുറംതിരിഞ്ഞു നില്‍ക്കുന്നതിന്‌ ന്യായീകരണമില്ല. ഹി. ഏഴാം നൂറ്റാണ്ടിലെ പ്രസിദ്ധ പണ്ഡിതനായ ശിഹാബുദ്ദീന്‍ അഹ്‌മദ്‌ ഖറാഫിയുടെ വാക്കുകള്‍ ഇവിടെ ഉദ്ധരിക്കട്ടെ:

``ഏത്‌ പുതിയ സമ്പ്രദായം നിലവില്‍ വന്നാലും നീ അത്‌ പരിഗണിക്കണം. ഒന്നു കാലഹരണപ്പെട്ടാല്‍ നീയും അതിനെ പുറംതള്ളുക. ജീവിതകാലം മുഴുവന്‍ ഗ്രന്ഥങ്ങളില്‍ രേഖപ്പെടുത്തപ്പെട്ടതില്‍ മരവിച്ചുകിടക്കരുത്‌. അത്‌ മതത്തിലെ വഴിതെറ്റലും പണ്ഡിതന്മാരുടെയും സലഫിന്റെയും ഉദ്ദേശ്യങ്ങളെപ്പറ്റിയുള്ള അജ്ഞതയുമാണ്‌.''

കാലത്തിന്റെയും സമ്പ്രദായങ്ങളുടെയും മാറ്റങ്ങളുമായി സമരസപ്പെട്ടുപോകാനുള്ള കരുത്താണ്‌ ഇസ്‌ലാമിക ശരീഅത്തിന്റെ സവിശേഷത. ഇത്‌ സാക്ഷാല്‍കരിക്കും വിധം പ്രമാണങ്ങളെ വ്യാഖ്യാനിക്കുകയും മതവിധികള്‍ ആവിഷ്‌കരിക്കുകയും ചെയ്യുമ്പോള്‍ അതിനെ വ്യതിയാനമായി കാണുന്ന പ്രവണത യഥാര്‍ഥത്തില്‍ പൂര്‍വികരുടെ പാതയില്‍ നിന്നുള്ള വ്യതിയാനമാണ്‌. വീക്ഷണവ്യത്യാസത്തെ അംഗീകരിക്കുന്ന വിശാലമായ ഒരു മനസ്സിന്റെ അഭാവമാണ്‌ ഇന്ന്‌ മുസ്‌ലിംസമൂഹം നേരിടുന്ന വലിയ ഭീഷണി. ഇതും ഇന്നത്തെ തീവ്രവാദ ചിന്തയുടെ മറ്റൊരു രൂപമാണ്‌.

കടപ്പാട് : ശബാബ് വാരിക

image credits :google

പി മുഹമ്മദ്‌ കുട്ടശ്ശേരി

സന്തോഷ്‌ പണ്ഡിറ്റ്‌ ഫേസ് ബുക്ക്‌ താരമാവുന്നു ....!!!!

2011-07-04T17:24:00.002+05:30

സമീപകാലത്ത് ഏറ്റവും അധികം സൈബര്‍ ലോകത്ത് കേള്‍ക്കുന്ന പേരാണ് സന്തോഷ്‌ പണ്ഡിറ്റ്‌ എന്ന് .ഇയാള്‍ ആരാണ് എന്നും എന്ത് കൊണ്ടാണ് ഇയാള്‍ ഈ അടുത്ത നാളുകളില്‍ പ്രശസ്തന്‍ (?)ആയതു എന്നും മനസ്സിലായി . ഇദ്ദേഹത്തിന്റെ സ്വത സിദ്ധമായ ചില ചേഷ്ടകള്‍ ബഹു ഭൂരിപക്ഷം ആളുകളിലും വെറുപ്പുണ്ടാക്കുന്നു എന്നാണു മനസ്സിലാക്കുവാന്‍ കഴിഞ്ഞത് . ഏതായാലും ഫേസ് ബുക്ക്‌ ഗ്രൂപ്പുകളില്‍ ഇദ്ധെഹതിന്റെതായി ഒരു Fans & Welfare Assosiation എന്ന പേരില്‍ ഒരു ഗ്രൂപ്പ് രൂപീകരിക്കപ്പെട്ടിരിക്കുന്നു .മണിക്കൂറുകള്‍ക്കകം ആയിരത്തിലധികം പേര്‍ ചേര്‍ക്കപ്പെട്ട ഈ ഗ്രൂപ്പ് വളരെ സജീവമാണ് .

ഗ്രൂപ്പില്‍ ചേര്‍ക്കപ്പെട്ട ആളുകളുടെ പ്രതികരണം വളരെ രസാവഹമാണ് :

ദൈവമേ ..ആരാ എന്നെ ഈ ഗ്രൂപ്പില്‍ കൊണ്ടിട്ടത് !!,,,ഇങ്ങിനെ ഇന്ജിന്ജ് ആയി കൊല്ലുന്നതിനു പകരം ഒറ്റയടിക്കങ്ങു കൊന്നൂടെ ...!!!!!!!! എന്നെയങ്ങ് കൊല്ല് കൊല്ല് കൊല്ല്

അഡ്മിന്‍ ആവാന്‍ താല്പര്യമുള്ളവരില്‍ അപേക്ഷ ക്ഷണിക്കുന്നു....താല്പര്യമുളവര്‍ എത്രയും പെട്ടെന്ന് spanditfans@gmail.com എന്ന ഇമെയില്‍ ഐ ഡി യിലേക്ക് തങ്ങളുടെ ബയോടാറ്റ അയക്കുക....(തെറി അയക്കരുത്....പ്ലീസ്....)

നല്ല ഒരു ഗ്രൂപ്പ് ........... ജീവിതത്തില്‍ എല്ലാം തകര്‍ന്നു എന്ന് കരുതി ആത്മഹത്യ ചെയ്യാന്‍ പോകുന്നവര്‍ക്ക് ഇവിടെ വന്നു കുറെ നേരം ഇരിക്കാം.... തനിക്കു പറ്റിയതോന്നും ഒരു തകര്‍ച്ചയെ അല്ല എന്ന് തനിയെ തോന്നും.... ലോകത്ത് ഇത്രേം വലിയ കൂതറകള്‍ ഉണ്ടെന്നു അറിയുന്നത് തന്നെ ഒരു ആത്മവിശ്വാസം ഒക്കെ നല്‍കും.....

ബാക്കിയൊക്കെ നേരിട്ട് ഇവിടെ ക്ലിക്ക് ചെയ്തു വായിച്ചു കൊള്ളൂ

ഗ്രൂപ്പില്‍ പുതുതായി ചേര്‍ക്കപ്പെടുന്നവര്‍ തങ്ങളോടു എന്ത് വിരോധം ഉണ്ടായിട്ടാണ് തങ്ങളെ ഈ ഗ്രൂപ്പില്‍ ചേര്‍ത്തത് എന്ന് ചോദിച്ചാണ് കടന്നു വരുന്നത് എന്നതാണ് ഈ ഗ്രൂപ്പില്‍ വളരെ രസകരമായി അനുഭവപ്പെട്ടത് . റിപ്പോര്‍ട്ടര്‍ പോലുള്ള ഗ്രൂപ്പുകളില്‍ വിരുദ്ധ ചേരികളില്‍ നിന്ന് തെറി വിളി വരെ നടത്തുന്നവര്‍ ഈ ഗ്രൂപ്പില്‍ പരസ്പരം തമാശ പറഞ്ഞു രസിക്കുന്നു .തങ്ങളുടെ കടുത്ത 'ശത്രുക്കളെ' കൂടി ഈ ഗ്രൂപ്പില്‍ ചേര്‍ക്കണമെന്ന് പറയുന്നു ...!!! അതാണ്‌ എനിക്ക് മനസ്സിലാവാത്തത് ...!!!!!

ഒരു വ്യക്തിയെ ഇകഴ്ത്ത്തുവാന്‍ വേണ്ടി രൂപീകരിക്കപ്പെട്ടതെന്നു കരുതാവുന്ന ഈ ഗ്രൂപ്പില്‍ കീരിയും പാമ്പും ഒരുമിച്ചു സന്തോഷത്തോടെ കഴിയുന്നതില്‍ സന്തോഷ്‌ പണ്ഡിറ്റ്‌ നു അഭിമാനിക്കാം ....:)

ആര്‍ത്തിയുടെ മണിച്ചങ്ങലകള്‍

2011-07-03T15:57:00.000+05:30

കെ പി ഖാലിദ്‌

ഇഷ്‌ടമുള്ള ആഡംബരക്കാര്‍! താമസിക്കാന്‍ നീന്തല്‍ക്കുളം ഉള്‍പ്പെടുന്ന മനോഹരമായ രമ്യഹര്‍മം. ചുറ്റും പരിചാരകര്‍. ആവശ്യത്തിലേറെയുള്ള പണം! ഭൂമിയിലെ സ്വര്‍ഗത്തെക്കുറിച്ച വാഗ്‌ദാനം, മള്‍ട്ടിലെവല്‍ മാര്‍ക്കറ്റിംഗ്‌ കമ്പനികള്‍ ഗ്രാമങ്ങളില്‍ പോലും നടത്തുന്ന മോട്ടിവേഷന്‍ ക്ലാസ്സുകളിലിരുന്ന്‌ ഇങ്ങനെ കേള്‍ക്കണം. മനുഷ്യ ഹൃദയങ്ങളിലൂറിക്കിടക്കുന്ന തൃഷ്‌ണയുടെ നെരിപ്പോടുകളെ എങ്ങനെ ഊതിക്കത്തിക്കാമെന്ന്‌ കോട്ടും ടൈയും ധരിച്ച `മംഗ്ലീഷ്‌' സംസാരിക്കുന്ന മള്‍ട്ടിലെവല്‍ ക്ലാസ്‌ അധ്യാപകരില്‍ നിന്ന്‌ പഠിക്കണം. `മണിചെയിന്‍' എന്ന്‌ പ്രാകൃതമായി നാം വിളിച്ചിരുന്ന പണപ്പങ്കുകച്ചവടത്തെ ഉത്‌പന്നങ്ങളുമായി വിളക്കിച്ചേര്‍ത്ത്‌ അമേരിക്കന്‍ മാര്‍ക്കറ്റിംഗ്‌ കമ്പനി ആംവേ തുടങ്ങിവെച്ച `പിരമിഡ്‌'

വില വ്യവസായത്തിന്റെ രൂപപരിണാമങ്ങളാണ്‌ കഴിഞ്ഞ കുറേദിവസങ്ങളായി മലയാളക്കരയില്‍ നനഞ്ഞു തകര്‍ന്നുവീണ്‌ ചീട്ടുകൊട്ടാരം പോലെ അടിയുന്നത്‌.

ഇക്കഴിഞ്ഞ കുറേ വര്‍ഷങ്ങളായി നമ്മുടെ ഗ്രാമങ്ങളില്‍ പോലും കല്യാണമണ്ഡപങ്ങള്‍ ബുക്കുചെയ്‌തു കൊണ്ട്‌ മള്‍ട്ടിലെവല്‍ മാര്‍ക്കറ്റിംഗ്‌ കമ്പനികള്‍ നടത്തുന്ന സ്വഭാവരൂപീകരണ ക്ലാസുകളില്‍ പങ്കെടുക്കുന്ന സാധാരണക്കാരുടെ എണ്ണം ചെറുതല്ല. വലയില്‍ ചേര്‍ന്ന്‌ രണ്ടുവര്‍ഷങ്ങള്‍ക്കകം ലഭിക്കാവുന്ന നേട്ടങ്ങളെക്കുറിച്ചാണ്‌ ഈ ക്ലാസുകള്‍ സദസ്സിനോട്‌ വിവരിക്കുന്നത്‌. കൂട്ടത്തില്‍ ചില മോട്ടിവേഷന്‍ ചെപ്പടി വിദ്യകള്‍: എങ്ങനെ ചിരിക്കണം? എന്താണ്‌ ശരീരഭാഷ? മെഴ്‌സിഡിസ്‌ ബെന്‍സ്‌ എന്ന ആഡംബര കാറിന്റെ ഏത്‌ സീരീസില്‍ പെടുന്ന ഇനമാണ്‌ വാങ്ങാന്‍ താല്‌പര്യം -കേള്‍വിക്കാരായ ചായക്കടക്കാരനും കൂലിപ്പണിക്കാരനും ഇവര്‍ അമ്പരക്കാന്‍ മറ്റെന്തു വേണം!

തുടര്‍ന്ന്‌ `പ്ലാന്‍' വിവരിക്കുന്നു; അയ്യായിരം രൂപ, ഒരു `ചെറിയ തുക;' അത്‌ നിങ്ങള്‍ ചെലവഴിക്കുമ്പോള്‍ നൂറ്റമ്പതു രൂപ വിലയുള്ള ഫേസ്‌ക്രീം ആയിരം രൂപയുടെ കൊളസ്‌ട്രോള്‍ കൊല്ലിയായ ഗുളികക്കുപ്പി, ഇരുനൂറ്‌ രൂപയുടെ പേസ്റ്റ്‌ എന്നിവ കിറ്റില്‍ ലഭിക്കുന്നു. കമ്പനി മാറുന്നതിനനുസരിച്ച്‌ ഉത്‌പന്നവും മാറുന്നു. അരി മസാലകള്‍ മുതല്‍ നൂറുകണക്കിന്‌ സൂപ്പര്‍മാര്‍ക്കറ്റ്‌ ഉള്‍ക്കൊള്ളുന്ന ചെയിനിലെ ഷെയര്‍ വരെ! അങ്ങനെ നീളുന്നു ഉത്‌പന്നങ്ങളുടെ ചേരുവകള്‍. നിങ്ങള്‍ ഡിസ്‌ട്രിബ്യൂട്ടറായി. തുടര്‍ന്ന്‌ നിങ്ങള്‍ക്ക്‌ കീഴെ അയ്യായിരത്തിന്‌ നാലു പേരെ നിങ്ങള്‍ ഡിസ്‌ട്രിബ്യൂട്ടറാക്കണം. അവര്‍ കമ്പനിക്കു നല്‍കുന്ന തുകയില്‍ നിന്ന്‌ രൂപ ആയിരത്തിന്‌ ഇരുനൂറ്റമ്പത്‌ വീതം നിങ്ങള്‍ക്ക്‌ കമ്പനി തരുന്നു. നിങ്ങളുടെ പണം വസൂല്‍! ഈ നാലുപേര്‍ക്കു കീഴെ നാല്‍പത്‌ പേര്‍; ഇവരില്‍ ഓരോരുത്തരില്‍ നിന്നും അഞ്ഞൂറു രൂപ വീതം നിങ്ങളുടെ അക്കൗണ്ടില്‍ വന്നു വീണ്‌ പിടയുന്നു. നിങ്ങള്‍ മാറിത്തുടങ്ങുന്നു. നാല്‍പതു പേര്‍ക്ക്‌ കീഴില്‍ നാനൂറു പേര്‍! നിങ്ങള്‍ കൈലിയും തോള്‍മുണ്ടും ഉപേക്ഷിക്കുന്നു. ആളുകള്‍ നിങ്ങളെ ഡയമണ്ട്‌ എന്ന്‌ വിളിക്കുന്നു. നിങ്ങളുടെ കോട്ടും ടൈയും ധരിച്ച ഫോട്ടോ വെബ്‌സൈറ്റില്‍! നാല്‌പതിനായിരം പേരില്‍ നിന്ന്‌ കമ്പനിക്ക്‌ ലഭിക്കുന്ന കൊള്ളലാഭത്തിന്റെ കണക്ക്‌ പുറത്തുവരുന്നുമില്ല. ഞെട്ടറ്റ്‌ ഇടക്ക്‌ കൊഴിയുന്ന വലയുടെ കണ്ണിക്ക്‌ ഉണ്ടാവുന്ന ധനനഷ്‌ടം ആരുമറിയാതെ മാഞ്ഞുപോകുന്നു. ചേരുവകളും രീതികളും ശൈലികളും മാറുമെങ്കിലും മിക്കവാറും എല്ലാ മള്‍ട്ടിലെവല്‍ മാര്‍ക്കറ്റിംഗ്‌ കമ്പനികളുടെയും സ്‌കീമുകള്‍ സമാനങ്ങളാണ്‌. വാഗ്‌ദാനങ്ങള്‍ മോട്ടിവേഷന്‍ ക്ലാസുകളിലെ ബംഗ്ലാവുകള്‍, കാറുകള്‍, പറുദീസകള്‍!

ഇങ്ങനെ സ്വപ്‌ന വ്യാപാരത്തിലൂടെ നെറ്റ്‌വര്‍ക്ക്‌ മാര്‍ക്കറ്റിംഗ്‌ കമ്പനികള്‍ ഇരകളെ ഗ്രാമങ്ങളില്‍ നിന്നു പോലും കുരുക്കുന്നു. അധ്വാന ശേഷം അല്‌പസമയം ബാക്കിയുള്ള സാധാരണക്കാരിലെ ഒരു നല്ല മനുഷ്യനെങ്കിലും ഈ ക്ലാസ്‌ കഴിയുമ്പോള്‍ ഒരു സ്വപ്‌നാടകനായി മാറിയിട്ടുണ്ടാവും. നാട്ടില്‍ അത്യാവശ്യം പൊതുബന്ധങ്ങളും വിശ്വാസ്യതയുമുള്ള ഈ പുതിയ `ഡിസ്‌ട്രിബ്യൂട്ടര്‍' സര്‍ക്കാര്‍ ഉദ്യോഗസ്ഥനോ മദ്‌റസാ അധ്യാപനോ വക്കീല്‍ ഗുമസ്‌തനോ സംഘടനാ പ്രവര്‍ത്തകനോ ആരുമാകാം! തൊട്ടടുത്ത നിമിഷം മുതല്‍ ഇക്കൂട്ടര്‍ ഡയമണ്ട്‌, പ്ലാറ്റിനം തുടങ്ങിയ പ്രയോഗങ്ങള്‍ ചേര്‍ത്തുകൊണ്ട്‌ സുഹൃത്തുക്കളോടും നാട്ടുകാരോടും ഗണിതശാസ്‌ത്രം സംസാരിച്ചു തുടങ്ങുന്നു. ഒരു മെമ്പറാവുന്നതിലൂടെ നമുക്കുണ്ടാവുന്ന ദാരിദ്ര്യ നിര്‍മാര്‍ജനത്തിന്റെ മോഹവഴികളുടെ വാതായനങ്ങളാണ്‌ ഇവര്‍ തുറന്നിട്ടു തുടങ്ങുന്നത്‌. നമുക്ക്‌ കീഴെ നാലു പേര്‍, അവര്‍ക്ക്‌ കീഴെ നാല്‍പതു പേര്‍, അവരിലും കീഴെ നാനൂറുപേര്‍, അവരുടെ മെമ്പര്‍ഷിപ്പുകളില്‍ നിന്നുള്ള ഓഹരികള്‍! കമ്പനി ഔട്ട്‌ലെറ്റിലൂടെ കിഴിവിനം ലഭിക്കുന്ന മസാലക്കൂട്ടുകള്‍കൊണ്ട്‌ നിറയുന്ന നമ്മുടെ അടുക്കളകള്‍! സില്‍ക്ക്‌ കൊട്ടാരത്തില്‍ നിന്ന്‌ ഒരു ലക്ഷം രൂപയ്‌ക്ക്‌ ഭാര്യക്ക്‌ സമ്മാനമായി വാങ്ങി നല്‍കുന്ന സാരി കാണുമ്പോഴുണ്ടാകുന്ന അവളുടെ പ്രസന്ന മുഖം! സേവിങ്‌ ബാങ്ക്‌ അക്കൗണ്ടില്‍ കൊതുകുകളെപ്പോലെ പെറ്റുപെരുകുന്ന സമ്പാദ്യം. ഉട്ടോപ്യന്‍ സ്വപ്‌നങ്ങള്‍ നീളുന്നതനുസരിച്ച്‌ ഇരകളും കൂടുന്നു.

ഡിസ്‌ട്രിബ്യൂട്ടര്‍മാര്‍ പുതിയ അംഗങ്ങളെ ചേര്‍ക്കുമ്പോള്‍ നല്‍കുന്ന കിറ്റിലാണ്‌ മള്‍ട്ടിലെവല്‍ മാര്‍ക്കറ്റിംഗ്‌ കമ്പനികള്‍ കെണിയൊരുക്കുന്നത്‌. കേവലം ആയിരത്തില്‍ താഴെ വില വരുന്ന ഉത്‌പന്നങ്ങളാണ്‌ അയ്യായിരത്തോളം രൂപക്ക്‌ നല്‍കുന്നത്‌. ഇത്‌ വഴി ലഭിക്കുന്ന നാലിരട്ടി തുകയില്‍ മൂന്നിരട്ടി തുകയും സ്വന്തം അക്കൗണ്ടിലും ബാക്കി വിതരണത്തിനും ഉപയോഗിക്കുന്നു. സുഹൃത്തുക്കളുടെ പ്രേരണക്ക്‌ വിധേയമായി `ശല്യമൊടുങ്ങാന്‍' ഡിസ്‌ട്രിബ്യൂട്ടറായവന്റെ മുഴുവന്‍ അധ്വനഫലവും കമ്പനി കവരുന്നു. കമ്പനി വിഹിതം കഴിഞ്ഞ ബാക്കി തുക താഴോട്ടുള്ള മെമ്പര്‍മാര്‍ക്കിടയിലേക്ക്‌ രോഗാണുക്കളെപ്പോലെ പടര്‍ന്നുകയറുന്നു. ഇരകള്‍ ആര്‍ത്തി മൂത്തവരാണെങ്കില്‍ ആഭരണങ്ങള്‍ പണയം വെച്ചിട്ടാണെങ്കിലും മെമ്പര്‍മാരാവുന്നു- ഇവരുടെ രക്തം ഊറ്റിക്കുടിക്കാന്‍ തേറ്റ തുറന്നു പിടിച്ച്‌ കമ്പനികളും. വയനാടന്‍ അട്ടകളുടെ ജൈവവ്യവസ്ഥ മാതൃകയാക്കിയാണ്‌ മള്‍ട്ടിവെലല്‍ മാര്‍ക്കറ്റിംഗിന്റെ ഉപജ്ഞാതാക്കള്‍ തങ്ങളുടെ വിപണന തന്ത്രങ്ങളുടെ ആശയങ്ങള്‍ വിസകിപ്പിച്ചെടുത്തിരിക്കുന്നത്‌ എന്ന്‌ സംശയിച്ചാല്‍ തെറ്റു പറയേണ്ടതില്ല!

മള്‍ട്ടിലെവല്‍ മാര്‍ക്കറ്റിംഗിന്റെ തുടക്കം

മള്‍ട്ടിലെവല്‍ മാര്‍ക്കറ്റിംഗിന്റെ തലതൊട്ടപ്പനായി അറിയപ്പെടുന്നത്‌ ആംവേ (American way) ബിസിനസ്‌ കോര്‍പറേഷനാണ്‌. 1959ല്‍ അമേരിക്കയില്‍ സ്ഥാപിക്കപ്പെട്ട ഈ കമ്പനി നിരവധി ഉല്‍പന്നങ്ങളിലൂടെയാണ്‌ വലകള്‍ വിരിച്ച്‌ ഭൂഗോളത്തിനു ചുറ്റും കാവലിരിക്കുന്നത്‌. 80 രാജ്യങ്ങളില്‍ പടര്‍ന്നു പിടിച്ചിരിക്കുന്ന ഒമ്പതിനായിരം കോടി ഡോളര്‍ ആസ്‌തിയുള്ള ഈ കമ്പനി ചൈനയില്‍ ഒരിക്കല്‍ നിരോധിക്കപ്പെട്ടുവെങ്കിലും പണവിതരണത്തിന്റെ കടുത്ത നിയന്ത്രണത്തിനു വിധേയമായി ഇപ്പോഴും പ്രവര്‍ത്തിക്കുന്നു. നൂറുരൂപക്ക്‌ മുകളിലുള്ള ക്രീമുകളും നൂറ്റമ്പതു രൂപയുടെ ടൂത്ത്‌ പെയ്‌സ്റ്റുമായി ഗ്രാമങ്ങളില്‍ പോലും ഇന്ന്‌ ആംവേയുടെ പ്രവര്‍ത്തനങ്ങള്‍ വ്യാപകമാണ്‌. അമേരിക്കന്‍ ഭീമനായതിനാല്‍ അത്രവേഗത്തില്‍ `ആംവേ' നെറ്റുവര്‍ക്കുകള്‍ തകരുകയുമില്ല. വന്‍ വില ഈടാക്കി കമ്പനി വിപണനം ചെയ്യുന്ന ഉത്‌പന്നങ്ങള്‍ `ഗുണമേന്മ'യില്‍ മികച്ചു നില്‍ക്കുന്നതിനാല്‍ വലക്കു പുറത്തുള്ള ഉപഭോക്താക്കള്‍ക്കും ഈ ഉത്‌പന്നങ്ങളോട്‌ കമ്പമാണ്‌.

ആംവേയുടെ വിപണന ശൈലി കടമെടുത്തു കൊണ്ടാണ്‌ മിക്ക മള്‍ട്ടിലെവല്‍ മാര്‍ക്കറ്റിംഗ്‌ കമ്പനികളും മുളച്ചുപൊന്തിയത്‌. പണമുണ്ടാക്കാന്‍ എന്തു കോപ്രായത്തിനും ക്വട്ടേഷന്‍ തയ്യാറാക്കി കാത്തിരിക്കുന്ന അത്യാഗ്രഹികളുടെ ഒരു വന്‍നിര തന്നെ സ്വന്തമായുള്ള സംസ്ഥാനമെന്ന നിലയില്‍ ലോട്ടറി വ്യവസായം പോലെ നെറ്റ്‌വര്‍ക്ക്‌ മാര്‍ക്കറ്റിംഗ്‌ കമ്പനികളും കേരളത്തില്‍ അതിവേഗം തഴച്ചുവളരുകയായിരുന്നു. ഇവയില്‍ പലതും വേഗത്തില്‍ തകരുകയും ചെയ്‌തു. ഓരോ തകര്‍ച്ചയും നിരവധിയാളുകളുടെ ജീവിത സമ്പാദ്യങ്ങളെയാണ്‌ കവര്‍ന്നത്‌. കണ്ണൂര്‍ ആസ്ഥാനമായുള്ള ഗുഡ്‌വേയ്‌സ്‌, ഉത്തരേന്ത്യയിലെ ക്വാണ്ടം ഇങ്ങനെ നീളുന്നു ഇവയുടെ നാമങ്ങള്‍. ഇപ്പോള്‍ ഈ നിരയിലേക്ക്‌ ചേക്കെറിയ വമ്പന്മാരിലൂടെ കൊള്ളയടിക്കപ്പെട്ടത്‌ കേരളീയരുടെ ആയിരം കോടി രൂപയാണ്‌ എന്നാണ്‌ പ്രാഥമിക നിഗമനം.

തമിഴ്‌നാട്‌ കമ്പനിയായ ടൈക്കൂണ്‍, തൃശൂരിലെ നാനോ എക്‌സല്‍, ആംഡ്‌ പോലീസ്‌ എസ്‌ ഐ കെ ബി ഗോപിനാഥന്‍ രൂപംകൊടുത്ത ബിസ്സാര്‍ ഗ്രൂപ്പ്‌ എന്നിവയാണ്‌ ഏറ്റവും പുതിയ അപായലിസ്റ്റില്‍ ഉള്‍പ്പെടുന്നത്‌. ഇതുമായി ബന്ധപ്പെട്ട്‌ സംസ്ഥാനത്ത്‌ മൊത്തം ഫയല്‍ ചെയ്യപ്പെട്ട ക്രിമിനല്‍ കേസുകള്‍ ആയിരത്തോളം വരുമെന്നാണ്‌ കണക്ക്‌. കോട്ടും ടൈയും ധരിച്ച കമ്പനി സി ഇ ഒമാരില്‍ പലരും റിമാന്റിലായിക്കഴിഞ്ഞു. കേരളത്തിലെ ഒരു പ്രശസ്‌ത അരി നിര്‍മാതാക്കളുടെ ഗ്രൂപ്പ്‌ ഉള്‍പ്പെടെ, ഈ നിരയിലേക്ക്‌ വരാന്‍ തയ്യാറായി നില്‍ക്കുന്ന `വലക്കമ്പനി'കള്‍ നിരവധിയാണ്‌. കേരളത്തിന്റെ ഇപ്രാവശ്യത്തെ `സീസണ്‍' ഏതായാലും മള്‍ട്ടിലെവലില്‍ തകര്‍ത്തു പെയ്യുകയാണ്‌! നെറ്റ്‌വര്‍ക്ക്‌ മാര്‍ക്കറ്റിംഗില്‍ ഉള്‍പ്പെട്ട ചങ്ങലക്കണ്ണികള്‍ക്കൊക്കെ ഷോക്കേല്‍ക്കാന്‍ ഉണ്ടായ കാരണം നമ്മുടെ ഭരണകൂടങ്ങള്‍ക്ക്‌ അറിയാത്തതല്ല. നിലവിലുള്ള നിയമങ്ങളെ ഫലപ്രദമായി പ്രയോഗിക്കാന്‍ ഭരണകൂടങ്ങള്‍ തയ്യാറാവുന്നില്ല എന്നതാണ്‌ ഈ ദുരിതപര്‍വത്തിന്‌ കാരണം.

ആന്ധ്രാ കോടതിവിധി

2008 സെപ്‌തംബര്‍ 15ന്‌ ആംവേ ബിസിനസ്‌ കോര്‍പറേഷന്റെ പ്രവര്‍ത്തനങ്ങള്‍ സംസ്ഥാനത്ത്‌ നിരോധിച്ചുകൊണ്ട്‌ ആന്ധ്രാ ഹൈക്കോടതി നടത്തിയ വിധി പരാമര്‍ശം ശ്രദ്ധേയമാണ്‌. 1978ല്‍ ഇന്ത്യന്‍ പാര്‍ലമെന്റ്‌ പാസാക്കിയ `പ്രൈസ്‌ചിട്ട്‌ -മണി സര്‍ക്കുലേഷന്‍ സ്‌കീം നിരോധനനിയമത്തിന്റെ (ആക്‌ട്‌ 43) പരിധിയില്‍ ആംവേയുടെ പ്രവര്‍ത്തനങ്ങള്‍ നിസ്സംശയം പെടുമെന്ന്‌ കോടതി ഉറപ്പിച്ചു പറയുകയായിരുന്നു. ഉത്‌പന്നങ്ങള്‍ ഉള്‍പ്പെട്ടുകൊണ്ടും പണം സര്‍ക്കുലേറ്റ്‌ ചെയ്യപ്പെട്ടുകൊണ്ടും നടക്കുന്ന ഏത്‌ ക്രയവിക്രയങ്ങളും ചങ്ങലക്കണ്ണികളിലൂടെയാണെങ്കില്‍ അത്‌ നിയമവിരുദ്ധമാണ്‌ എന്ന്‌ ആക്‌ട്‌ നിഷ്‌കര്‍ഷിക്കുന്നു. ഉത്‌പന്ന വിതരണം എന്ന മറയില്‍ മണി സര്‍ക്കുലേഷന്‍ നടക്കാവതല്ല എന്ന്‌ ആന്ധ്രാ കോടതി വിധിന്യായത്തില്‍ എടുത്തുകാട്ടി. കാശ്‌മീരിലൊഴികെ മറ്റെല്ലായിടത്തും ഈ നിയമം ബാധകവുമാണ്‌.

ഇത്തരം മണിചെയിന്‍ അടിസ്ഥാന വ്യവസ്ഥയിലുള്ള സ്‌കീമുകളില്‍ ഉത്‌പന്നങ്ങള്‍ വിപണനം ചെയ്യപ്പെടുന്നു എന്നതുകൊണ്ട്‌ കുറ്റത്തിന്റെ പരിധിയില്‍ വരാതിരിക്കുന്നില്ലെന്ന്‌ ആന്ധ്ര കോടതി വിധി പറയുന്നു. 2008ലെ ലിസ്‌ ഇടപാടുകളിലെ കുര്യാച്ചന്‍ ചാക്കോച്ചന്‍ കേസിലെ സുപ്രീം കോടതി വിധിയാകട്ടെ ഇത്‌ ഐ പി സി 42-ന്റെ പരിധിയില്‍ വരുന്ന വഞ്ചനാകുറ്റമാണെന്നു കൂടി പരാമര്‍ശിക്കുന്നു. ആംവേയുടെ പ്രവര്‍ത്തനങ്ങല്‍ പ്രൈസ്‌-ചിട്ട്‌ മണി സര്‍ക്കുലേഷന്‍ ആക്‌ടിന്റെ പരിധിയില്‍ വരുമെന്ന്‌ 2001 മാര്‍ച്ചില്‍ റിസര്‍വ്‌ ബാങ്ക്‌ ഓഫ്‌ ഇന്ത്യ വാണിജ്യ മന്ത്രാലയത്തിനും ധനമന്ത്രാലയത്തിനും റിപ്പോര്‍ട്ട്‌ നല്‍കിയിരുന്നു. ഉടന്‍ തന്നെ ആംവേ കോര്‍പറേഷന്‍ മാനേജ്‌മെന്റ്‌ അമേരിക്കയിലെ ഇന്ത്യന്‍ നയതന്ത്രാലയവുമായി ബന്ധപ്പെട്ട്‌ ഒരു നിരോധത്തിലേക്ക്‌ നീങ്ങരുത്‌ എന്ന്‌ അപേക്ഷിച്ചു. യാങ്കി വായക്കു എതിര്‍വായയില്ലല്ലോ. ഇന്ത്യയിലെ ഡയറക്‌ട്‌ സെല്ലിംഗ്‌ അസോസിയേഷന്റെ `നിവേദനം' പരിഗണിച്ചുകൊണ്ട്‌ നിരവധി തൊഴില്‍രഹിതര്‍ക്ക്‌ ആശ്വാസമാകുന്ന ആംവേ പ്രവര്‍ത്തനങ്ങള്‍ നിരോധിക്കേണ്ടതില്ലെന്ന്‌ വാണിജ്യ മന്ത്രാലയം തീരുമാനിക്കുകയാണുണ്ടായത്‌.

എന്താണ്‌ നിയമവ്യവസ്ഥയിലെ ശിക്ഷകള്‍?

പ്രൈസ്‌ ചിട്ട്‌-മണി സര്‍ക്കുലഷന്‍ ആക്‌ട്‌ പ്രകാരം പണം സര്‍ക്കുലേറ്റ്‌ ചെയ്യപ്പെടുന്ന ഏത്‌ വിപണനവും അതില്‍ കണ്ണി ചേരുന്നതിലൂടെ കണ്ണിചേര്‍ക്കുന്നവര്‍ക്ക്‌ സാമ്പത്തിക വരുമാനം ഉണ്ടാക്കുന്നുവെങ്കില്‍ അത്‌ നിയമവിരുദ്ധമാണ്‌. ഇതില്‍ കണ്ണികളാവുകയും തുടര്‍ന്ന്‌ കണ്ണികളാവാന്‍ അന്യരെ പ്രേരിപ്പിക്കുകയും ചെയ്യുന്ന `ഡയമണ്ടു'കള്‍ക്കും `പ്ലാറ്റിന'ങ്ങള്‍ക്കും രണ്ടുവര്‍ഷം തടവും അയ്യായിരം രൂപ പിഴയുമാണ്‌ ശിക്ഷ. നെറ്റ്‌വര്‍ക്ക്‌ മാര്‍ക്കറ്റിംഗിലൂടെ പണം മാത്രമല്ല, വിലപ്പെട്ട വസ്‌തുക്കള്‍ ലാഭമായി ലഭിക്കുന്നതും നിയമവിരുദ്ധമാണ്‌. ഇത്തരം ചെയിനുകള്‍ വികസന പ്രവര്‍ത്തനത്തിനു വേണ്ടി പോലും രൂപീകരിക്കുന്നത്‌ തെറ്റാണ്‌ എന്ന്‌ 1982ലെ സ്വപന്‍കുമാര്‍ കേസില്‍ സുപ്രീംകോടതി ചീഫ്‌ജസ്റ്റിസ്‌ ചന്ദ്രചൂഡ്‌ വിധി പറഞ്ഞിട്ടുണ്ട്‌.

ഇത്തരം വലകളില്‍ അംഗമാവാന്‍ ക്ഷണിക്കുന്ന ലഘുലേഖകള്‍ പ്രസിദ്ധീകരിക്കുന്നതും പരസ്യങ്ങള്‍ പ്രസിദ്ധീകരിക്കുന്നതും നിയമവിരുദ്ധമാണ്‌. ഇത്തരം കമ്പനികളുടെ ഓഫീസുകള്‍ സബ്‌ഇന്‍സ്‌പെക്‌ടര്‍ക്ക്‌ താഴെയല്ലാത്ത പോലീസുദ്യോഗസ്ഥന്‌ റെയ്‌ഡ്‌ ചെയ്യാവുന്നതും അംഗങ്ങളെ കസ്റ്റഡിയിലെടുക്കാവുന്നതുമാണ്‌. പരസ്യങ്ങള്‍ പ്രസിദ്ധീകരിക്കുന്ന പത്രങ്ങള്‍ പിടിച്ചെടുക്കാവുന്നതിന്‌ കൂടി നിയമത്തില്‍ വ്യവസ്ഥയുണ്ട്‌.

പുതിയ വിപണന കെണികള്‍

നല്ല ഉത്‌പന്നങ്ങള്‍ ഉത്‌പാദിപ്പിക്കുന്ന വ്യവസായങ്ങള്‍ വരെ നെറ്റ്‌വര്‍ക്ക്‌ മാര്‍ക്കറ്റിംഗിനെ ആശ്രയിക്കുന്നത്‌ ഉത്‌പന്നങ്ങള്‍ വിപണനം ചെയ്യാന്‍ മാത്രമല്ല, വിതരണക്കണ്ണികള്‍ കിറ്റ്‌ വില്‍പന നടത്തുന്നതിലൂടെ ലഭിക്കുന്ന കൊള്ളലാഭം നോട്ടമിട്ടുകൊണ്ടുതന്നെയാണ്‌. മോട്ടിവേഷന്‍ ക്ലാസുകളില്‍ നിന്നു പകര്‍ന്നുകിട്ടുന്ന `സ്വപ്‌ന'ങ്ങളില്‍ അഭിരമിച്ചുപോവുന്ന അംഗങ്ങളാവട്ടെ മറ്റുള്ളവരെ അംഗങ്ങളാക്കാന്‍ പൊതുബന്ധങ്ങളും വ്യക്തിബന്ധങ്ങളും ഉപയോഗിക്കുന്നു എന്നതാണ്‌ സങ്കടകരം. പലപ്പോഴും തന്നോടൊപ്പം തനിക്കു ചുറ്റുമുള്ളവരും സാമ്പത്തിക പ്രയാസങ്ങളില്‍ നിന്നു കരകയറണമെന്നും സൗഭാഗ്യങ്ങളില്‍ അവര്‍ കൂടി പങ്കാളികളാകണമെന്നുമുള്ള നിഷ്‌കളങ്ക ചിന്തയിലൂടെയാണ്‌ ഡിസ്‌ട്രിബ്യൂട്ടര്‍മാര്‍ പരിചിതരെ അംഗങ്ങളാക്കുന്നത്‌. തനിക്ക്‌ ലഭിക്കുന്ന നന്മകള്‍ മറ്റുള്ളവര്‍ക്കു കൂടി പങ്കുവെക്കുക എന്ന സാധാരണക്കാരന്റെ ഉദാത്തമായ ചിന്ത കൂടി ഇവിടെ മള്‍ട്ടിലെവല്‍ കമ്പനികള്‍ ചൂഷണം ചെയ്യുന്നു.

സാമ്പത്തിക ശാസ്‌ത്രതത്വങ്ങള്‍ ഉയര്‍ത്തിക്കാട്ടുന്ന, ക്രയവിക്രയങ്ങള്‍ നടക്കുമ്പോഴുണ്ടാകുന്ന സൂക്ഷ്‌മങ്ങളായ അപകടസാധ്യതകളെക്കുറിച്ച പൊതുധാരണ പലപ്പോഴും ഡിസ്‌ട്രിബ്യൂട്ടര്‍മാര്‍ക്കുണ്ടാവാറില്ല. മണി സര്‍ക്കുലേഷനിടയിലെ കുറ്റകരങ്ങളായ ചോര്‍ച്ചകളെക്കുറിച്ചറിയാത്തവര്‍ `മോട്ടിവേഷന്റെ' ബലത്തില്‍ വലകളെ ന്യായീകരിക്കാറാണ്‌ പതിവ്‌. ചങ്ങല തുടര്‍ന്നുപോയാല്‍ കീഴെത്തട്ടില്‍ എവിടെയങ്കിലും പണം നഷ്‌ടപ്പെടുന്ന ഒരു കണ്ണി, പൗരനെന്ന നിലയില്‍ എഴുതിനല്‍കുന്ന ചെറിയ പരാതി മതി സ്വന്തം കഴുത്തില്‍ വല വീഴാന്‍ എന്ന്‌ പലപ്പോഴും ഇവരറിയുന്നില്ല. രമ്യഹര്‍മങ്ങള്‍ക്ക്‌ പകരം കാരാഗൃഹങ്ങളും ബെന്‍സുകാറുകള്‍ക്ക്‌ പകരം പോലീസ്‌ ജീപ്പിലെ യാത്രയും തരമാവാന്‍ പിന്നെ അധികകാലം വേണ്ടി വരില്ല!

രണ്ട്‌ വര്‍ഷമൊന്നുമെടുക്കില്ല എന്നറിയുക. പണം സ്വയം വളരുന്ന ഒരു പ്രതിഭാസമല്ല. അത്‌ മൂല്യനിര്‍ണയത്തിനുള്ള ഉപാധിയാണ്‌. അതിലപ്പുറം സര്‍ക്കുലേഷനിലൂടെ വര്‍ധിക്കുന്നത്‌ മൂല്യമല്ല, പലരില്‍ നിന്നും ചോര്‍ത്തപ്പെട്ട ധനമാണ്‌. അല്ലാഹു നിരോധിച്ച വഞ്ചനയില്‍ അത്‌ പെടുമോ എന്നറിയാന്‍ കര്‍മശാസ്‌ത്ര ഗ്രന്ഥങ്ങള്‍ കലക്കിക്കുടിക്കേണ്ട കാര്യമൊന്നുമില്ല.

അവലംബം : ശബാബ് വാരിക

ചിത്രത്തിനു കടപ്പാട് : ഗൂഗിള്‍

മാക്രി ഹിഷാം സ്പീകിംഗ്

2011-06-13T19:14:00.007+05:30

"ഹലോ "

"ഹലോ അണ്ണാ ഇത് ഞാനാ ' മാക്രി ഹിഷാം'"

"അതെയോ ,മോനെ ഞാനൊരു കാര്യം പറയട്ടെ ..?"

"എന്താണ് അണ്ണാ പറയ് "

"നിന്റെ മാതാപിതാക്കള്‍ നിനക്കിട്ട പേര് ഹിഷാം എന്നല്ലേ ..?"

"അതെ ..."

"പിന്നെ നീ എന്തിനാ മോനെ 'മാക്രി ഹിഷാം' എന്ന് സ്വയം വിളിച്ചു അവരെ അപമാനിക്കുന്നത് ?"

"ഹ ഹ ഹ ഈ അണ്ണന്റെ ഒരു കാര്യം .അതേ അണ്ണാ ഈ ഭൂലോകത്ത് ജീവിച്ചു പോകാന്‍ ഒരു ഐഡന്റിറ്റി വേണ്ടേ അണ്ണാ ....കൂടാതെ എന്റെ പ്രൊഫൈലില്‍ എന്റെ ആഗ്രഹം 'മരമാക്രി ' ആകണം എന്നാണെന്ന് എഴുതി വെച്ചതിന്റെ ഗുട്ടന്‍സ് അണ്ണന് അറിയാവോ ? ഏതാ ഈ മരമാക്രി എന്നെങ്കിലും അറിയാന്‍ വേണ്ടി എങ്കിലും ആരെങ്കിലും എന്റെ ബ്ലോഗില്‍
( )കേറി നോക്കാനാ. അതുമല്ലെങ്കില്‍ മറ്റു ബ്ലോഗുകളില്‍ കമന്റ്‌ ചെയ്യുമ്പോള്‍ ഈ പേര് കണ്ടു ആളുകള്‍ ശ്രദ്ധിക്കുകയെങ്കിലും ചെയ്യട്ടെ ...അല്ലാതെ എനിക്കെവിടെ കമന്റ്‌ എഴുതാനുള്ള നിരീക്ഷണ ബുദ്ധി .. പുത്തി വേണം അണ്ണാ ഭുത്തി ...ഹ ഹ ഹ"

'ഹോ മുടിഞ്ഞ പുത്തി തന്നെ , ആട്ടെ എന്തിനാ ഇപ്പൊ വിളിച്ചേ ?"

"അതോ അണ്ണാ അവിടെ ഒലിപ്പീരു നടക്കുന്നു ഒലിപ്പീര്..."

"ഒലിപ്പീരോ? അതെന്തുവാടെ ? എവിടെയാടെ ?'

"അത് അണ്ണാ നമ്മുടെ മുഖ പുസ്തകമില്ല്യോ ? അവിടെ ഒരു ഗ്രൂപ്പില്‍ ഒലിപ്പീരിന്റെ കളിയാ ..."

"നീയൊന്നു തെളിച്ചു പറ എന്റെ ഹിഷാമെ.."

"അതേ അണ്ണാ നമ്മുടെ ബ്ലോഗ്‌ എഴുതുന്ന ആള്‍ക്കാര് കുറെ പേര് കൂടി ഒരു മുഖ പുസ്തക ഗ്രൂപ്പ് ഉണ്ടാക്കി അങ്ങോട്ടും ഇങ്ങോട്ടും ' ഗൊള്ളാം' 'കിടിലന്‍ ' എന്നൊക്കെ കമന്റ്‌ എഴുതി നടക്കുവാ ."

"അതാണോ കാര്യം ?
എടൊ ഹിഷാമെ ഞാനൊരു കാര്യം ചോദിച്ചാല്‍ നിനക്ക് വിഷമം തോന്നുമോ ?"

"ഇല്ല .അണ്ണന്‍ ധൈര്യമായിട്ട് ചോദിക്ക് ..."

'ഈ ബ്ലോഗ്‌ എഴുതുന്നവര്‍ക്ക് ഒക്കെ നീയാണോ കമ്പ്യൂട്ടര്‍ പഠിപ്പിച്ചത് ? അവരുടെ ഇന്റര്‍നെറ്റ്‌ വാടക നീയാണോ കൊടുക്കുന്നത് ? അവരൊക്കെ ഒന്നും അറിയാത്ത പൊട്ട പോഴത്തക്കാരാനെന്നാണോ നിന്റെ വിചാരം ? മുഖ പുസ്തകത്തില്‍ എന്തോരം ആള്‍ക്കാര്‍ ഗ്രൂപ്പ് ഉണ്ടാക്കി തെറി വിളിക്കുന്നു , വെല്ലു വിളിക്കുന്നു ..ഇതൊന്നും നീ കണ്ടിട്ടില്ലേ ? അതോ ബ്ലോഗ്‌ എഴുതുന്നവര്‍ മാത്രമാണ് ഇന്റര്‍നെറ്റ്‌ ഉപയോഗിക്കുന്നത് എന്നൊരു ധാരണ നിനക്കുണ്ടോ ? നീ പറഞ്ഞ മുഖ പുസ്തക ഗ്രൂപ്പിലെ അംഗങ്ങളില്‍ ഏറിയ പങ്കും പുതിയതായി ബ്ലോഗ്‌ എഴുതുന്നവരല്ലേ ? അവര്‍ക്ക് 'നന്നായിട്ടുണ്ട് ,ഇനിയും എഴുതുക ' എന്ന് രണ്ടു വരി കമന്റ്‌ എഴുതുന്നത്‌ ഒലിപ്പീര്‍ ആണെന്ന് നീ പറഞ്ഞാല്‍ അതിനെ അസഹിഷ്ണുത എന്ന് വിളിക്കുന്നതില്‍ തെറ്റുണ്ടോ ?

നീ എനിക്ക് അയച്ചു തന്നിട്ടുള്ള ബ്ലോഗ്‌ ലിങ്കുകല്‍ എല്ലാം മറ്റുള്ളവര്‍ക്കും അത് ഉഗ്രനായി തോന്നും എന്ന വിശ്വാസത്തില്‍ അയച്ചതാണോ ? സത്യം പറ , അവരെയൊക്കെ ഞാനും ഒന്ന് പ്രോത്സാഹിപ്പിച്ചു വിടാന്‍ വേണ്ടി അയച്ചതല്ലേ ?
അതോ നിന്റെ കണ്ണില്‍ അവയൊക്കെ വിശ്വോത്തര രചനകളാണോ ?"

' അതൊക്കെ പോട്ടെ നീ ആ ഗ്രൂപ്പില്‍ ഉണ്ടോ ?'

"ഇല്ല അണ്ണാ ഇല്ലാ . അണ്ണന്‍ ശ്വാസം വിട്ടു പറ... എനിക്ക് ഒലിപ്പീരില്‍ താല്പര്യമില്ല . ആ ഗ്രൂപ്പില്‍ ഉള്ള ഒന്ന് രണ്ടു പേരാണ് ഇത് എന്നോട് പറഞ്ഞത് ...'

"കൊള്ളാം മോനെ കൊള്ളാം നല്ല 'പുത്തി' . രോഗി ഇശ്ചിച്ചതും വൈദ്യന്‍ കല്‍പ്പിച്ചതും എന്ന് കേട്ടിട്ടുണ്ട് ...ഇത് അത് തന്നെ . നിന്നോട് ഇങ്ങനെ പറഞ്ഞു തന്നവനെ കുറിച്ച് മാത്രം നിനക്ക് മതിപ്പ് . ബാക്കി ആ ഗ്രൂപ്പിലുള്ളതൊക്കെ ഒലിപ്പീരുകാര്‍ കൊള്ളാം . നിഷ്കളങ്ക ചിന്ത തന്നെ ."

"എന്നാല്‍ നിനക്കറിയാത്ത പലതും ആ ഗ്രൂപ്പില്‍ വളരെ പോസിറ്റീവ് ആയി ഉണ്ട് . നീ പറയുന്ന ഈ ഒലിപീരിനെതിരില്‍ (പുറം ചൊറിയല്‍ കംമെന്റ്കള്‍ ക്കെതിരെ ) ആ ഗ്രൂപ്പില്‍ എത്ര ചര്‍ച്ചകള്‍ നടന്നിട്ടുണ്ട് എന്ന് നിനക്കറിയാമോ ? ആ ഗ്രൂപ്പ് വഴി എത്ര സൌഹൃദങ്ങള്‍ ദൃഡം ആയിട്ടുണ്ട്‌ എന്ന് നിനക്കറിയാമോ ? ചുരുങ്ങിയ പക്ഷം മലയാളത്തില്‍ ബ്ലോഗ്‌ എഴുതുന്നവര്‍ വിവാദങ്ങളും ചര്‍ച്ചകളുമൊക്കെ ബ്ലോഗ്ഗിലേക്ക്‌ മാറ്റി വെച്ച് അല്‍പ സമയം സൌഹൃദ ചിന്തകള്‍ പങ്കു വെച്ച് കഴിയുന്ന ഒരിടമായിട്ടെങ്കിലും അതിനെ കണ്ടു കൂടെ ?"

'അങ്ങനെ കണ്ടാല്‍ പിന്നെ ഞാന്‍ പാട് പെട്ട് ഉണ്ടാക്കിയെടുക്കുന്ന 'മാക്രിത്തരങ്ങള്‍' ആരെങ്കിലും തിരിഞ്ഞു നോക്കുവോ അണ്ണാ .ഞാനില്ലെങ്കിലും ഈ ലോകത്ത് ചിലതൊക്കെ നടക്കും എന്ന് വന്നാ പിന്നെ ഞാനെങ്ങനെ മരമാക്രി എന്ന പ്രഖ്യാപിത ലക്ഷ്യത്തിലേക്ക് എത്തും അണ്ണാ... ഇപ്പൊ തന്നെ അണ്ണന്‍ കണ്ടില്ലേ എന്റെ 'മാക്രിത്തരങ്ങള്‍' ബ്ലോഗിന് ഡ്യൂപ്ലിക്കേറ്റ്‌ 'മാക്രിത്തരങ്ങള്‍' ആരോ ഉണ്ടാക്കി കഴിഞ്ഞു ...'

"ഹോ... പിന്നെ... ജന ലക്ഷങ്ങളുടെ വിശ്വസ്ത സ്ഥാപനത്തിനല്ലേ
ഡ്യൂപ്ലിക്കേറ്റ്‌ ഉണ്ടാക്കിയിരിക്കുന്നത് . !!!! ആരും കേറാതെ കൂറ പിടിച്ചു കിടക്കുന്ന ആ കൂറ ബ്ലോഗിന് ഡ്യൂപ്ലിക്കേറ്റ്‌ ഉണ്ടാക്കിയവനെ കണ്ടു പിടിച്ചു ഊളമ്പാറക്കോ കുതിര വട്ടത്തിനോ അയക്കണം .ഏതായാലും നീ ആളാരെന്നു കണ്ടു പിടിക്ക് .
അറിയണമല്ലോ ആ മന്ദ ബുദ്ധി ആരാണെന്ന് ."

"പിന്നെ നീ ഇപ്പൊ കാര്യമായിട്ട് ഒന്നും എഴുതാതെ 'ബസ്സില്‍ ' കേറി നടക്കുവാണെന്ന് കേട്ട് ..ഒള്ളതാണോ ? "

"അതേ അണ്ണാ അതേ ഇപ്പൊ 'ബസ്സിലെ ' യാത്രയാ സുഖം ..."

"ഹത് ശരി, അപ്പൊ മുഖ പുസ്തകത്തില്‍ ആള് കേറുന്നതിലാണ് നിനക്ക് വിഷമം അല്ലേ. നിനക്കെങ്ങനെയാ ഗൂഗിള് മായിട്ട് ഇടപാട് ? മാസക്കൂലിയോ ദെവസക്കൂലിയോ ?"

"അതെന്താ അണ്ണാ അങ്ങനെ ചോദിച്ചത് ?'

'അല്ല നിനക്ക് ഗൂഗിളിന്റെ കടേല് ആളെ കൂട്ടുന്ന പണിയാണോ എന്ന് അറിയാന്‍ ചോദിച്ചതാ"

"അങ്ങനൊന്നുമില്ല അണ്ണാ ഇതൊക്കെ ഒരു സമയം കളയലല്ലേ ..ഹ ഹ ഹ ..."

"എന്നാല്‍ മോനെ ഹിഷാമെ..., എല്ലാവര്ക്കും അങ്ങനാണെന്ന് വിചാരിക്കരുത് ....

"ഉറച്ചു നില്‍ക്കാന്‍ ഒരു തറയും ,ഒരു ഉത്തോലകവും തന്നാല്‍ ഞാന്‍ ഈ ഭൂമിയെ ഇളക്കാം " എന്ന് പണ്ടൊരു മഹാ ശാസ്ത്രഞ്ജന്‍ പറഞ്ഞിട്ടുണ്ട് . ഒരു തരത്തില്‍ പറഞ്ഞാല്‍ ബ്ലോഗ്‌ എഴുതുന്നവരും അതാണ്‌ ചെയ്യുവാന്‍ ശ്രമിക്കുന്നത് .
തങ്ങളുടെ വായനക്കാരുടെ മനസ്സിലേക്ക് തങ്ങളുടെ മനസ്സിലെ ചിന്തകള്‍ പങ്കു വെക്കുവാനും അത് വഴി അവരുടെ മനസ്സില്‍ പരമാവധി പ്രതിഫലനം ഉണ്ടാക്കുവാനും ഏതൊരു ചിന്തിക്കുന്ന മനുഷ്യനും ശ്രമിക്കും . അതിനുള്ള ഉത്തോലകം മാത്രമാണ് അവര്‍ക്ക് ബ്ലോഗ്‌ അടക്കമുള്ള മാധ്യമങ്ങള്‍ .ഇന്റര്‍നെറ്റ്‌ വഴി ലഭിക്കുന്ന സൌജന്യവും ,ആകര്‍ഷകവുമായ ഒരു പ്ലാറ്റ് ഫോം എന്ന നിലക്ക് മാത്രമാണ് പലരും 'ബ്ലോഗ്ഗര്‍ ' തിരഞ്ഞെടുക്കുന്നത് .

അതിനിടക്ക് ഇത്തരം പ്രഖ്യാപിത ലക്ഷ്യങ്ങള്‍ വഴി അവരുടെ ക്ഷമ പരീക്ഷിക്കരുത് . ചുരുങ്ങിയ പക്ഷം കേറി ചെല്ലുന്നത് കല്യാണ വീടോ മരണ വീടോ എന്നോ ,സംസാരിക്കുന്നത് പെങ്ങളോടോ അന്യന്റെ പെങ്ങളോടോ എന്ന വക തിരിവെങ്കിലും കാണിക്കണം ."

"അതല്ല, ഇനിയും മാക്രിയായി തന്നെ അറിയപ്പെടാനാണ് ആഗ്രഹമെങ്കില്‍ ഇനി എഴുതുന്ന കമന്റിന്റെ ഒന്നാമത്തെ വരിയായി തന്നെ ഇങ്ങനെ എഴുതി തുടങ്ങുക ..... :

'എന്റെ കമന്റ്‌ -എല്ലാവരെയും കൊണ്ട് മരമാക്രി എന്ന് വിളിപ്പിക്കുക - എന്ന എന്റെ പ്രഖ്യാപിത ലക്ഷ്യത്തിനു വേണ്ടി മാത്രമാണ് ' അത് കൊണ്ട് എന്റെ കമന്റില്‍ തൂങ്ങി ആരും സമയം കളയേണ്ട '"

ചിത്രങ്ങള്‍ക്ക് കടപ്പാട് : ഗൂഗിള്‍

വിവേകത്തിന്റെ പാഠങ്ങള്‍

2011-06-03T14:45:00.003+05:30

അന്ധ വിശ്വാസങ്ങള്‍ക്കും അധാര്മ്മികതക്കുമെതിരെ നവോത്ഥാന മുന്നേറ്റം

കെ. എന്‍. എം. കാമ്പയിന്‍ 2011

മഴക്കാല രോഗങ്ങളും പ്രതിരോധവും

2011-05-31T11:41:00.000+05:30

ആ മുടിയെ പറ്റി ഇത് കൂടി കേള്‍ക്കൂ !

2011-05-27T22:46:00.000+05:30

ഇനി പ്രതി ആകാനില്ല

2011-05-18T15:54:00.019+05:30

ഫേസ്ബുക്ക് ഗ്രൂപ്‌ രംഗത്ത്‌ വളരെ ശ്രദ്ധിക്കപ്പെട്ട ഒരു ഗ്രൂപ്പാണ് മലയാളം ബ്ലോഗേഴ്സ് ഗ്രൂപ്‌ . അതിന്റെ ഒരു അഡ്മിന്‍ ആയി ആറു മാസത്തോളം എനിക്ക് പ്രവര്‍ത്തിക്കുവാന്‍ സാധിച്ചു ...
വിവിധ വിഷയങ്ങള്‍ കൈകാര്യം ചെയ്യുന്ന ലോകത്തിന്റെ വിവിധ ഭാഗങ്ങളില്‍ നിന്നുള്ള മലയാളി ബ്ലോഗ്ഗര്‍മാര്‍ അതില്‍ സജീവ പന്കാളികളായിട്ടുണ്ട് .

വിവിധ സന്ദര്‍ഭങ്ങളില്‍ ചില ആളുകളുമായി ബന്ധപ്പെട്ടു ചില വിവാദങ്ങള്‍ അതില്‍ ഉണ്ടായിട്ടുണ്ട് ...അതിലൊക്കെ എന്നെ പ്രതി ആക്കി പലരും രക്ഷപെടുന്ന പ്രവണതയോട് മനം മടുത്തു ഞാന്‍ അതില്‍ നിന്നും പുറത്തു പോയിരിക്കുകയാണ് ..കുറഞ്ഞ നാളുകള്‍ കൊണ്ട് നേരില്‍ കാണാത്ത വ്യക്തിത്വങ്ങള്മായി വളരെ അടുത്ത സൗഹൃദം സ്ഥാപിക്കുവാന്‍ കഴിഞ്ഞു എന്നതാണ് ഒരു പ്രധാന നേട്ടമായി ഞാന്‍ കാണുന്നത് ...അവരില്‍ പലരും ഒരു പക്ഷെ എന്നെ തെറ്റിദ്ധരിച്ചേക്കാം എന്ന
ഒരു വേദന കൊണ്ട് മാത്രമാണ് ഈ പോസ്റ്റ്‌ എഴുതുന്നത്‌ ...

ഫൈസ് മദീന പ്രശ്നം

ഗ്രൂപ്പിന്റെ തുടക്കത്തിലേ തന്നെ വിവിധ ആശയ അഭിപ്രായ ചിന്താഗതികള്‍ പുലര്‍ത്തുന്ന അംഗങ്ങള്‍ക്കിടയില്‍
സൌഹൃദത്തിനു കോട്ടം തട്ടാതിരിക്കുക എന്ന നല്ല ഉദ്ധേശത്താല്‍ ഗ്രൂപ്പിന്റെ നിയമാവലി കര്‍ശനമായി മുഖം നോക്കാതെ നടപ്പിലാക്കുവാന്‍ ശ്രമിച്ചതിന്റെ ഫലമായി അതില്‍ പ്രതിഷേധിച്ചു ഫൈസ് മദീന എന്ന സുഹൃത്ത്‌ ഗ്രൂപ്പില്‍ നിന്നും സ്വയം പുറത്തു പോയി ...അത് എനിക്ക് ഒരു വിഷമമായി അനുഭവപ്പെട്ടപ്പോള്‍ ഞാനും സ്വമേധയാ ഗ്രൂപ്പ് വിട്ടു ..പിന്നീട് നൌഷാദ് അകമ്പാടം എന്ന അഡ്മിന്‍ എന്നെ ഫോണില്‍ വിളിക്കുകയും ഗ്രൂപ്പിലേക്ക് വീണ്ടും വരണം എന്ന് സ്നേഹ പൂര്‍വ്വം ആവശ്യപ്പെട്ടപ്പോള്‍ ഞാന്‍ വെച്ച ഒരു ഡിമാന്‍ഡ് എന്നോടൊപ്പം ഫൈസ് മദീന കൂടി ഗ്രൂപ്പില്‍ വരണം എന്നാണു ... അതനുസരിച്ച് അദ്ദേഹം ഫൈസ് മദീനയുമായി നേരില്‍ ബന്ധപ്പെട്ടപ്പോള്‍ ചില തിക്ത അനുഭവങ്ങള്‍ ഉണ്ടാവുകയും തിരികെ വന്ന അദ്ദേഹം ഫൈസ് മദീന ഗ്രൂപ്പില്‍ വന്നാല്‍ അദ്ദേഹം ഗ്രൂപ്‌ വിടും എന്ന് പറയുകയാനുണ്ടായത് ...(ഇസ്മയില്‍ ചെമ്മാടിന് ഇത് അറിയാം എന്നാണു എന്റെ വിശ്വാസം .അദ്ദേഹം കൂടി ഉല്പ്പെട്ട ഒരു ഗ്രൂപ്‌ മെസ്സജില്‍ നൌഷാദ് അകമ്പാടം ഇത് സൂചിപ്പിച്ചിരുന്നു )

എന്നാല്‍ ഇവിടെ ഫൈസൂ മദീനയെ തിരിച്ചെടുക്കണം എന്ന് പറഞ്ഞ ഞാന്‍ അവസാനം പ്രതിയായി അറിയപ്പെടുന്നു ...!!!!!

നമ്മള്‍ ഗ്രൂപ്‌

മലയാളം ബ്ലോഗേഴ്സ് ഗ്രൂപ്പിന് ബദലായി വന്ന ഒരു ഗ്രൂപ്‌ ആണ് ഇത് എന്നും അതിലെ സജീവ അംഗങ്ങളായ കണ്ണന്‍ ,ഹഫീസ്‌ ,അഞ്ചു അനീഷ്‌ എന്നിവരെ പുറത്താക്കണമെന്ന് ആവശ്യപ്പെട്ടത് നൌഷാദ് അകമ്പാടം ആണ് .ഈ ലിസ്റ്റില്‍ ജാബിര്‍ മലബാറിയെ കൂടി ഉള്‍പ്പെടുത്തുകയാണ് ഇംതിയാസ്‌ ചെയ്തത് ...എന്നാല്‍ അത് വേണ്ട എന്ന എന്റെ അഭിപ്രായം മാനിച്ചു അവര്‍ അത് വേണ്ടെന്നു വെച്ചു...

എന്നാല്‍ ഇതൊന്നും അറിയാതെ ആ അവസരതിലോക്കെ ഗ്രൂപ്പില്‍ പലരും പരോക്ഷമായി എനിക്കെതിര്ല്‍ ഇത്തരം ഊഹാപോഹങ്ങളൊക്കെ പരത്തുവാന്‍ ശ്രമിച്ചു ...എനിക്ക് ഇഷ്ടമില്ലാത്തവരെ ഒക്കെ പുറത്താക്കുവാന്‍ ശ്രമിക്കുന്നു എന്നായിരുന്നു അവരുടെ ആരോപണം ... ഗ്രൂപ്‌ അംഗങ്ങളുടെ ഇടയില്‍ എനിക്ക് വില്ലന്‍ പരിവേഷമാണെന്നു അഞ്ചു അനീഷ്‌ എനിക്ക് മെസ്സേജ് അയച്ച കൂട്ടത്തില്‍ അറിയിച്ചിരുന്നു .(ഗ്രൂപ്പിലെ പ്രശ്നങ്ങള്‍ എന്താണെന്ന് അറിയുവാന്‍ വേണ്ടി അയച്ച ഒരു മെസ്സേജ് ആണ് അത് ) അവിടെയും നിരപരാധി ആയ ഞാന്‍ വീണ്ടും പ്രതി സ്ഥാനത്തായി ...

റെജി പ്രശ്നം

ഞാന്‍ ഇന്നും ഖേദിക്കുന്ന ഒരു സംഭവമാണ് റെജിയുമായി ബന്ധപ്പെട്ട പ്രശ്നം . ഗ്രൂപ്പിന്റെ നിയമാവലിയെ പരിഗണിക്കാതെ റെജി പല പോസ്റ്റുകളുടെയും അടിയില്‍ കമന്റ്‌ ചെയ്യുന്ന കൂടെ തന്നെ തന്റെ ബ്ലോഗിന്റെ ലിങ്ക് ഇട്ടു എന്നതായിരുന്നു ഒരു പ്രശ്നം ...(മറ്റൊന്ന് അംഗങ്ങള്‍ക്ക് ഗ്രൂപ്പില്‍ ആളെ ചേര്‍ക്കുവാന്‍ വിലക്ക് ഉള്ളപ്പോള്‍ രണ്ടു പേരെ റെജി ഗ്രൂപ്പില്‍ ചേര്‍ത്തു.) അത് മെസ്സേജ് വഴി അറിയിച്ചിട്ടും റെജിയുടെ ഭാഗത്ത്‌ നിന്നും വീണ്ടും നിയമാവലിയുടെ ലംഘനം ആവര്‍ത്തിച്ചപ്പോള്‍ ഗ്രൂപ്പില്‍ നിന്നും പുറത്താക്കേണ്ടി വന്നു ... എന്നാല്‍ വീണ്ടും അയാളെ ചേര്‍ക്കുവാന്‍ കഴിയാതെ വന്നപ്പോള്‍ അകമ്പാടം എന്നെ അറിയിക്കുകയും ,റെജിയെ വീണ്ടും ഗ്രൂപ്പില്‍ ചേര്‍ക്കുവാന്‍ വേണ്ടി ഞാന്‍ റെജിക്ക് friend request അയച്ചു സുഹൃത്ത്‌ ആക്കിയ ശേഷം ചേര്‍ക്കുവാന്‍ ശ്രമിച്ചു ..എന്നാല്‍ നേരത്തെ പുറത്താക്കിയപ്പോള്‍ permanently ban ചെയ്തതിനാല്‍ ചേര്‍ക്കുവാന്‍ കഴിയാതെ വന്നു ..പക്ഷെ റെജി എനിക്ക് അയച്ച മെസ്സജില്‍ എന്നെ കടുത്ത വര്‍ഗ്ഗീയ വാദി ആയി ചിത്രീകരിക്കുവാനാണ് ശ്രമിച്ചത് .അതോടെ ആ അദ്ധ്യായം അടഞ്ഞു

അച്ചടക്ക സമിതി

എന്നൊരു സെക്രെറ്റ്‌ ഗ്രൂപ്പ് ഉണ്ട് ...അതില്‍ ഒന്‍പതു പേരാണ് ഉള്ളത് .അങ്ങനൊരു ഗ്രൂപ്‌ ഉണ്ടായി എന്നതല്ലാതെ അതിന്റെ ഘടന എന്താണെന്ന് പോലും ചര്‍ച്ച ചെയ്യപ്പെട്ടിട്ടില്ല .. അത്തരമൊരു സാഹചര്യത്തില്‍ പ്രകടമായ നിയമാവലി ലംഘനത്തിന് നടപടി എടുക്കുന്ന സാഹചര്യത്തില്‍ വിവാദമായ പോസ്ടിന്റെയോ ,കംമെന്റിന്റെയോ സ്ക്രീന്‍ ഷോട്ട് ഇംതി, അകമ്പാടം എന്നിവരെ 'മ അട്മിന്‍സ്‌' എന്ന ഞങ്ങള്‍ മൂന്നു പേര്‍ മാത്രെം ഉള്ള ഗ്രൂപ്പില്‍ പോസ്റ്റ്‌ ചെയ്തു അറിയിക്കുന്ന പതിവാണ് ഇത് വരെ തുടര്‍ന്ന് പോന്നിട്ടുള്ളത് .

ഇപ്പോള്‍ എന്താണ് പ്രശ്നം

മലയാളം ബ്ലോഗ്ഗെര്സിന്റെ നിയമാവലി പട്ടാള ചിട്ടയാണെന്ന ആക്ഷേപം ഉള്ളവരുണ്ട് ...എന്നാല്‍ അതില്‍ എന്താണ് പറഞ്ഞിട്ടുള്ളത് എന്നതില്‍ ആര്‍ക്കും സംശയം ഉണ്ടാവില്ല . രാഷ്ട്രീയ പോസ്റ്റുകള്‍ അനുവദനീയമല്ല ഗ്രൂപ്പില്‍ .എന്നാല്‍ രാഷ്ട്രീയം കൈകാര്യം ചെയ്യുന്ന ബ്ലോഗിന്റെ ലിങ്ക് നല്‍കാം എന്നതിനപ്പുറം അത്തരം പോസ്റ്റുകളില്‍ രാഷ്ട്രീയം ചര്‍ച്ചയോ വിശകലനമോ പാടില്ല എന്ന് എല്ലാവര്ക്കും അറിയാം ..അത് നന്നായി അറിഞ്ഞു കൊണ്ട് തന്നെ രണ്ടു പേര്‍ നടത്തിയ രാഷ്ട്രീയ കമന്റ്‌ കള്‍ അവരെ പുറതാക്കുന്നതിലേക്ക് നയിച്ചു ..അവരെ പുറത്താക്കിയത് എന്ത് കൊണ്ട് എന്ന് ചോദിക്കുന്നവര്‍ക്ക് വിവാദ്‌ പോസ്റ്റും അതിന്റെ സ്ക്രീന്‍ ഷോട്ടും തന്നെ മറുപടിയാണ് ...(ഏറ്റവും താഴെ കാണുക )

ഇതാ ഒരു തെറ്റിദ്ധാരണ

സത്യം എന്ത്
ഫൈസല്‍ കൊണ്ടോട്ടിക്കു അയച്ച മെസ്സജും അതിന്റെ മറുപടിയും താഴെ കാണുക ..അദ്ദേഹത്തിനു april 30 നു നിയമാവലി ലംഘനത്തിന് അയച്ചതാണ്... എന്നിട്ടും വീണ്ടും കരുതി കൂട്ടി നിയമാവലി ലംഘിച്ചാല്‍ അത് ന്യായീകരിക്കെണ്ടവര്‍ക്ക് ന്യായീകരിക്കാം .അത്തരക്കാര്‍ അങ്കമാലിയിലെ പ്രധാന മന്ത്രി സ്വന്തം അമ്മാവന്‍ ആണ് എന്ന് പറഞ്ഞാലും ഞാന്‍ അന്ഗീകരിക്കുകയെ ഉള്ളൂ...കാരണം എനിക്കറിയാം അവര്‍ കണ്ണടച്ച് ഇരുട്ട് ആക്കുകയാണ് എന്ന് ... നിയമാവലി ലംഘനം വീണ്ടും ആവര്തിക്കുകയാനെന്കില്‍ പുറത്താക്കുക എന്ന സ്വാഭാവിക നടപടി എടുത്തതിനു എന്നെ പ്രതി ആക്കെണ്ടവര്‍ക്ക് ആക്കാം ...അല്ലാത്തവര്‍ക്ക് സത്യം ബോദ്ധ്യപ്പെടാം ...

മറ്റൊരു അറിയിപ്പും പ്രതികരണവും കാണൂ ..

ഈ പോസ്റ്റ്‌

ഇനിയൊരു തിരിച്ചു വരവിനല്ല , ഈ ഗ്രൂപ്പില്‍ ഞാന്‍ നിക്ഷിപ്ത താല്പര്യം കാണിച്ചു എന്ന ഇമ്തിയുടെ ആരോപണം ഇത് വരെ ഞാന്‍ നടത്തിയ പ്രവര്തനങ്ങളോടുള്ള നന്ദി കേടാണ് ...അത്തരക്കാരോട് മറുപടിയില്ല . അത്രയ്ക്ക് തരം താഴ്ന്ന പ്രയോഗം നടത്തുന്നതിന് മുന്‍പായി ആലോചിക്കണമായിരുന്നു കുപ്രചരണം നടത്തുന്നവര്‍ക്കും ,ഗ്രൂപ്പിനെ തകര്‍ക്കുവാന്‍ നടക്കുന്നവര്‍ക്കും വേണ്ടി ഇത്രയ്ക്കു തരം താഴണോ എന്ന് .

ഒരിക്കല്‍ കൂടി വായിക്കാം വില കുറഞ്ഞ ആ ആരോപണം താഴെ :

ഇനി വിവാദമായ പോസ്റ്റും കമന്റും ...

ഇതിലെ കംമെന്റ്കള്‍ രാഷ്ട്രീയം ചര്‍ച്ച ചെയ്യുവാന്‍ മനപ്പൂര്‍വ്വം ഇട്ടതാണെന്ന വ്യക്തമായ ബോദ്ധ്യതാല്‍ രണ്ടു പേരെ പുറത്താക്കി എന്നതാണ് സത്യം . അതിനെ നിക്ഷിപ്ത താല്പര്യം എന്ന് വിളിക്കുന്നവര്‍ക്കാനു സത്യത്തില്‍ നിക്ഷിപ്ത താല്പര്യം ഉള്ളത് ..അത് കൊണ്ട് ഞാന്‍ പുറത്തു പോകുന്നു ..ഇനിയും ചെയ്യാത്ത തെറ്റിന് പ്രതി സ്ഥാനത് വരുവാന്‍ എനിക്ക് താല്പര്യമില്ല ...

വളരെ വ്യക്തമാണ് കാര്യങ്ങള്‍ ..പക്ഷെ

(നിയമാവലിയെ കുറിച്ച് ) അജ്ഞത ഉള്ളവരെ കാര്യങ്ങള്‍ ചിലപ്പോള്‍ ബോദ്ധ്യപ്പെടുതുവാന്‍ കഴിഞ്ഞേക്കും ..എന്നാല്‍ (നിയമാവലിയെ കുറിച്ച് ) അജ്ഞത നടിക്കുന്നവരെയോ ?

ബ്ലോഗിലെയോ മറ്റോ ഉള്ള ആശയ അഭിപ്രായ വ്യത്യാസങ്ങളുടെ പേരില്‍ ഒരു ഭിന്നത ഇല്ലാതെ തികഞ്ഞ സൌഹാര്‍ദ്ദ അന്തരീക്ഷം നില നിര്‍ത്തുവാന്‍ ഉള്ള ഒരു ഗ്രൂപ്‌ എന്ന നിലക്കാണ് ഗ്രൂപ്പിനെ ഞാന്‍ കണ്ടത് ...എന്നാല്‍ എന്നെ വ്യക്തി പരമായി പ്രകൊപിപ്പിക്കുന്ന നിയമ ലംഖനം ബോധ പൂര്‍വ്വം നടത്തുമ്പോള്‍ അടിയന്തിര കമ്മിറ്റി വിളിച്ചു കൂട്ടി ബോദ്ധ്യപ്പെടുതുവാന്‍ ബുദ്ധിമുട്ടാണ് ..ഈ ബുദ്ധിമുട്ടാണ് പലരെയും വീണ്ടും വീണ്ടും അനാവശ്യ വിവാദങ്ങലക്ക് പ്രേരിപ്പിക്കുന്നതും ..എന്റെ രാഷ്ട്രീയത്തെ വിമര്ഷിച്ചതിനാണ് ഞാന്‍ അവരെ പുറത്താക്കിയത് എന്ന് നിങ്ങളും വിശ്വസിക്കുന്നു എങ്കില്‍ എനിക്കൊന്നും പറയാനില്ല ..ഞാന്‍ ഒഴിയുകയാണ് ..എനിക്കറിയാം ഏക പക്ഷീയമായ ഒരു കുറ്റപ്പെടുത്തല്‍ ഇവിടെ ഉണ്ടാകും എന്നതില്‍ ..എനിക്ക് വിഷമമുണ്ട് . തങ്ങള്‍ എന്തിനാണ് ഈ ഗ്രൂപ്പില്‍ വന്നത് എന്ന് പോലും തിരിച്ചറിവില്ലാതവരുടെ മുന്നില്‍ ഒരു നിയമാവലിക്കോ , ബോദ്ധ്യപ്പെടുതലിനോ പ്രസക്തി കാണുന്നില്ല ..കഥയറിയാതെ ആരെങ്കിലും തെറ്റിദ്ധരിച്ചിരിക്കുന്നു എന്നുണ്ടെങ്കില്‍ അവരെ തിരുത്തുവാനും ഞാന്‍ മിനക്കെടുന്നില്ല ...

അല്ലാഹുവാണെ സത്യം, ഒരു കാര്യം എനിക്ക് നെഞ്ചില്‍ കൈ വെച്ച് പറയുവാന്‍ കഴിയും : വ്യക്തി പരമായ വിരോധത്തിന്റെ പേരില്‍ (അതും പ്രകടമായ പ്രകോപനം ഉണ്ടായപ്പോള്‍ പോലും ) ഒരാള്‍ക്കെതിര്ല്‍ പോലും ഞാന്‍ നടപടി എടുത്തിട്ടില്ല ..എന്നാല്‍ മെസ്സേജ് അയച്ചിട്ടുണ്ട് നിയമ ലംഖനങ്ങള്‍ക്ക് എതിര്ല്‍ ...(പലരും മറുപടി അയച്ചിട്ടില്ല എങ്കിലും മറുപടി അയച്ചു സഹകരിച്ചവരും ഉണ്ട് )
ഒരു ഗ്രൂപ്‌ വിജയിക്കുന്നത് എങ്ങിനെ എന്നത് പോലെ തന്നെ ഒരു ഗ്രൂപ്‌ തകരുന്നത് എങ്ങിനെ എന്ന് കൂടി നമ്മള്‍ ആലോചിക്കണം അപ്പോളെ ഞാന്‍ അനുഭവിച്ച വിഷമം പലര്‍ക്കും മനസിലാകുകയുള്ളൂ ...അപ്പോഴേ ഞാന്‍ സ്വീകരിച്ച നടപടികളുടെ പ്രാധാന്യം മനസ്സിലാകൂ ..

നന്മകള്‍ ആശംസിക്കുന്നു ഏവര്‍ക്കും ..തീര്‍ച്ചയായും.. ഇനിയൊരു തിരിച്ചു വരവില്ല ... നന്ദി ഇത് വരെ എനിക്ക് നല്‍കിയ പിന്തുണകള്‍ക്ക് ..

ഒപ്പം ഈ നല്ല മനസ്സുകള്‍ക്കും

നിങ്ങളുടെ സഹോദരന്‍ -നൌഷാദ് വടക്കേല്‍

updated :

noushad akampadam said:

====================================================================
<< മലയാളം ബ്ലോഗേഴ്സ് ഗ്രൂപ്പിന് ബദലായി വന്ന ഒരു ഗ്രൂപ്‌ ആണ് ഇത് എന്നും അതിലെ സജീവ അംഗങ്ങളായ കണ്ണന്‍ ,ഹഫീസ്‌ ,അഞ്ചു അനീഷ്‌ എന്നിവരെ പുറത്താക്കണമെന്ന് ആവശ്യപ്പെട്ടത് നൌഷാദ് അകമ്പാടം ആണ്>>

എന്റെ ഓര്‍മ്മയില്‍ ഒരാളെപ്പോലും ഗ്രൂപ്പില്‍ നിന്ന് ഞാന്‍ പുറത്താക്കുകയോ ( ഒരു നിര്‍ബന്ധിത കേസ് ഒഴിച്ച്)
അങ്ങനെ ആവശ്യപ്പെടുകയോ ചെയ്തതായി ഞാന്‍ ഓര്‍ക്കുന്നില്ല.
കണ്ണനും അഞ്ജുവും വളര്‍ന്നു വന്ന ഈ ഗ്രൂപ്പിനോട് പിന്നെ അവഗണന കാണീച്ചപ്പോള്‍ പോലും ഞാന്‍ തികഞ്ഞ
സം‌യമനത്തോടെ മാത്രമാണു പെരുമാറിയതെന്ന് അവരോട് തന്നെ ചോദിച്ചാല്‍ അറിയാം.
===================================================================
പ്രിയ അകംപാടംജി,
ഈ വിഷയത്തില്‍ 'മ അട്മിന്‍സ്‌' ഗ്രൂപ്പില്‍ ചര്‍ച്ച നടക്കുകയും അതിന്റെ അടിസ്ഥാനത്തില്‍ നടപടികള്‍ക്കായി ശ്രമിച്ചതുമാണ്. അതുമായി ബന്ധപ്പെട്ടു അയച്ച മെസ്സേജ് (തെളിവ് )ഇതാ :

ഇതൊന്നും നിങ്ങള്‍ രണ്ടും അറിയാതെ ആണോ ? പഴി കേട്ടത് അവസാനം ആ തീരുമാനം പിന്‍ വലിക്കുവാന്‍ വേണ്ടി ഇടപെട്ട ഞാനും ..

ഫിസുവിന്റെ വിഷയത്തില്‍ താന്കള്‍ പറഞ്ഞത് കാണൂ ...

ഇത്ര സൌഹാര്‍ദ്ദമായി പ്രവര്‍ത്തിക്കുമ്പോഴും സജീവമായി ഇടപെടുന്നു എന്ന ഒറ്റ കാരണം കൊണ്ട് മാത്രം ഞാന്‍ പ്രതിയാകുന്നത് എങ്ങനെ എന്ന് എന്നോട് ഇത്ര അടുത്ത ബന്ധം പുലര്‍ത്തിയ അകംപാടംജിക്കും ,ഇമ്തിക്കും ആലോചിക്കാമായിരുന്നു ...ആദ്യമേ പറഞ്ഞത് വീണ്ടും ആവര്‍ത്തിക്കട്ടെ ..

വിവിധ സന്ദര്‍ഭങ്ങളില്‍ ചില ആളുകളുമായി ബന്ധപ്പെട്ടു ചില വിവാദങ്ങള്‍ അതില്‍ ഉണ്ടായിട്ടുണ്ട് ...അതിലൊക്കെ എന്നെ പ്രതി ആക്കി പലരും രക്ഷപെടുന്ന പ്രവണതയോട് മനം മടുത്തു ഞാന്‍ അതില്‍ നിന്നും പുറത്തു പോയിരിക്കുകയാണ് ..കുറഞ്ഞ നാളുകള്‍ കൊണ്ട് നേരില്‍ കാണാത്ത വ്യക്തിത്വങ്ങള്മായി വളരെ അടുത്ത സൗഹൃദം സ്ഥാപിക്കുവാന്‍ കഴിഞ്ഞു എന്നതാണ് ഒരു പ്രധാന നേട്ടമായി ഞാന്‍ കാണുന്നത് ...അവരില്‍ പലരും ഒരു പക്ഷെ എന്നെ തെറ്റിദ്ധരിച്ചേക്കാം എന്ന
ഒരു വേദന കൊണ്ട് മാത്രമാണ് ഈ പോസ്റ്റ്‌ എഴുതുന്നത്‌ ...

മുടി കൊടുത്തു അടി വാങ്ങുന്നവരെ കുറിച്ച് അല്പം കൂടി :ഓ അബ്ദുല്ല

2011-05-09T10:05:00.002+05:30

കടപ്പാട് : വര്‍ത്തമാനം ദിന പത്രം

റസൂല്‍ (സ) എ പിക്ക് മുടികൊടുക്കാന്‍ സ്വപ്നത്തില്‍ പറഞ്ഞു എന്ന കള്ളക്കഥ ഇവിടെ വായിക്കാം

ജമാഅത്ത് പാര്‍ട്ടി : മൌദൂതി പൊറുക്കുമോ ?

2011-04-22T11:22:00.000+05:30

മൂന്നാറിലെ പൂച്ചകളുടെ പേരില്‍

2011-04-12T11:14:00.000+05:30

നിയമ സഭാ തിരഞ്ഞെടുപ്പ് പ്രഖ്യാപിച്ചപ്പോള്‍ അച്ചുതാനന്തന്‍ വല്ലാതെ സന്തോഷിച്ചു ..

ഒരു വട്ടം കൂടി ഇടുക്കി ജില്ലയില്‍ ഒന്ന് പോകാം ...
(ഇനി മൂന്നാറില്‍ കണ്ടാല്‍ വിവരം അറിയും എന്ന് പാര്‍ട്ടിയുടെ ജില്ല സെക്രെട്ടരി കണ്ണുരുട്ടിയപ്പോള്‍ തീര്‍ന്നതാണ് മൂന്നാറിനോടുള്ള പൂതി )

അതേ ജില്ല സെക്രട്ടറി യുടെ മുന്നില്‍ ഞെളിഞ്ഞിരുന്ന് കയ്യേറ്റക്കാരെ കയ്യാമം വെക്കുമെന്നൊക്കെ തട്ടി വിടുന്നത് ഭാവനയില്‍ കണ്ടു പ്രൈവറ്റ് സെക്രട്ടറി യോട് ചോദിച്ചു :

എന്നാണു ഇടുക്കി ജില്ലയില്‍ എന്റെ പരിപാടി പാര്‍ട്ടി തീരുമാനിച്ചിരിക്കുന്നത് ...?

പ്രൈവറ്റ് സെക്രട്ടറി: അതിനു പാര്‍ട്ടി ഇടുക്കിയില്‍ താങ്കളുടെ പരിപാടിയൊന്നും വെച്ചിട്ടില്ലാല്ലോ

മുഖ്യന്‍ : അതെന്താ ???!!!!

പ്രൈവറ്റ് സെക്രട്ടറി: അത് വേറൊന്നുമല്ല ...മൂന്നാറിലെ ഒഴിപ്പിക്കല്‍ നാടകം പൊളിഞ്ഞു ..ഇപ്പോള്‍ ഇടുക്കി എം പി യു ഡി എഫിലെ പി ടി തോമസാണ് (അന്നത്തെ എല്‍ ഡി എഫ് സ്ഥാനാര്‍ഥിയും ഇപ്പോള്‍ യു ഡി എഫ്ഫിലാണ് )

കഴിഞ്ഞ ത്രിതല പഞ്ചായത്ത് തിരഞ്ഞെടുപ്പില്‍

ജില്ലാ പഞ്ചായത്തിലെ പതിനാറില്‍ പതിനാറും(16/16) യു ഡി എഫാണ് നേടിയത് ,(ചരിത്രത്തില്‍ ആദ്യമായി ഇടതിന് ജില്ലാ പഞ്ചായത്ത് ഭരണം നഷ്ടപ്പെട്ടതും ഇത്തവണയാണ് )
തീര്‍ന്നില്ല ബ്ലോക്ക്‌ പഞ്ചായത്ത് എട്ടില്‍ എട്ടും(8/8) യു ഡി എഫ്ഫ്‌ നേടി
ആകെയുള്ള നഗരസഭയായ തൊടുപുഴയും യു ഡി എഫ് നേടി ...

തീര്‍ന്നില്ല ഗ്രാമ പഞ്ചായത്തുകളില്‍ ആകെയുള്ള അന്‍പത്തി നാലില്‍ നാല്പത്തി ആറും(46/54) യു ഡി എഫു ആണ് ഭരിക്കുന്നത് ..
നമുക്ക് കിട്ടിയ എട്ടില്‍ രണ്ടെണ്ണം നറുക്കിട്ട് കിട്ടിയതാണ് ...അല്ലെങ്കില്‍ വെറും ആറു പഞ്ചായത്തില്‍ ഒതുങ്ങിയേനെ ...

ഇനിയും താങ്കളെ അവിടെ കണ്ടാല്‍ ജനം ഓടിച്ചിട്ട്‌ തല്ലി കൊല്ലും ..അത് കൊണ്ടാ ഇടുക്കിയില്‍ താങ്കളെ പന്കെടുപ്പിക്കേണ്ട എന്ന് തീരുമാനിച്ചത് ....
(മുഖ്യന്‍ തല കുനിച്ചു എന്തോ ആലോചിച്ചു, ഇടുക്കിയില്‍ പോയി ഒള്ള ആറു പഞ്ചായത്തും കളയണ്ട എന്നായിരിക്കും ....അതോ മൂന്നാറിലെ പൂച്ചകളെ തല്ലിക്കൊന്ന അവസ്ഥ തനിക്കും വരുമോ എന്നോര്തിട്ടോ ? )

പത്രക്കാര്‍ ചോദിച്ചു : അല്ല താങ്കളെ പ്രസിദ്ധനാക്കിയ ഇടുക്കി ജില്ലയില്‍ ഇത്തവണ പ്രചാരണത്തിന് പോകുന്നില്ലേ ?

(ഉളുപ്പില്ലാതെ ഗൌരവം നടിച്ചു ) മുഖ്യന്‍ ..ഇല്ല ഞാന്‍ ഒരല്പം തിരക്കിലാ ....

അണ്ണാ ഹസാരെ നല്‍കുന്ന സന്ദേശം

2011-04-09T12:35:00.001+05:30

അണ്ണാ ഹസാരെ സമരം അവസാനിപ്പിച്ചിരിക്കുന്നു ....

സമരങ്ങള്‍ക്ക് പഞ്ഞമില്ലാത്ത സമരങ്ങള്‍ കൊണ്ട് വീര്‍പ്പു മുട്ടുന്ന സമകാലിക ഇന്ത്യയില്‍ ഇതൊരു ഐതിഹാസിക വിജയമാകുന്നത് എവിടെയാണ് ?

ജാതിമത ,രാഷ്ട്രീയ ഭേദമെന്യേ ഇന്ത്യന്‍ ജനതയുടെ പിന്തുണ നേടി എടുക്കുവാന്‍ കഴിയുന്ന ഒരു ലക്‌ഷ്യം മുന്നോട്ടു വെച്ച് സമരം നടത്തി എന്നത് മാത്രമല്ല ഈ സമരത്തെ ശ്രദ്ധേയമാക്കുന്നത് ...
ലോകത് പലയിടത്തും അടുത്തിടെ നടന്ന പ്രക്ഷോഭങ്ങള്‍ നമ്മുടെ മുന്നിലുണ്ട് ...
തുര്‍ക്കി മുതല്‍ ഐവറി കോസ്റ്റ്‌ വരെ ...
പലയിടത്തും ജനാധിപത്യം എകാധിപത്യതിലേക്ക് വഴുതിയതിനെതിരിലാണ് ജന രോഷം ഉയര്‍ന്നത് ...
ഇപ്പോഴും അവയൊക്കെ തെരുവില്‍ നടന്നു കൊണ്ടിരിക്കെ കേവലം നൂറില്‍ താഴെ മണിക്കൂറുകള്‍ കൊണ്ട്
അണ്ണാ ഹസാരെ എന്ന ഗാന്ധിയന്റെ സമരം എങ്ങനെ വിജയിച്ചു എന്നത് പരിശോധിക്കപ്പെടെണ്ടതാണ് ...

ജനാധിപത്യപരമായി തിരഞ്ഞെടുക്കപ്പെട്ട രാജ്യം ഭരിക്കുന്ന നേതൃത്വം രാജി വെക്കണം എന്നതായിരുന്നില്ല അണ്ണാ ഹസാരെ അടക്കമുള്ള സമര സമിതി മുന്നോട്ടു വെച്ച ആവശ്യം .

ഭക്ഷണ വിഭവങ്ങളുടെ ദൌര്‍ലഭ്യം കൊണ്ടല്ല ലോകത് പട്ടിണി നില നില്‍ക്കുന്നത് ,അവയുടെ വിതരണം സന്തുലിതമായി നടപ്പിലാക്കാത്തത് കൊണ്ടാണ് എന്ന വസ്തുത അടിവരയിട്ടു സ്ഥാപിച്ചു നോബല്‍ സമ്മാനം നേടിയ അമര്‍ത്യാസെന്നിന്റെ നാടാണ് ഇന്ത്യ ...
അഴിമതിക്കെതിരായ നിയമങ്ങളുടെ അപര്യാപ്തത കൊണ്ടല്ല , അവ നടപ്പില്‍ വരുതുന്നതിലുള്ള വീഴ്ചയും കാല താമസവും കൊണ്ടാണ് രാജ്യം അഴിമതിക്കാരുടെ പേരില്‍ ലജ്ജിക്കേണ്ടി വരുന്നത് എന്ന സത്യം നമുക്ക് അത് കൊണ്ടുതന്നെ അപരിചിതവുമല്ല ...അപ്പോള്‍ പിന്നെ രാഷ്ട്രീയക്കാര്‍ മാത്രം അടങ്ങുന്ന ഒരു സംവിധാനം എത്ര മാത്രം ജനവിശ്വാസം ആര്ജ്ജിക്കും ....?

തീവ്രവാദത്തിനു മതമില്ല എന്നത് പോലെ തന്നെ സത്യമാണ് ഒരു മതവും തീവ്രവാദത്തെ അനുകൂലിക്കുന്നില്ല എന്നതും .
രാഷ്ട്രീയത്തിലും ഇതാണ് അവസ്ഥ ...
അഴിമതിക്ക് രാഷ്ട്രീയമില്ല എന്നത് പോലെ ഒരു രാഷ്ട്രീയ പാര്‍ട്ടിയും അഴിമതിയെ അനുകൂലിക്കുന്നില്ല .

എന്ത് കൊണ്ട് അഴിമതി ?

യഥാര്‍ത്ഥത്തില്‍ രാഷ്ട്രീയ പാര്‍ട്ടികളെ മലീമസമാക്കുന്നതിന്റെ മുഖ്യ ഘടകം 'തിരഞ്ഞെടുപ്പ് രാഷ്ട്രീയം' തന്നെയാണ് .

രാഷ്ട്രീയ പ്രവര്തനമെന്നാല്‍ എത്ര ഹീനമായ മാര്‍ഗ്ഗവും സ്വീകരിച്ചു തിരഞ്ഞെടുപ്പില്‍ മത്സരിച്ചു വിജയിച്ച ശേഷം തനിക്കും പാര്‍ട്ടിക്കാര്‍ക്കും വേണ്ടി മാത്രം ഭരണം നടത്തുകയും വീണ്ടും അടുത്ത തിരഞ്ഞെടുപ്പില്‍ ഏതു വിധേനയും ജയിക്കുവാന്‍ ശ്രമിക്കുകയും ചെയ്യുന്ന സന്കുചിതത്വതിലേക്ക് രാഷ്ട്രീയ നേതാക്കള്‍ മാറിയിരിക്കുന്നു .

തന്റെ പാര്‍ട്ടിയുടെ സ്ഥാനാര്‍ഥി വിജയിച്ചു കഴിഞ്ഞാല്‍ പിന്നെ തന്റെ രാഷ്ട്രീയ ഉത്തരവാദിത്വം നിറവേറി കഴിഞ്ഞു എന്ന് വിശ്വസിക്കുന്ന അവസ്ഥയിലേക്ക് പാര്‍ട്ടികളുടെ പ്രവര്‍ത്തകരില്‍ ഭൂരിപക്ഷവും മാറിയിരിക്കുന്നു .

ഈ ചിന്താഗതികള്‍ക്കൊക്കെ വലിയൊരു മാറ്റം ഉണ്ടാക്കുവാനും , ജനാധിപത്യ സമ്പ്രദായത്തിന്റെ സാദ്ധ്യതകള്‍ നമ്മുടെ രാജ്യത് എത്ര വിശാലമാണ് എന്നുമൊക്കെ രാജ്യത്തെ ജനതയെ ചിന്തിപ്പിക്കുവാനും ഈ സമരം സഹായകമായി എന്ന് വേണം കരുതുവാന്‍ ...
ഇനി മുതല്‍ തങ്ങള്‍ തിരഞ്ഞെടുക്കുന്നവര്‍ (പഞ്ചായത്ത് മുതല്‍ പാര്‍ലിമെന്റ്) സേവന രാഷ്ട്രീയത്തിലൂടെ പൊതുസ്വീകാര്യത നേടുന്ന ആദര്‍ശ നിഷ്ഠ പുലര്‍ത്തുന്നവരാണ് എന്ന് ഉറപ്പു വരുത്തുവാന്‍ ഏറ്റവും താഴെ തട്ടിലെ പാര്‍ട്ടി കമ്മിറ്റിയുടെ പ്രവര്‍ത്തകര്‍ പോലും മനസ്സ് വെക്കും എന്ന് കരുതാം ...കാരണം ലോകപാല്‍ ബില്ലിന് പകരം നടപ്പില്‍ വരുവാന്‍ പോകുന്ന ജന ലോക്പാല്‍ ബില്ലിലെ വ്യവസ്ഥകള്‍ അത്ര കര്‍ശനമാണ് എന്നാണു അറിവ് .

അണ്ണാ ഹസാരെയുടെ സമര രീതിയും ഈ വിജയത്തിന് പിന്നില്‍ പ്രത്യേകം ശ്രദ്ധിക്കപ്പെടെണ്ടതുണ്ട് ... അക്രമതിന്റെയോ ,ആരാജകത്വതിന്റെയോ പാതയിലേക്ക് പോകാതെ തികച്ചും സമാധാനപരമായി എന്നാല്‍ പൊതു ജനവികാരം തന്റെ ആവശ്യത്തിന് അനുകൂലമാക്കി മാറ്റിയത് കാണാതെ പോകരുത് .

രാജ്യത്തെ ജനതയുടെ വികാരം പ്രകടമാക്കുന്ന സമരത്തിന്‌ വിജയിക്കുവാന്‍ ഒരിക്കലും അക്രമത്തിന്റെയോ ,അരാജകത്വതിന്റെയോ പാത ആവശ്യമില്ല എന്നതും അതിനു രാജ്യത്തെ ജനങ്ങള്‍ എതിരാണ് എന്നും നിലവിലുള്ള രാഷ്ട്രീയ കക്ഷികള്‍ അടിവരയിട്ടു മനസ്സിലാക്കേണ്ട കാര്യമാണ് .

ഈ സമരത്തിന്റെ വിജയത്തിന് രാജ്യത്തെ മാദ്ധ്യമങ്ങള്‍
(തങ്ങളുടേതായ കച്ചവട താല്പര്യങ്ങള്‍ ഉണ്ടെങ്കില്‍ പോലും )നല്‍കിയ പ്രചാരണം വളരെ വലുതാണ്‌ .newsX, NDTV, star news എന്നീ ചാനലുകള്‍ മറ്റു പ്രധാന പരിപാടികള്‍ മാറ്റി വെച്ച് ഈ സമരത്തെ ലൈവ് ആയി നില നിര്‍ത്തിയത് വളരെ പ്രശംസനീയമായ ഒരു കാര്യമാണ് ...

ചുരുക്കത്തില്‍ രാജ്യത് നിലവിലുള്ള വ്യവസ്ഥിതിയുടെ പരിധിയില്‍ ഒതുങ്ങി നിന്ന് കൊണ്ട് തന്നെ അക്രമതിനോ അരാജകത്വതിനോ ശ്രമിക്കാതെ ജനങ്ങളുടെ മനസാക്ഷി പ്രതിഫലിക്കുന്ന എതോരാവശ്യതിനും വേണ്ടിയുള്ള സമരത്തിന്‌ വലിയ പിന്തുണ ഇനിയും ഈ രാജ്യത്തെ ജനങ്ങളില്‍ നിന്നും ജാതി മത കക്ഷി ഭേദമെന്യേ ലഭിക്കും എന്നതിന്റെ ഉത്തമ ഉദാഹരണമായി ഈ ഐതിഹാസിക വിജയത്തെ കാണാം ...

ഹമീദ്‌ വാണിമേല്‍ എന്ത് കൊണ്ട് ജമാഅത്ത് വിട്ടു ?

2011-04-04T09:59:00.003+05:30

പിണറായി പറഞ്ഞതും ജമാഅത്ത് സ്വീകരിച്ച നിലപാടുകളും വായിക്കുവാന്‍ താഴെ കാണുന്ന ലിങ്ക് ക്ലിക്ക് ചെയ്യൂ ...

ജമാഅത്ത് ഇസ്ലാമി-CPM തിരഞ്ഞെടുപ്പ് ബന്ധം

സുന്ദര്‍ രാജ് സുന്ദര്‍ : നഷ്ടമായത് ജ്യേഷ്ഠ സഹോദരന്‍

2011-03-27T13:56:00.003+05:30

ഇന്റര്‍നെറ്റ്‌ ആശയ സംവേദനത്തിന് ആളുകള്‍ ആധുനിക യുഗത്തില്‍ ഏറ്റവും അധികം ഉപയോഗപ്പെടുത്തുന്നത് ബ്ലോഗുകളാണ് ...

തുറന്നു പറഞ്ഞാല്‍ ബ്ലോഗുകള്‍ പലപ്പോഴും പോര്‍ക്കളങ്ങള്‍ ആവുന്ന അവസ്ഥയുണ്ട് ..വ്യത്യസ്ത ചിന്താ ഗതികളും സമീപനങ്ങളും ഏറ്റു മുട്ടുന്ന അവസ്ഥ .

പരസ്പരം വ്യക്തിപരമായി അടുത്ത് അറിയുവാനുള്ള സാഹചര്യം ശ്രിഷ്ടിക്കപ്പെടുക സോഷ്യല്‍ നെറ്റ് വര്‍ക്ക്‌ കള്‍ വഴിയാണ് . ബ്ലോഗില്‍ 'ശത്രുത' പുലര്‍ത്തുന്നവര്‍ മിത്രങ്ങളാവുന്ന കാഴ്ച സോഷ്യല്‍ നെറ്റ് വര്‍ക്ക്‌ കള്‍ക്ക് സ്വന്തം ...

വ്യത്യസ്ത കാഴ്ചപ്പാടുകള്‍ പുലര്‍ത്തുന്നവരുമായും സോഷ്യല്‍ നെറ്റ് വര്‍ക്ക്‌ ആയ ഫേസ് ബുക്കില്‍ അടുത്ത സൗഹൃദം ചുരുങ്ങിയ കാലയളവിനുള്ളില്‍ ഒട്ടനവധി ആളുകളുമായി ഉണ്ടാക്കുവാന്‍ സാധിച്ച തികച്ചും വ്യത്യസ്തമായ ഒരു വ്യക്തിത്വമാണ് ഇന്നലെ വൈകിട്ട് (26.03.2011) അന്തരിച്ച ബഹുമാന്യ സഹോദരന്‍ സുന്ദര്‍ രാജ് സുന്ദര്‍ ...

ബ്ലോഗ്ഗര്‍ എന്ന നിലക്കല്ല ഒരു ജ്യേഷ്ഠ സഹോദരന്‍ എന്ന നിലക്ക് മലയാളം ബ്ലോഗേഴ്സ് ഗ്രൂപ്പില്‍ സജീവമായിരുന്ന അദ്ദേഹം ഈ ഗ്രൂപ്പിന്റെ ഉപദേശക സമിതിയിലെ അംഗം കൂടിയായിരുന്നു ...അദ്ധേഹത്തിന്റെ വേര്‍പാട് ജീവിതത്തില്‍ ഒരിക്കല്‍ പോലും നേരില്‍ കാണാത്ത ഒരു അടുത്ത സുഹൃത്ത്‌ എന്ന നിലയില്‍ എനിക്ക് വളരെ വിഷമവും വേദനയും ഉണ്ടാക്കി ...എന്നാല്‍ ദൈവത്തിന്റെ അലംഘനീയമായ വിധിക്ക് ഭൂലോകത്ത് ജനിച്ച ഏതൊരു ജീവനും വിധേയമാവും എന്ന യാഥാര്‍ത്ഥ്യം അംഗീകരിക്കാതെ വയ്യല്ലോ ..

അദ്ധേഹത്തിന്റെ മരണം മൂലം മാനസികമായി വിഷമം അനുഭവിക്കുന്ന അദ്ധേഹത്തിന്റെ കുടുംബത്തിനും ബന്ധു മിത്രാദികള്‍ക്കും ദൈവം വിഷമം ലഘൂകരിച്ചു നല്‍കട്ടെ എന്ന് പ്രാര്‍ഥിക്കുന്നു ...

ലീഗ് വിരുദ്ധ സൃഗാലവൃന്ദം അറിയാന്‍

2011-03-01T11:51:00.002+05:30

കെ.എം ഷാജി

ആറ് പതിറ്റാണ്ടുകാലത്തെ രാഷ്ട്രീയ രഥ്യയില്‍ മുസ്ലിംലീഗ് പലതരം വെല്ലുവിളികളും പ്രയാസങ്ങളും അഭിമുഖീകരിച്ചിട്ടുണ്ട്. എതിര്‍പ്പുകള്‍ നേരിടാത്ത ഒരു കാലവും ഉണ്ടായിട്ടില്ല എന്നുതന്നെ പറയാം. പാര്‍ട്ടിതന്നെ രണ്ടായി പിളര്‍ന്ന കാലമുണ്ടായിട്ടുണ്ട്. ഇന്ത്യന്‍ യൂനിയന്‍ മുസ്ലിംലീഗും അഖിലേന്ത്യാ ലീഗും പരസ്പരം പോരടിച്ച അഭിശപ്തകാലം. മറുവശത്താകട്ടെ പ്രോഗ്രസ്സീവ് ലീഗ് എന്ന അഭിധാനത്തില്‍ ഇടച്ചേരി മൗലവിയെപ്പോലുള്ളവരെ മുന്നില്‍ നിര്‍ത്തി സി.പി.എം. മുസ്ലിംലീഗിനെ ദുര്‍ബലപ്പെടുത്താനുള്ള വൃഥാവ്യായാമങ്ങള്‍ നടത്തിയിട്ടുണ്ട്. സുന്നി സമൂഹത്തെ സ്വാധീനിക്കാന്‍ ഫാറൂഖ് മൗലവിയെ രംഗത്തിറക്കി മുസ്ലിം ഡമോക്രാറ്റിക് പാര്‍ട്ടി രൂപീകരിച്ച് സി.പി.എം. തങ്ങളുടെ രാഷ്ട്രീയ കുതന്ത്രങ്ങള്‍ തുടര്‍ന്നു. ഇങ്ങേയറ്റത്ത് സമീപ ഭൂതത്തില്‍ പി.ഡി.പി.യിലൂടെയും വര്‍ത്തമാനകാലത്ത് എന്‍.ഡി.എഫിലൂടെയും ലീഗിനെ ക്ഷയിപ്പിക്കാനുള്ള പരീക്ഷണങ്ങള്‍ നടന്നു. ഈ പരീക്ഷണങ്ങളുടെയൊക്കെ കാലത്ത് ജമാഅത്തെ ഇസ്ലാമി അതിന്റെ സൃഗാലബുദ്ധി ഇക്കൂട്ടര്‍ക്കുവേണ്ടി അഹമഹമികയാ വിനിയോഗിച്ചിട്ടുണ്ട്.

ഇത്തരം വെല്ലുവിളികളും പ്രതിസന്ധികളും അതിജീവിച്ച് മുസ്ലിംലീഗ് ഒട്ടും കരുത്ത് ചോരാതെ നിലനില്‍ക്കുന്നു എന്നത് രാഷ്ട്രമീമാംസാ വിദ്യാര്‍ത്ഥികള്‍ക്ക് കൗതുകമുളവാക്കുന്ന വസ്തുതയാണ്. മുസ്ലിംലീഗ് കേരളത്തില്‍ നിലനില്‍ക്കുന്നതെങ്ങനെയെന്ന് ലീഗിനെ തകര്‍ക്കാന്‍ ഒരുമ്പെട്ടിറങ്ങിയിരിക്കുന്നവര്‍ കൂലങ്കഷമായ പഠനത്തിന് വിധേയമാക്കേണ്ടതാണ്. സൈനിക വിജ്ഞാനീയത്തിലെ ബാലപാഠങ്ങളിലൊന്ന് ശത്രുവിന്റെ വലിപ്പവും മുന്നൊരുക്കങ്ങളും സന്നാഹങ്ങളും ശക്തിദൗര്‍ബല്യങ്ങളും ഗ്രഹിക്കുക എന്നതാണ്. ലീഗിന് കേരളീയ സമൂഹത്തിലുള്ള വിശ്വാസ്യതയും സ്വീകാര്യതയും കേരളത്തിന്റെ രാഷ്ട്രീയ മണ്ഡലത്തില്‍ ചെലുത്തുന്ന സ്വാധീനവും നേരാംവണ്ണം തിരിച്ചറിയാതെ മുസ്ലിംലീഗിനെ പരിക്ഷീണമാക്കാമെന്ന് കരുതുന്നവര്‍ ഒരു വന്‍മരത്തെ പേനാക്കത്തികൊണ്ട് കുത്തിവീഴ്ത്താമെന്ന മൂഢധാരണയുടെ തടവുകാരാണ്.

ഇന്ത്യയില്‍ മുസ്ലിംലീഗിന് സമാനമായ ഒരു പരീക്ഷണം മറ്റൊരു സംസ്ഥാനത്തും നടന്നിട്ടില്ല. പലതരം എതിര്‍പ്പുകളുണ്ടായിട്ടും, വിവിധ കോണുകളില്‍നിന്ന് വെല്ലുവിളികളുണ്ടായിട്ടും ലീഗ് ഉത്തരോത്തരം കരുത്താര്‍ജ്ജിക്കുകയാണ് ചെയ്തിട്ടുള്ളത്. കഴിഞ്ഞ പഞ്ചായത്ത് തെരഞ്ഞെടുപ്പില്‍ ആറ് പതിറ്റാണ്ടിലേറെയായി കേരളത്തില്‍ പ്രവര്‍ത്തിക്കുന്ന ജമാഅത്തെ ഇസ്ലാമിക്ക്, മത്സരിച്ച 1700 വാര്‍ഡുകളില്‍ ഒമ്പത് സീറ്റ് മാത്രമാണ് ലഭിച്ചത്. എന്നാല്‍ മുസ്ലിംലീഗ് സ്വന്തം ചിഹ്നത്തില്‍ 2240 സീറ്റ് നേടി. സ്വതന്ത്രരെ കൂടി ഉള്‍പ്പെടുത്തുമ്പോള്‍ ഈ കണക്ക് എത്രയോ മേല്‍ വര്‍ധിക്കുന്നു. മുസ്ലിംലീഗ് ആര്‍ജ്ജിച്ചെടുത്ത ഈ വിശ്വാസ്യതയുടെ അടിപ്പടവിന് തുരങ്കം വെക്കാനാണ് ലീഗ് വിരുദ്ധ ശക്തികള്‍ എക്കാലത്തും പാഴ്വേല നടത്തിയിട്ടുള്ളത്. കേരളത്തിലെ പൊതു സമൂഹം മുസ്ലിംലീഗിന് കല്‍പിച്ചു നല്‍കിയ വിശ്വാസ്യതക്ക് ഏറ്റവും നല്ല ഉദാഹരണം, കേരളത്തിന്റെ റവന്യൂ വരുമാനത്തിന്റെ 67 ശതമാനംവരെ ലീഗ് മന്ത്രിമാര്‍ കൈകാര്യം ചെയ്യുന്നു എന്ന് ലീഗ് വിരുദ്ധര്‍ പരിതപിച്ചിട്ടുണ്ട് എന്നതാണ്.

സമൂഹത്തിനാവശ്യമില്ലെങ്കില്‍ ഒരു പ്രസ്ഥാനവും നിലനില്‍ക്കില്ല. സമൂഹത്തിന് അനാവശ്യമെന്ന് തോന്നുന്ന സംഘടനകളെയും പാര്‍ട്ടികളെയും കാലം വേഗത്തിലോ പതുക്കെയോ തിരശ്ശീലക്ക് പിന്നിലേക്ക് മാറ്റി മായ്ച്ചുകളയും. പൊതു സമൂഹത്തിന്റെ സാധൂകരണം ലഭിക്കാത്ത ചില സംഘടനകള്‍ "ചത്തതിനൊക്കുമേ ജീവിച്ചിരിക്കിലും' എന്ന മട്ടില്‍ ജീവച്ഛവങ്ങളായി കാലത്തിന് മുന്‍പില്‍ കൊഞ്ഞനംകുത്തി അല്‍പ്പകാലം നില്‍ക്കും. അത്തരമൊരു സംഘടനയാണ് ഇന്ത്യന്‍ ജമാഅത്തെ ഇസ്ലാമി.

ലീഗിനെ തകര്‍ക്കാമെന്ന വ്യാമോഹവുമായി വന്നവര്‍ക്കൊക്കെ അതത് കാലത്തെ താല്‍ക്കാലിക രാഷ്ട്രീയ താല്‍പര്യങ്ങളോ സംഘടനാപരമോ വ്യക്തിപരമോ ആയ വൈരനിര്യാതന ബുദ്ധിയോ ആണ് ഉണ്ടായിരുന്നത്. ചിലര്‍ ലീഗ് നേതാക്കളെ തേജോവധം നടത്തുന്നതില്‍ ഹരം കണ്ടെത്തി. മറ്റു ചിലര്‍ മുസ്ലിംലീഗിനെ ക്രമേണ ഇല്ലാതാക്കി തങ്ങളുടെ സംഘടനയുടെ സംസ്ഥാപനം കേരളത്തില്‍ നടത്താമെന്ന് സ്വപ്നം കണ്ടു. മുസ്ലിംലീഗ് ഇത്തരം ദുര്‍ബല ആക്രമണങ്ങള്‍ക്ക് വിധേയമായപ്പോഴെല്ലാം ജമാഅത്തെ ഇസ്ലാമി കലക്കുവെള്ളത്തില്‍ മീന്‍ പിടിക്കാനുള്ള ത്വരയാണ് പ്രകടിപ്പിച്ചത്. അതറിയണമെങ്കില്‍ ജമാഅത്തെ ഇസ്ലാമിയുടെ ഔദ്യോഗികവും അനൗദ്യോഗികവുമായ പ്രസിദ്ധീകരണങ്ങളില്‍ വരുന്ന ലേഖനങ്ങളും നിരീക്ഷണങ്ങളും മാത്രം ശ്രദ്ധിച്ചാല്‍ മതി. പാര്‍ട്ടി മൊത്തമാണ് അതിന്റെയൊക്കെ പിന്നില്‍ എന്നുള്ളതിന്റെ നിദര്‍ശനങ്ങളാണ് അവരുടെ ജിഹ്വകളില്‍ പ്രത്യക്ഷപ്പെടുന്ന ലേഖനങ്ങള്‍.

ലീഗിന്റെ വര്‍ത്തമാന സാഹചര്യങ്ങളെ എതിര്‍ക്കാനെന്ന വ്യാജേന എഴുതുന്ന ലേഖനങ്ങളില്‍ ഖാഇദെമില്ലത്ത് മുതല്‍ സി.എച്ചും ശിഹാബ് തങ്ങളും വരെയുള്ളവരെ എണ്ണിയെണ്ണി വിമര്‍ശിക്കുന്നതിന്റെ സാംഗത്യം, ലക്ഷ്യം വര്‍ത്തമാനകാല നേതാക്കളല്ലെന്നും മുസ്ലിംലീഗ് തന്നെയാണെന്നുമാണ് വ്യക്തമാക്കുന്നത്. ജമാഅത്തെ ഇസ്ലാമിയിലെ ഒരു യുവവിദ്വാന്‍ ഈയിടെ "മാധ്യമം' ദിനപത്രത്തില്‍ പാണക്കാട് തങ്ങള്‍മാരെ ഓര്‍ത്ത് മുതലക്കണ്ണീരൊഴുക്കിയത് കണ്ടപ്പോള്‍ സഹതാപമാണ് തോന്നിയത്. കോഴിക്കോട്ടെ ഹിറാ സെന്ററില്‍ ഇരിക്കുന്ന ഈ "മാധ്യമ വിദൂഷക'ന്റെ അഭിപ്രായത്തില്‍ സി.എച്ച്. ആണ് സയ്യിദ് ഉമര്‍ ബാഫഖി തങ്ങളെ ജയിലിലടച്ചത്! പക്ഷേ, ഈ ജമാഅത്ത് പ്രത്യയശാസ്ത്ര വിദൂഷകന്‍ ബോധപൂര്‍വ്വം തമസ്കരിച്ച ഒരു വസ്തുതയുണ്ട്. സി.എച്ച്. ജയിലിലടച്ചു എന്ന് ഈ സൃഗാലവൃന്ദം ആരോപിക്കുന്ന സയ്യിദ് ഉമര്‍ ബാഫഖി തങ്ങളുടെ അന്ത്യയാത്ര ലീഗിന്റെ പച്ചപ്പതാകയും പുതച്ചായിരുന്നു എന്ന പരമാര്‍ത്ഥമാണത്.

പാണക്കാട്ടെ തങ്ങള്‍മാരെ ഇകഴ്ത്താനും തങ്ങള്‍ പാരമ്പര്യത്തെ ഇടിച്ചുതാഴ്ത്താനും ഈ സൃഗാലക്കൂട്ടം എക്കാലത്തും ശ്രമിച്ചിട്ടുണ്ട്. "തങള്‍ വികാരം' മുതലെടുക്കുന്ന പാര്‍ട്ടിയാണ് ലീഗ് എന്നും വെറും "മന്ത്രം' നടത്തുന്നവര്‍ മാത്രമാണ് തങ്ങള്‍മാരെന്നും അവര്‍ വ്യംഗമായും മുനവെച്ചും അഭംഗുരം എഴുതുന്നു. ഇക്കൂട്ടര്‍ മനസില്‍ പതിപ്പിച്ചിരിക്കേണ്ട ഒരു ചരിത്ര സംഭവത്തിലേക്ക്, ശ്രദ്ധ ക്ഷണിക്കട്ടെ. ഹൈദരാബാദ് ആക്ഷന്‍ കാലത്ത് പൊലീസുകാര്‍ പൂക്കോയതങ്ങളെ അറസ്റ്റ് ചെയ്യാന്‍ പാണക്കാട്ടേക്ക് ഇരച്ചുകയറിയത് അവിടെ മന്ത്രം നടക്കുന്നു എന്നതുകൊണ്ടല്ല, രാഷ്ട്രീയ തന്ത്രങ്ങള്‍ മെനയുന്ന ഇടമാണ് എന്നതുകൊണ്ടാണ്. ബാബ്രി മസ്ജിദ് ധ്വംസനകാലത്തെ അതി വൈകാരികതയില്‍ അഗ്നികുണ്ഠമാകുമായിരുന്ന കേരളത്തില്‍ സമന്വയത്തിന്റെയും സമാധാനത്തിന്റെയും മൃദു രാഷ്ട്രീയമന്ത്രം "ജപിച്ചു"കൊണ്ടാണ് മുസ്ലിം ചെറുപ്പക്കാരെ പാണക്കാട് ശിഹാബ് തങ്ങള്‍ അടക്കി നിര്‍ത്തിയത്. ബാഫഖി തങ്ങളുടെ തലയില്‍ അയ്യാറെട്ട് മുളപ്പിക്കും എന്നായിരുന്നു പണ്ട് സി.പി.എമ്മുകാര്‍ മുദ്രാവാക്യം വിളിച്ചിരുന്നത്. പക്ഷേ, ആ തങ്ങളുടെ തലയിലാണ് ലോകത്ത് സമാനതകളില്ലാത്ത മുന്നണി രാഷ്ട്രീയമെന്ന ആശയവും എക്കാലത്തേക്കും മാതൃകയായ മദ്രസാ പ്രസ്ഥാനവും രൂപംകൊണ്ടത്.

കേരളത്തിലെ മുസ്ലിം സമൂഹം ഏതൊക്കെ സന്ദര്‍ഭങ്ങളില്‍ വിവേകം വെടിഞ്ഞ് അതി വൈകാരികതയുടെയും വര്‍ഗീയ മനോഭാവത്തിന്റെയും പാതയിലേക്ക് നീങ്ങിയോ അപ്പോഴെല്ലാം അതിനെ നിയന്ത്രിക്കുകയും നിര്‍മ്മാണാത്മകമായ ദിശകളിലേക്ക് തിരിച്ചുവിടുകയും ചെയ്തത് പാണക്കാട് തങ്ങന്‍മാരായിരുന്നു. അതേ സമയം, പി.ഡി.പി., ജമാഅത്തെ ഇസ്ലാമി, എന്‍.ഡി.എഫ്. പോലുള്ള സംഘടനകള്‍ ഈ അതിവൈകാരികതയെ തീവ്ര വര്‍ഗീയതയുടെ തീച്ചാലുകളിലേക്ക് നയിക്കാനാണ് അഹോരാത്രം ശ്രമിച്ചുപോന്നത്.

മൗലാനാ മൗദൂദി എന്ന മതരാഷ്ട്രവാദ ചിന്തകന്റെ കുതന്ത്രങ്ങള്‍ വെള്ളം ചേര്‍ക്കാതെ അകത്താക്കിയ ജമാഅത്തെ ഇസ്ലാമിക്കാര്‍ക്ക് മുസ്ലിംലീഗിന്റെ പരമോന്നത നേതാക്കളുടെ തന്ത്രങ്ങളും മന്ത്രങ്ങളും ദഹിച്ചെന്ന് വരില്ല. കാരണം, മുസ്ലിംലീഗ് ഇവിടെ ശക്തമായി നിലനില്‍ക്കുന്നിടത്തോളം കാലം കേരള രാഷ്ട്രീയത്തിന്റെ പശുത്തൊഴുത്തിലാണ് ജമാഅത്തെ ഇസ്ലാമിയുടെ സ്ഥാനം. അത് പഞ്ചായത്ത് തെരഞ്ഞെടുപ്പില്‍ വലിയ വാദ്യഘോഷങ്ങളോടെ ഇറങ്ങിത്തിരിച്ച് ഒടുവില്‍ സംപൂജ്യരായി അവര്‍തന്നെ തെളിയിച്ചതുമാണ്. മുസ്ലിംലീഗ് ദുര്‍ബലമായാല്‍ മാത്രമേ കേരള രാഷ്ട്രീയത്തിന്റെ അടുക്കളമുറ്റത്തുപോലും ജമാഅത്തെ ഇസ്ലാമിക്ക് കാലെടുത്തുവെക്കാന്‍ കഴിയൂ. അതിനാണ് ബഹുമാന്യരായ തങ്ങള്‍മാരെ ഇവര്‍ തരംകിട്ടുമ്പോഴൊക്കെ ഇടിച്ചുതാഴ്ത്താന്‍ ശ്രമിക്കുന്നത്.

ഈ സൃഗാലക്കൂട്ടം ഇപ്പോള്‍ ഗൂഢമായ ആഹ്ലാദത്തോടെ പിറുപിറുക്കുന്നത് മുസ്ലിംലീഗിന് അകത്തുനിന്ന് ചിലരൊക്കെ പുറത്തുപോകും എന്നാണ്. കെ.ടി. ജലീലിനെയും പി.ടി.എ. റഹീമിനെയും പോലുള്ള അവസരവാദികള്‍ ഇനി മുസ്ലിംലീഗില്‍ ഇല്ലെന്ന് ജമാഅത്തെ ഇസ്ലാമിയും സി.പി.എമ്മും തിരിച്ചറിയുന്നത് നന്ന്. പൗരബോധവും സമുദായ സ്നേഹവുമുള്ള ചെറുപ്പക്കാര്‍ക്ക് ചെയ്യാനുള്ളതെല്ലാം മുസ്ലിംലീഗിന് അകത്തുനിന്നുകൊണ്ടാണ്; പുറത്തുനിന്നുകൊണ്ടല്ല.

റസൂല്‍ (സ) എ പിക്ക് മുടികൊടുക്കാന്‍ സ്വപ്നത്തില്‍ പറഞ്ഞു എന്ന കള്ളക്കഥ

2011-02-14T20:35:00.001+05:30

കാന്തപുരം ഉസ്താതിന്റെ കൈയിലേക്ക് തിരുമുടി വന്ന വഴി അറിയാന്‍ ലഖുലേഖയുടെ ഭാഗം വായിക്കുക
വളപട്ടണം ക്രസന്റ് ഇങ്ലീഷ് സ്കൂള്‍ അങ്കണത്തില്‍ നടന്ന പരിപാടിയിലേക്ക് ക്ഷണിച്ചു കൊണ്ട് പുറത്തിറക്കിയ കത്തിന്റെ പ്രസക്ത ഭാഗമാണ് മുകളില്‍...........

അടി വരയിട്ട ഭാഗത്ത്‌ പച്ചക്കള്ളം എഴുതി വിട്ടിരിക്കുന്ന ഭാഗം വായിക്കൂ ... കോഴിക്കോട് നാല്പതു കോടി മുടക്കി പണിയുന്ന പള്ളിയുടെ പ്രധാന ആകര്‍ഷണം ഈ കള്ള മുടിയുടെ പ്രദര്‍ശനവും അന്ധ വിശ്വാസ പ്രചാരണവും മാത്രം ... അല്പമെങ്കിലും ഈമാന്‍ ഉള്ള മുസ്ലിംകള്‍ ഉണ്ടെങ്കില്‍ ഇതിനെതിരില്‍ പ്രതികരിക്കൂ ...

പ്രാമാണികമായി അന്ധ വിശ്വാസവും അനാചാരവുമായ കാര്യങ്ങള്‍ ഇത് വരെ പടച്ചു വിട്ടത് പോരാഞ്ഞു ഇനിയും സമുദായത്തിന്റെ ചോര ഊറ്റിക്കുടിക്കുന്ന ഇവര്‍ക്കെതിരില്‍ ഇനിയും പ്രതികരിക്കാതിരുന്നാല്‍ നാളെകളില്‍ പൊതു സമൂഹം കാണുന്നത് എന്ത് ഇസ്ലാം ആയിരിക്കും എന്ന് ആലോചിച്ചു നോക്കൂ .. സമൂഹമേ ചിന്തിക്കുക!!!!!!!!!!!!!...............അല്ലാഹു കാക്കട്ടെ...........

ബ്ലോഗ്‌ പുലികള്‍

2011-01-15T20:24:00.000+05:30

ബ്ലോഗ്‌ എന്ന ആശയ വിനിമയ മാദ്ധ്യമം ആഗോള ശ്രദ്ധ ആകര്‍ഷിച്ചത് ചില പ്രത്യേകതകള്‍ കൊണ്ടാണ് .

ഒന്നാമതായി എഴുതുന്നതും പ്രസിദ്ധീകരിക്കുന്നതും പ്രചരിപ്പിക്കുന്നതും അതാതു ബ്ലോഗിന്റെ ഉടമസ്ഥരാണ് എന്നതാണ് . മറ്റൊന്ന് അതില്‍ എഴുതുന്നതിന്റെ മുഴുവന്‍ ഉത്തരവാദിത്വവും ഉടമസ്ഥന്‍ ഏറ്റെടുക്കേണ്ടതുണ്ട് .

പലപ്പോഴും ദുരുപയോഗം ചെയ്യപ്പെടുന്നതും ഈ 'ഒറ്റയാള്‍ നിയന്ത്രണം' ആണ് . ഒരു ബ്ലോഗിന്റെ ഉള്ളടക്കം ഒരു എഡിറ്റര്‍ വഴി ഒരിക്കലും എഡിറ്റ്‌ ചെയ്യപ്പെടുന്നില്ല .ആരെ പറ്റിയും തനിക്കു തോന്നുന്നത് എന്തും എഴുതുവാന്‍ ഈ അമിതാധികാരം സമര്‍ത്ഥമായി ഉപയോഗപ്പെടുത്തുന്നവര്‍ ഏറെയാണ്‌ . അത് തിരിച്ചറിയുവാന്‍ ചിലപ്പോള്‍ വായനക്കാര്‍ക്ക് കഴിയാതെ പോയേക്കാം . എന്നാല്‍ ഈ ഒറ്റയാള്‍ നിയന്ത്രണം നല്‍കുന്ന സൌകര്യങ്ങള്‍ ബുദ്ധിപൂര്‍വ്വം ഉപയോഗിച്ച് തങ്ങളുടേതായ നിലയില്‍ ബ്ലോഗ്‌ ലോകത്ത് സ്ഥാനം ഉണ്ടാക്കിയെടുതവരാണ് 'ബ്ലോഗ്‌ പുലികള്‍' എന്ന് വിളിക്കപ്പെടാരുള്ളവരില്‍ അധിക പേരും .

ഒരാള്‍ 'ബ്ലോഗ്‌ പുലി' ആണ് എന്ന് പറയപ്പെട്ടാല്‍ നമുക്ക് എളുപ്പത്തില്‍ മനസ്സിലാക്കാവുന്ന ഒന്നാണ് അയാള്‍ എഴുതുന്നത്‌ വായിക്കുവാന്‍ ധാരാളം വായനക്കാരുണ്ട് എന്നും അയാള്‍ എഴുതിയതിനെ കുറിച്ച് വായനക്കാര്‍ ധാരാളമായി പ്രതികരിക്കാറുണ്ട് എന്നും .
താന്‍ എഴുതുന്നത്‌ മറ്റുള്ളവര്‍ വായിക്കണമെന്നും , ധാരാളമായി കമന്റ്‌ ചെയ്യണമെന്നും നമ്മുടെ ബ്ലോഗില്‍ പുതിയ പോസ്റ്റ്‌ വരുന്നതും കാത്തു നൂറു കണക്കിന് ഫോലോവേര്സ് കാത്തിരിക്കണമെന്നും ആഗ്രഹമില്ലാത്ത ബ്ലോഗേഴ്സ് ഇല്ല എന്ന് തന്നെയാണ് അനുഭവം .

ഒരു 'ബ്ലോഗ്‌ പുലി' കമന്റ്‌ ഇടാന്‍ വേണ്ടിയാണോ നമ്മള്‍ എഴുതേണ്ടത് ? ബ്ലോഗിങ് ഗൌരവമായി കാണുന്നവര്‍ക്ക് തീര്‍ച്ചയായും അല്ല എന്ന് പറയേണ്ടി വരും .'ബ്ലോഗ്‌ പുലികള്‍' എന്ന് പലപ്പോഴും വിശേഷിപ്പിക്കപ്പെടുന്നവര്‍ എഴുതുന്ന കാര്യങ്ങളില്‍ കമന്റ്‌ ചെയ്യുന്നവര്‍ അതാതു വിഷയങ്ങളില്‍ താല്പര്യമുള്ളവരും അത് ചര്‍ച്ചാ പ്രാധാന്യം ഉള്ളതാണ് എന്ന് വിശ്വസിക്കുന്നവരും ആണ് . നമ്മളും അത്തരത്തില്‍ ചര്‍ച്ചാ പ്രാധാന്യമുള്ള വിഷയങ്ങള്‍ എഴുതുമ്പോള്‍ കമന്റ്‌ കുറയുന്നത് ബ്ലോഗിന് വേണ്ടത്ര പ്രചാരം കൊടുക്കുന്നതില്‍ പരാജയപ്പെടുന്നത് കൊണ്ടാണ് . ഒപ്പം നമുക്ക് പരാമര്‍ശിക്കപ്പെടുന്ന വിഷയങ്ങളില്‍ വേണ്ടത്ര വിവരമില്ലെന്ന് വായനക്കാര്‍ക്ക് തോന്നുതു കൊണ്ടും ആവാം . നമ്മുടെ സ്ഥിരം ചങ്ങാതിമാര്‍ കമന്റ്‌ ചെയ്യുന്നതില്‍ ത്രുപ്തിപ്പെടുന്നതിനു പകരം മറ്റുള്ളവരുടെ ബ്ലോഗുകള്‍ വായിച്ചു അവിടെ അഭിപ്രായങ്ങളും ചര്‍ച്ചകളും നടത്തുന്നതാണ് ഒരു പക്ഷെ നമ്മുടെ ബ്ലോഗിന് വായനക്കാരെ കൂട്ടുവാന്‍ കൂടുതല്‍ സഹായിക്കുക .

നമ്മുടെ ബ്ലോഗില്‍ ഒരു 'ബ്ലോഗ്‌ പുലി' വന്നു കമന്റ്‌ ചെയ്യുന്നത് പറഞ്ഞറിയിക്കാനാവാത്ത സന്തോഷമുണ്ടാകുന്ന കാര്യമാണ് പലര്‍ക്കും ...അതോടെ താന്‍ മറ്റൊരു 'പുലി 'ആയി എന്ന തോന്നലൊന്നും ഇല്ലെങ്കിലും അതൊരു മഹാ സംഭവമാണെന്ന തോന്നലാണ് പലര്‍ക്കും . ഒരു 'പുലി' വന്നു കമന്റ്‌ ചെയ്തില്ലെങ്കില്‍ ഉണ്ടാകുന്ന നീരസവും ചെറുതല്ല ..പിന്നെ ചിലപ്പോള്‍ പലര്‍ക്കും അയാള്‍ക്കില്ലാത്ത കുറ്റവും കാണില്ല .

ബ്ലോഗ്‌ രംഗത്ത്‌ നിലവാരമില്ല എന്ന പരാതി വ്യാപകമാവാനേ ഇത്തരം വിരോധങ്ങള്‍ സഹായിക്കൂ ..

നമ്മള്‍ കമന്റിനു വേണ്ടിയാണ് എഴുതുന്നത്‌ .അത് പക്ഷെ വിഷയത്തോടുള്ള പ്രതികരണമാവണം

നമ്മുടെ ബ്ലോഗിന്റെ പ്രചാരണത്തിന് ഈ 'പുലികള്‍' ഒരു തരത്തിലും തടസ്സമല്ല . നമുക്ക് അവരോടുള്ള നീരസമാണ് പലപ്പോഴും ഈ 'പുലികളെ' പുശ്ചിക്കുവാന്‍ പ്രേരിപ്പിക്കുന്നത് . വെറുതെ ആളുകളെ രസിപ്പിക്കുവാന്‍ എന്തും (അതല്ലെങ്കില്‍ പ്രത്യേക താല്പര്യമുള്ള വിഷയങ്ങള്‍ )എഴുതി വിടുന്നവര്‍ക്ക് ബ്ലോഗ്‌ ലോകത്ത് പിടിച്ചു നില്‍ക്കുവാന്‍ ബുദ്ധിമുട്ടാണ് ... അപ്പോള്‍ ഉണ്ടാകുന്ന അപകര്‍ഷതാ ബോധമായിരിക്കാം ഒരു പക്ഷെ 'പുലികളെ' വിമര്‍ശിച്ചു കയ്യടി നേടുവാന്‍ ശ്രമിക്കുന്നതിലൂടെ പ്രകടമാകുന്നത് . തങ്ങള്‍ കൈകാര്യം ചെയ്യുന്ന വിഷയങ്ങള്‍ പഠിച്ചു തങ്ങളുടേതായ ശൈലിയില്‍ അവതരിപ്പിച്ചു വേണ്ടത്ര പ്രചാരണം നടത്തി വായനക്കാരുമായി സംവദിക്കുന്ന ബ്ലോഗ്ഗേര്‍സിനെ 'പുലികള്‍ 'എന്ന് അക്ഷേപത്തോടെ വിളിച്ചു കൊച്ചാക്കുവാന്‍ ശ്രമിക്കുന്ന പ്രവണതക്ക് കയ്യടി കിട്ടുന്ന പ്രവണത സമീപകാലത്ത് 'ശ്രദ്ധേയമാം' വിധം വര്‍ദ്ധിച്ചു വരുന്നു ...അത് കണ്ടില്ലെന്നു നടിക്കുവാന്‍ കഴിയില്ല എന്നത് കൊണ്ടാണ് ഇത്രയും എഴുതിയത്.. മറ്റൊരാളുടെ കഴിവുകളും ചിന്തകളുമല്ല നമ്മുടേത്‌ . ആരും 'പുലിയുമല്ല' 'എലിയുമല്ല' . അത്തരം വിളികള്‍ ഇന്‍ഫീരിയോരിടി COMPLEX ആയി കാണുവാന്‍ നമുക്ക് കഴിയേണ്ടതുണ്ട് .
കഴിവുകളും ശൈലികളും അംഗീകരിക്കുവാനും ബ്ലോഗ്‌ ലോകത്ത് നമ്മുടെതായ വ്യക്തിത്വം കാത്തു സൂക്ഷിക്കുവാനുമാണ് നമ്മള്‍ ശ്രമിക്കേണ്ടത് .

'ലവ് ജിഹാദ്'‌ അവസാനിച്ചുവോ ?

2010-12-20T10:23:00.000+05:30

'ലവ് ജിഹാദ്‌' എന്ന പേരിട്ടു കൊണ്ട് ഒരു സമുദായത്തെ വേട്ടയാടാന്‍ നോക്കിയവര്‍ ഇപ്പോള്‍ എവിടെ ?

(ചന്ദ്രിക ദിനപത്രം, ഡിസംബര്‍ 17 വെള്ളി )

പഴയ മൊബൈല്‍ ഫോണ്‍,കമ്പ്യൂട്ടര്‍,ക്യാമറ തുടങ്ങിയ സാധനങ്ങള്‍ വില്‍ക്കുമ്പോള്‍

2010-12-17T15:26:00.001+05:30

നിങ്ങളുടെ പഴയ മൊബൈല്‍ ഫോണ്‍,കമ്പ്യൂട്ടര്‍,ക്യാമറ തുടങ്ങിയ സാധനങ്ങള്‍ വില്‍ക്കുമ്പോള്‍ ശ്രദ്ധിക്കുക....

പഴയ MEMORY CARD ഇലെയോ കമ്പ്യൂട്ടര്‍ ഇലെയോ DATAS എത്ര തന്നെ DELETE ചെയ്താലും RECOVER ചെയ്ത് കൊണ്ട് വരാന്‍ ഇഷ്ടം പോലെ സോഫ്റ്റ്‌വെയര്‍ ഉകള്‍ ഉള്ളത് അറിയാമല്ലോ....അറിഞ്ഞാല്‍ മാത്രം പോര...ശ്രദ്ധിക്കുക....കേരളത്തില്‍ ഇന്ന് മൊബൈല്‍ ഫോണിലൂടെ പാഞ്ഞു നടക്കുന്ന കൂടുതല്‍ ക്ലിപ്പുകളുടെയും പിന്നില്‍ ഈ ഒരു സംഭവം ആണ്...തമാശക്ക് വേണ്ടി ഭാര്യയുടെയോ കാമുകിയുടെയോ ഫോട്ടോകള്‍ / വീഡിയോകള്‍ എടുക്കുകയും അപ്പോള്‍ തന്നെ ഡിലീറ്റ് ചെയ്യുന്നവരും മാത്രമല്ല അശ്ലീലം ഒട്ടുമില്ലാത്ത ഫോട്ടോകള്‍ എടുക്കുന്നവരും ശ്രദ്ധിക്കുക ...നമ്മുടെ സുന്ദരമായ കേരളത്തില്‍ ഇതൊക്കെ വെച്ച് കളിക്കുന്ന ഞരമ്പ്‌ രോഗികളുടെ എണ്ണം വളരെ വളരെ കൂടുതലാണെന്നാണ് പുതിയ നിരീക്ഷണങ്ങള്‍....മൊബൈല്‍ ഫോണ്‍ കടകള്‍ കേന്ദ്രീകരിച്ചാണ് ഇത്തരം പ്രവര്‍ത്തനങ്ങള്‍ കൂടുതലും....

നമുക്ക് ചെയ്യാവുന്ന കുറച്ചു കാര്യങ്ങള്‍....

1. ഒരിക്കലും ഫോണ്‍,കമ്പ്യൂട്ടര്‍ വില്‍ക്കുമ്പോള്‍ /സര്‍വീസ് ചെയ്യുമ്പോള്‍ memory card /hard disk കൊടുക്കരുത്...അതിനെ നശിപ്പിച്ചു കളയുക....കാരണം ഇപ്പോള്‍ പുതിയ കാര്‍ഡുകള്‍ക്ക് മത്തി യെക്കാള്‍ വില കുറവാണ്..service ചെയ്യാന്‍ authorised sevice centre ഇല്‍ കൊടുക്കുക...

2. ഒരു കാര്യം ശ്രദ്ധിക്കുക...റൂമുകളില്‍ വെച്ച് നമ്മുടെ കുട്ടികള്‍ കമ്പ്യൂട്ടര്‍ പഠിക്കണ്ട....എത്രയും പെട്ടെന്ന് നല്ല ഒന്നാന്തരം നുണകള്‍ പറഞ്ഞ് അതിനെ CENTRAL HALL ഇല്‍,എല്ലാവരും കാണുന്നിടത്ത് വെക്കുക...വീട്ടില്‍ INTERNET ഉണ്ടെങ്കില്‍ BROWSERIL RECENT HISTORY നോക്കുക...അവന്‍/അവള്‍ എവിടെയൊക്കെ അലഞ്ഞു നടന്നു എന്ന് കാണാം...അലച്ചില്‍ കൂടുതലാണെങ്കില്‍ ഒന്ന് ഉപദേശിക്കുക...എന്ന് വെച്ച് അവരെ വെറുപ്പിക്കരുത്...

3 .AMUSEMENT PARK ഉകളില്‍ സ്ത്രീകള്‍ വെള്ളത്തില്‍ ഇറങ്ങുന്നത് നല്ലതല്ല...ഇന്‍റര്‍നെറ്റില്‍ കൂടുതലും ഇങ്ങനെയുള്ള ഫോട്ടോസ് ആണ്...ഇതൊക്കെ അവരെ പറഞ്ഞ് മനസ്സിലാക്കികൊടുക്കുക..PARK ഇല്‍ കുട്ടികള്‍ കളിച്ചോട്ടെ...ഭര്‍ത്താവിന്റെ കൂടെയും പെണ്ണുങ്ങള്‍ ഇറങ്ങണ്ട...നല്ലതല്ല....HIDDEN CAMERA കള്‍ അവിടെ കൂടുതലുണ്ട്.....

4 . TEXTILE ഷോപ്പ് ഇന്റെ DRESSING റൂം,HOTEL ഇലെ TOILETS എന്നിവയിലൂടെ ഒന്ന് കണ്ണോടിക്കുക...HIDDEN CAMERA കളെ ഒന്ന് ചെക്ക്‌ ചെയ്യുന്നത് നല്ലതാണ്...

5. പൊതു സ്ഥലങ്ങളില്‍ സ്ത്രീകള്‍ കുട്ടിക്ക് മുല കൊടുക്കുമ്പോള്‍ പ്രത്യേകം ശ്രദ്ധിക്കുക...എല്ലാം ഒന്ന് മറഞ്ഞിരുന്നോട്ടെ...

ഇതൊക്കെ നിങ്ങളെ പേടിപ്പിക്കാന്‍ പറഞ്ഞതല്ല...

ഒന്ന് ശ്രദ്ധിക്കുക....

കേരളത്തില്‍ സ്ത്രീകള്‍ക്ക് പുറത്തിറങ്ങി നടക്കാന്‍ വയ്യാത്ത ഒരു കാലം വിദൂരമല്ല...കഴിയുന്നതും സ്ത്രീകള്‍ ശരീരം മുഴുവന്‍ മറയുന്ന പര്‍ദ്ദ പോലുള്ള വസ്ത്രങ്ങള്‍ ധരിക്കുക...പിന്നെ ഒരു കാര്യം,ശരീര വടിവുകള്‍ കാണിക്കുന്ന പര്‍ദ്ദ കള്‍ ഇടുന്നതിലും നല്ലത് ഒന്നും ഇടാതെ നടക്കുന്നതാണ്!!

ഇനി വല്ല ഞരമ്പ്‌ രോഗികളും mobile ഇലൂടെയോ മറ്റോ നിങ്ങളുടെ കുടുംബത്തെ ശല്യം ചെയ്യുന്നുണ്ടെങ്കില്‍

HOW TO CONTACT CYBER CRIME POLICE STATION

Station House Officer

Cyber Crime Police Station

SCRB, Pattom,

Thiruvananthapuram - 695004

Tel : 0471 2449090 , 0471 2556179

email : cyberps@keralapolice.gov.in

also

For advice or assistance regarding cyber crimes you may contact:

Shri. N.Vinaya Kumaran Nair

AC Hitech Cell,

Police Head Quarters,

Thiruvananthapuram.

Mob: 9497990330

E mail: achitechcell@keralapolice.gov.in

HiTech Cell

Police Head Quarters,

Thiruvananthapuram.

hitechcell@keralapolice.gov.in

Tel: 0471 - 2722768, 0471 - 2721547 extension 1274

(forwarded message from one of my friend)

ആത്മഹത്യാ മുനമ്പിലേക്ക് ക്ഷണിക്കുന്നവര്‍

2010-12-15T14:48:00.000+05:30

ചന്ദ്രിക ദിന പത്രം (15.12.2010)

ആരാണീ ബഷീര്‍ വള്ളിക്കുന്ന് ...

2010-12-06T21:27:00.002+05:30

ബാന്ഗ്ലൂര്‍ സ്ഫോടന കേസുമായി ബന്ധപ്പെട്ടു ജയിലില്‍ കഴിയുന്ന പി ഡി പി ചെയര്‍മാന്‍ അബ്ദുന്നാസര്‍ മഅദനി കുടകില്‍ വെച്ച് സ്ഫോടനം ആസൂത്രണം ചെയ്തു എന്നതിന് തെളിവായി കര്‍ണ്ണാടക പോലീസ് തെളിവിനു ഹാജരാക്കിയ സാക്ഷികളെ ഇന്റര്‍വ്യൂ ചെയ്തു സാക്ഷി മൊഴികളെ സംബന്ധിച്ച് വിവാദ വെളിപ്പെടുത്തലുകള്‍ നടത്തിയ തെഹല്‍ക റിപ്പോര്‍ട്ടര്‍ ഷാഹിന രാജീവിനെ കള്ളക്കേസില്‍ കുടുക്കി കര്‍ണാടകാ പോലീസ് പ്രതിയാക്കിയ വാര്‍ത്ത വന്നിട്ട് ഒരാഴ്ച പിന്നിട്ടു. എങ്കിലും നമ്മുടെ മുഖ്യ ധാരാ മാദ്ധ്യമങ്ങള്‍ അജ്ഞാതമായ ചില കാരണങ്ങളാല്‍ അത് വാര്തയാക്കിയില്ല .എന്നാല്‍ ഇപ്പോള്‍ വാര്‍ത്തകള്‍ സജീവമാണ് ,പ്രതികരണങ്ങളും

എന്നാല്‍ ഈ വാര്‍ത്ത ബ്ലോഗ്‌ വഴി പുറത്തു വിടുകയും സജീവ ചര്ച്ചയാക്കുകയും ചെയ്തത് ബഷീര്‍ വള്ളിക്കുന്ന് ആണ്
ബ്ലോഗ്‌ ലോകത്തു തന്റെതായ ഒരു ശൈലിയും നിരവധി വായനക്കാരുടെ സജീവ പിന്തുണയുമുള്ള ബഷീര്‍ വള്ളിക്കുന്ന് പണ്ടും ജാഗ്രതയുള്ള ഒരു activist ആണ് എന്നതിന് സാക്ഷിയായി അദ്ധേഹത്തിന്റെ പതിനെട്ടു വര്ഷം പഴക്കമുള്ള ഒരു ലേഖനം ഇവിടെ കൊടുക്കുന്നു ...

ഓര്‍ക്കുക സാങ്കേതിക വിസ്ഫോടനം തന്നെ നടക്കുന്ന ഇന്നത്തെ കാലഘട്ടത്തില്‍ പതിനെട്ടു വര്ഷം വലിയൊരു കാലയളവ് തന്നെയാണ് .

ബഷീര്‍ വള്ളിക്കുന്നിന്റെ ശക്തമായ തൂലിക പ്രതിഫലിക്കുന്ന ആ ലേഖനത്തിലേക്ക് ക്ഷണിക്കുന്നു ....

wikileaks : ബാക്കി പത്രം

2010-11-30T10:48:00.002+05:30

വാര്‍ത്തകള്‍ അറിയുവാനുള്ള പൊതു സമൂഹത്തിന്റെ ആകാംക്ഷയില്‍ പടുത്തുയര്തപ്പെട്ട മാധ്യമ ലോകം ഇപ്പോള്‍ wikileaks എന്ന വെബ്സൈറ്റ് വഴി പുറത്തു വന്ന രഹസ്യ (?) രേഖകള്‍ക്ക് പിന്നാലെയാണ് . തങ്ങള്‍ക്കു ലഭിക്കാത്തത് മറ്റൊരാള്‍ക്ക് ലഭിച്ചു എന്ന കൊതിക്കെറുവല്ല കാരണം , മറിച്ചു wikileaks പുറത്തു വിട്ട രേഖകളുടെ സ്ഫോടനാത്മക സ്വഭാവം തന്നെ കാരണം .

രഹസ്യരേഖകള്‍ വെളിച്ചത്തുകൊണ്ടുവരാന്‍ നാലു വര്‍ഷം മുമ്പു സ്‌ഥാപിതമായതാണ്‌ wikileaks എന്ന സംഘടന. ഇറാഖ്‌, അഫ്‌ഗാന്‍ യുദ്ധങ്ങള്‍ സംബന്ധിച്ച അമേരിക്കയുടെ രഹസ്യ സൈനികരേഖകള്‍ വെബ്‌സൈറ്റിലൂടെ പുറത്തുവിട്ടതോടെ അവര്‍ രാജ്യാന്തരശ്രദ്ധ നേടി. ഇതുവരെ പത്തുലക്ഷത്തിലേറെ രേഖകള്‍ പുറത്തുവിട്ട വിക്കിലീക്‌സ് ചെറിയ കാലയളവില്‍ സ്വന്തമാക്കിയ പുരസ്‌കാരങ്ങള്‍ എണ്ണമറ്റതാണ്‌. നേരത്തേതന്നെ അമേരിക്കയ്‌ക്കു തലവേദനയായ വിക്കിലീക്‌സ് ഇത്തവണ പരസ്യമാക്കിയ നയതന്ത്ര വെളിപ്പെടുത്തലുകള്‍ ലോകരാജ്യങ്ങള്‍ക്കിടയില്‍ അമേരിക്കയുടെ മുഖം നഷ്‌ടമാക്കിയിരിക്കുന്നു. അമേരിക്കയുടെ വിദേശബന്ധങ്ങള്‍ ഉലച്ചേക്കാവുന്ന രേഖകള്‍ പുറത്തുവിടുമെന്ന പ്രഖ്യാപനത്തിനു പിന്നാലെ വിക്കിലീക്‌സിന്റെ വെബ്‌സൈറ്റ്‌ ഹാക്ക്‌ ചെയ്യപ്പെട്ടു. വിവിധ മാധ്യമങ്ങളുടെ വെബ്‌സൈറ്റുകളിലൂടെയാണ്‌ ഇപ്പോള്‍ രണ്ടര ലക്ഷത്തോളം രേഖകള്‍ അവര്‍ പരസ്യമാക്കിയത്‌.

സത്യസന്ധമായി വാര്‍ത്തകള്‍ റിപ്പോര്‍ട്ട്‌ ചെയ്യപ്പെടുന്നു എന്ന് നമ്മള്‍ കരുതിയിരുന്ന കാലത്താണ് മാദ്ധ്യമങ്ങളില്‍ 'Exclusive' ലേഖനങ്ങള്‍ പ്രത്യക്ഷപ്പെടുവാന്‍ തുടങ്ങിയത് .Investigative journalism എന്നൊരു വാക്ക് പോലും നമ്മള്‍ വ്യാപകമായി കേട്ട് തുടങ്ങിയത് അക്കാലത്താണ് . അത് വരെ നമ്മള്‍ വിശ്വസിച്ചിരുന്ന പല വാര്‍ത്തകളും അസത്യമായിരുന്നു എന്ന് മനസ്സിലായത്‌ 'Exclusive' കളുടെ വേലിയേറ്റത്തിലൂടെയാണ് . അധികാരി വര്‍ഗ്ഗത്തിന്റെ നെറികേടുകള്‍ പുറം ലോകം പച്ചയായി കാണുന്നതിനു നമ്മള്‍ സാക്ഷികളായി .Exclusive വാര്‍ത്തകള്‍ക്ക് പിന്നില്‍ പലപ്പോഴും മാധ്യമ പ്രവര്‍ത്തകരും ചില അധികാര വര്‍ഗ്ഗ ലോബികളും തമ്മിലുള്ള അവിശുദ്ധ കൂട്ടുകെട്ടുകള്‍ പ്രവര്‍ത്തിച്ചിരുന്നു എന്ന് വ്യക്തമായതോടെയാണ് 'Exclusive' തരംഗം 'Impact'വാര്‍ത്തകള്‍ക്ക് വഴിമാറിക്കൊടുത്തത് .

ഇത്തരം മാറ്റങ്ങള്‍ക്കു പിന്നില്‍ വാര്‍ത്താ മാദ്ധ്യമങ്ങള്‍ തമ്മിലുള്ള കിട മല്‍സരങ്ങള്‍ ഒരു മുഖ്യ ഘടകമായിട്ടുണ്ട് .

തങ്ങളുടെ പത്ര സ്ഥാപനത്തെ പ്രചാര വര്‍ദ്ധനവില്‍ മുന്‍ നിരയില്‍ എത്തിക്കുന്നതിനുള്ള തന്ത്രങ്ങള്‍ മാത്രമാണ് പലപ്പോഴും ഇത്തരം മാറ്റങ്ങള്‍ക്കും വാര്‍ത്തകള്‍ക്കും പിന്നില്‍ പ്രവര്തിചിട്ടുണ്ടാകുക . നീരാ റാഡിയ ,ബര്ഖ ദത്ത്‌ വിവാദങ്ങള്‍ നമ്മെ ബോദ്ധ്യപ്പെടുതുന്നത് അതിനും അപ്പുറമുള്ള കൂട്ട് കെട്ടുകളുടെ സാദ്ധ്യതകളാണ് .

Wikileaks പോലുള്ള പുതിയ മാധ്യമ സംസ്കാരത്തിന്റെ തുടക്കം ഇത്തരം മാദ്ധ്യമ കിടമല്സരങ്ങളും അവിശുദ്ധ കൂട്ട് കെട്ടുകളും വാര്‍ത്തകളുടെ വിശ്വാസ്യതയെ ചോദ്യം ചെയ്യപ്പെടുന്ന ഘട്ടത്തില്‍ നിന്നാണ് .

എന്നാല്‍ ഇതിനൊരു മറുവശം കൂടിയുള്ളത് നമ്മള്‍ കണ്ടേ തീരൂ ...

വ്യവസ്ഥാപിത മാദ്ധ്യമ ലോകം നിയന്ത്രണങ്ങളുടെ പരിധിക്കുള്ളില്‍ നിന്ന് മാത്രം പ്രവര്‍ത്തിക്കുവാന്‍ ബാധ്യസ്ഥരാണ് . Wikileaks പോലുള്ളവയ്ക്ക് അത്തരം നിയന്ത്രണങ്ങള്‍ ബാധകമാകുന്നില്ല എന്നാണു പരക്കെ ആക്ഷേപിക്കപ്പെടുന്നത് . അവയുടെ വാര്‍ത്തകള്‍ ജനങ്ങള്‍ക്ക്‌ ഹിതകരമാകുന്നത് വാര്‍ത്തകളുടെയും തെളിവുകളുടെയും ഇത്തരം രഹസ്യ സ്വഭാവം കൊണ്ടാണ് . അവ എങ്ങനെ Wikileaks അറിഞ്ഞു എന്നത് ജനങ്ങളെ സംബന്ധിച്ചിടത്തോളം പ്രസക്തമല്ല . ഏതൊരാള്‍ക്കും ഇന്റര്‍നെറ്റ്‌ വഴി Wikileaks നു വാര്‍ത്തകളും തെളിവുകളും നല്‍കാം .അത് Wikileaks തങ്ങളുടേതായ രീതിയില്‍ അന്വേഷിച്ചു ഉറപ്പു വരുത്തും എന്നാണ് അവര്‍ അവകാശപ്പെടുന്നത് .എന്നാല്‍ സാധാരണ പത്ര പ്രവര്‍ത്തകര്‍ക്ക് വിലക്കുള്ള രഹസ്യ സ്വഭാവമുള്ള വാര്‍ത്തകളും തെളിവുകളുമാണ് Wikileaks പലപ്പോഴും പുറത്തു വിടുന്നത് . ഇത്തരം പ്രവര്‍ത്തികള്‍ക്ക് നിക്ഷ്പക്ഷത അവകാശപ്പെടാം എങ്കിലും ജേര്‍ണലിസ്റ്റ്‌ എന്ന പദവിയുടെ ഉത്തരവാദിത്വങ്ങളുടെ പരിധിയില്‍ അവ പെടുമോ എന്ന് കൂടി ആലോചിക്കേണ്ടതുണ്ട് .അമേരിക്കയുടെ എമ്പസ്സികളുമായി ബന്ധപ്പെട്ട രഹസ്യ രേഖകളായത് കൊണ്ട് നമ്മള്‍ കയ്യടിച്ചു പ്രോല്‍സാഹിപ്പിച്ചു .നമ്മുടെ രാജ്യവുമായി ബന്ധപ്പെട്ട ഏതെന്കിലും രഹസ്യ രേഖകള്‍ ഏതെന്കിലും ഒരുദ്യോഗസ്ഥന്‍ ചോര്‍ത്തി കൊടുക്കുകയും Wikileaks അത് പുറത്തു വിടുകയും ചെയ്‌താല്‍ നമ്മള്‍ കയ്യടിക്കുമോ ? അത് വഴി നമ്മുടെ രാജ്യത്തിന് ലോകത്തിനു മുന്‍പില്‍ ഉണ്ടാകാവുന്ന മാന ഹാനി , പ്രത്യാഘാതങ്ങള്‍... നാം ആലോചിക്കെണ്ടേ ..?

രഹസ്യ രേഖകള്‍ ചോര്‍ത്തിയെടുത്തു പ്രസിദ്ധീകരിക്കുന്നതല്ല ജേര്‍ണലിസം . തങ്ങള്‍ക്കു അനുവദിച്ചു നല്‍കിയിട്ടുള്ള സ്വാതന്ത്ര്യം ഉപയോഗപ്പെടുത്തി 'സത്യത്തിന്റെയും, നീതിയുടെയും, വിശ്വാസ്യതയുടെയും ' വെളിച്ചത്തിലിരുന്നു പ്രവര്‍ത്തിക്കുന്ന പത്രപ്രവര്‍ത്തകരും പത്ര ഉടമകളുമാണ് ലോകത്തിനാവശ്യം .അത്തരത്തിലുള്ള പത്ര പ്രവര്‍ത്തനം നടക്കുന്നുണ്ട് എന്ന് പൊതു സമൂഹത്തെ മനസ്സിലാക്കി കൊടുക്കുന്നതില്‍ സംഭവിച്ച പരാജയത്തിന്റെ പ്രത്യക്ഷ ഉദാഹരണമാണ് Wikileaks പോലുള്ളവര്‍ക്ക് ലഭിക്കുന്ന വമ്പിച്ച സ്വീകാര്യത .

പ്രബോധനത്തിലെ പ്രരോദനം

2010-11-24T09:21:00.000+05:30

(ചന്ദ്രിക ദിനപത്രം 24-11-2010)

ജമാഅത്തിന്റെ തിരഞ്ഞെടുപ്പ് പരാജയത്തെ കുറിച്ച് ഒ അബ്‌ദുല്ല

2010-11-22T12:25:00.002+05:30

രണ്‌ടാം റൗണ്‌ട്‌ ഇടിക്ക്‌ കാത്തിരിക്കണോ?

ഒ അബ്‌ദുല്ല

ഹൈസ്‌കൂളില്‍ ഫിസിക്കല്‍ ഇന്‍സ്‌പെക്ടറായ അധ്യാപകന്‌ ഡോക്ടറേറ്റ്‌ എടുത്ത്‌ കോളജ്‌ അധ്യാപകനാവാന്‍ മോഹം. കുറുക്കുവഴികളന്വേഷിച്ചു. അവസാനം അധികമാരും പേരു കൊടുക്കാന്‍ ധൈര്യപ്പെടാത്ത ബോക്‌സിങില്‍ പങ്കെടുത്തു നാഷനല്‍ ഗെയിംസിലേക്ക്‌ അര്‍ഹത നേടി. ചണ്ഡീഗഡില്‍ വച്ചായിരുന്നു മല്‍സരം. പ്രതിയോഗി ആറടി ഉയരവും അതിനൊത്ത വണ്ണവുമുള്ള സര്‍ദാര്‍ജി യുവാവ്‌. സര്‍ദാര്‍ജിയുടെ ഒന്നാമത്തെ ഇടിക്കുതന്നെ നമ്മുടെ കക്ഷി നിലംപരിശായി. കണ്ണില്‍നിന്നു പൊന്നീച്ച; വണ്‍, ടു, ത്രീ, ഫോര്‍- റഫറി കൗണ്‌ട്‌ ഡൗണ്‍ എണ്ണുന്നത്‌ അവ്യക്തമായി ഓര്‍ക്കുന്നു. അവസാനം പത്ത്‌ എന്ന്‌ എണ്ണിത്തീര്‍ന്നപ്പോള്‍ തല ഉയര്‍ത്തി. അതാ നില്‍ക്കുന്നു ആ ആജാനുബാഹു സര്‍ദാര്‍ജി റിങില്‍. ഒടുവില്‍ ആരോ വന്നു സ്‌ട്രക്‌ചറില്‍ എടുത്തുവച്ചു. ആശുപത്രിയില്‍നിന്നു പോന്നത്‌ ദേശീയ മല്‍സരത്തില്‍ പങ്കെടുത്തതിനുള്ള സര്‍ട്ടിഫിക്കറ്റുമായി!

നാട്ടിലെത്തിയ പാടെ കൂട്ടുകാര്‍ ചോദിച്ചു: ``ഒരു ഇടികൊണെ്‌ടന്നു കരുതി എന്തിനു വീണിടത്തു നിന്ന്‌ എഴുന്നേല്‍ക്കാതെ കിടക്കണം. ബോക്‌സിങില്‍ അതൊക്കെ സാധാരണമല്ലേ?'' തുറിച്ചുനോക്കിക്കൊണ്‌ടായിരുന്നു മറുപടി: ``സര്‍ദാര്‍ജിയുടെ അടുത്ത ഇടി കൂടി കൊണ്‌ടിരുന്നുവെങ്കില്‍ എന്റെ വായിലെ പല്ലുകള്‍ വാരിപ്പെറുക്കാന്‍ നിങ്ങളാരെങ്കിലും അവിടെ ഉണ്‌ടാവുമായിരുന്നോ?''

പക്ഷേ, തദ്ദേശസ്വയംഭരണ തിരഞ്ഞെടുപ്പില്‍ ഇടികൊണ്‌ടു കണ്ണില്‍നിന്നു പൊന്നീച്ച പാറീട്ടും അടുത്ത ഇടി ഏറ്റുവാങ്ങാന്‍ വീണിടത്തുനിന്ന്‌ എഴുന്നേല്‍ക്കാന്‍ തന്നെയാണ്‌ ജമാഅത്തെ ഇസ്‌ലാമിയുടെ ഭാവമെന്നു പാര്‍ട്ടിവക്താക്കളുടെ തിരഞ്ഞെടുപ്പുവിശകലനങ്ങളും വിശദീകരണങ്ങളും വ്യക്തമാക്കുന്നു.

ആകെയുള്ള പത്തൊമ്പതിനായിരത്തില്‍പ്പരം സീറ്റില്‍ രണ്‌ടക്കസീറ്റില്‍പ്പോലും മല്‍സരിച്ചു ജയിക്കാന്‍ പാര്‍ട്ടിക്കായില്ല. വിമര്‍ശകര്‍ ചൂണ്‌ടിക്കാട്ടിയപോലെ, വാല്‍ മുറിച്ചാല്‍ പൂജ്യമായിത്തീരുമാറ്‌ കേവലം ഒമ്പതേ ഒമ്പത്‌ സീറ്റിലേ ജമാഅത്തിനു നിലംതൊടാനായുള്ളൂ. അതായത്‌, മല്‍സരിച്ച 1685 സീറ്റില്‍ 1676 സീറ്റിലും പാര്‍ട്ടി തോറ്റു. ചിലയിടങ്ങളില്‍ പാര്‍ട്ടിക്ക്‌ ഒരു വോട്ട്‌ പോലും കിട്ടിയില്ല. ഒരിടത്തു പ്രഖ്യാപിത മുദ്രാവാക്യമായ `മാറ്റത്തിന്‌ ഒരു വോട്ട്‌' എന്ന വാചകം അറംപറ്റി. അവിടെ സ്ഥാനാര്‍ഥിക്കു കിട്ടിയത്‌ ഒരു വോട്ട്‌! മിക്ക സ്ഥലങ്ങളിലും മൂന്നക്കം തികയ്‌ക്കാനായില്ല. കെട്ടിവച്ച സംഖ്യ നഷ്ടപ്പെട്ടവര്‍ നിരവധി.

എന്നാല്‍, ജമാഅത്ത്‌ പക്ഷത്തുനിന്നുള്ള ജനപക്ഷത്തെക്കുറിച്ച വിലയിരുത്തല്‍ അത്യന്തം കൗതുകകരവും അമ്പരപ്പിക്കുന്നതുമാണ്‌. ജമാഅത്ത്‌ ശൂറാ അംഗം പാര്‍ട്ടി മുഖപത്രത്തിലെഴുതിയിരിക്കുന്നത്‌, ഇക്കഴിഞ്ഞ പഞ്ചായത്തു തിരഞ്ഞെടുപ്പിലെ ബെസ്റ്റ്‌ പ്ലെയര്‍ ജനകീയ വികസന മുന്നണിയാണ്‌ എന്നത്രേ. എല്ലാവരും ഒന്നിച്ചെതിര്‍ത്തിട്ടും ഈ മുന്നണി വീറോടെ പൊരുതിയതായി അദ്ദേഹം വിമര്‍ശനഭയമില്ലാതെ അവകാശപ്പെടുന്നു.
പാര്‍ട്ടിയിലെ മറ്റു വിശകലനവിശാരദന്മാരും ഇതേ ആത്മവിശ്വാസം പങ്കിടുന്നു. തോറ്റിട്ടില്ല, തോറ്റചരിത്രം കേട്ടിട്ടില്ല എന്ന കാര്യത്തില്‍ എല്ലാവരും ഒറ്റക്കെട്ടാണ്‌. തങ്ങള്‍ക്കു യാതൊരുവിധ തിരിച്ചടിയും നേരിടേണ്‌ടിവന്നിട്ടില്ലെന്നും പണവും മദ്യവും കുത്തൊഴുക്കിയ തിരഞ്ഞെടുപ്പുമാമാങ്കത്തില്‍ തങ്ങള്‍ക്ക്‌ അന്തസ്സായി `പിടിച്ചുനില്‍ക്കാനും' `മികച്ച പ്രകടനം കാഴ്‌ചവയ്‌ക്കാനും' കഴിഞ്ഞതായും അവര്‍ അവകാശപ്പെടുന്നു. `ഒരുവശത്തു മദ്യവും പണവും മറുവശത്ത്‌ മതപുരോഹിതന്മാരെയും തരംപോലെ ഉപയോഗിക്കുന്നതില്‍ ഇരുമുന്നണികളും മിടുക്കു കാണിച്ച' തിരഞ്ഞെടുപ്പിലാണ്‌ ജനപക്ഷം മിന്നുന്ന പ്രകടനം കാഴ്‌ചവച്ചത്‌ എന്നാണു പാര്‍ട്ടി യുവ വക്താവ്‌ അവകാശപ്പെടുന്നത്‌.
എന്നാല്‍, തികച്ചും വ്യത്യസ്‌തവും തീര്‍ത്തും നിഷേധരൂപത്തിലുള്ളതുമാണ്‌ പാര്‍ട്ടിവിമര്‍ശകരുടെ വിലയിരുത്തല്‍. അവര്‍ ജമാഅത്തിന്റെ അവകാശവാദങ്ങളെ മാത്രമല്ല, തിരഞ്ഞെടുപ്പില്‍ പങ്കെടുക്കുക വഴി ജമാഅത്ത്‌ കഴിഞ്ഞ 60 വര്‍ഷമായി പടുത്തുയര്‍ത്തിയ ഇമേജ്‌ അപ്പടി തകര്‍ന്നതായും കഥകളും ഉപമകളും വരച്ചുകാണിച്ചുകൊണ്‌ടു സമര്‍ഥിക്കുന്നു. അത്യന്തം അസഹ്യവും ദയനീയവുമാണ്‌ അവരുടെ പരിഹാസം.

വനത്തിലകപ്പെട്ട മാരാരോടാണ്‌ ജമാഅത്ത്‌ ഉപമിക്കപ്പെട്ടിരിക്കുന്നത്‌. വന്യമൃഗങ്ങളില്‍ നിന്നു രക്ഷനേടാന്‍ തന്റെ പക്കലുള്ള ചെണ്‌ടയില്‍ ഉറക്കെ ശബ്ദമുണ്‌ടാക്കിക്കൊണ്‌ടിരിക്കുക എന്നതില്‍ക്കവിഞ്ഞു മാരാര്‍ക്ക്‌ ഏറെ മാര്‍ഗങ്ങളുണ്‌ടായിരുന്നില്ല. പൊന്നാനിയില്‍ ബഷീറിനെ ജയിപ്പിച്ചും വയനാട്ടില്‍ റഹ്‌മത്തുല്ലയെ തോല്‍പ്പിച്ചും മഞ്ചേരിയില്‍ ഹംസാക്കയെ ജയിപ്പിച്ചും തോല്‍പ്പിച്ചും ജമാഅത്ത്‌ തങ്ങളാണു കേരളത്തിന്റെ രാഷ്ട്രീയസമവാക്യങ്ങള്‍ നിശ്ചയിക്കുന്നത്‌ എന്ന പെരുമ്പറ മുഴക്കുന്ന അതേ ശക്തിയിലും ശബ്ദത്തിലുമായിരുന്നു മാരാരുടെയും പെരുമ്പറ. അവസാനം കുറുക്കന്‍ വന്നു ചെണ്‌ടയുടെ തുകല്‍ കടിച്ചുകീറി അതിന്റെ അകം പൊള്ളയാണെന്നു പെട്ടെന്നു കണെ്‌ടത്തി. പഞ്ചായത്തു തിരഞ്ഞെടുപ്പില്‍ പങ്കെടുക്കുക വഴി ജമാഅത്ത്‌ അതിന്റെ ചെണ്‌ടയുടെ തുകല്‍ സ്വയം കടിച്ചുകീറി നാണംകെടുകയായിരുന്നുവെന്നാണു പരിഹാസം.

ചെങ്ങറയിലും മൂലമ്പിള്ളിയിലും കിനാലൂരിലും ഞെളിയന്‍പറമ്പിലും പോരാട്ടങ്ങള്‍ സംഘടിപ്പിച്ചും ശാന്തപുരത്തും കുറ്റിയാടിയിലും ചേന്ദമംഗല്ലൂരിലും മറ്റു പലയിടങ്ങളിലും സാമൂഹികസേവനവും വിദ്യാഭ്യാസ-സാംസ്‌കാരികപ്രവര്‍ത്തനങ്ങളും നടത്തിയും സാമൂഹികപ്രശ്‌നങ്ങളില്‍ പത്രം ഉപയോഗിച്ചു ബഹളം വച്ചും ജമാഅത്തും പോഷകസംവിധാനങ്ങളും നടത്തിയ ഇടപെടല്‍ രാഷ്ട്രീയപ്പാര്‍ട്ടികളെ വന്‍തോതില്‍ തെറ്റിദ്ധരിപ്പിച്ചിരുന്നുവത്രേ. അതുകൊണ്‌ടവര്‍ സാമൂഹികരംഗത്ത്‌, ഉച്ചത്തില്‍ ചെണ്‌ടകൊട്ടുന്ന ഈ മാരാരെ അത്യധികം ഭയക്കുകയും സകല സമിതികളിലും അനര്‍ഹമായ പ്രാതിനിധ്യം നല്‍കി ആദരിക്കുകയും ചെയ്‌തു. തദ്ദേശസ്വയംഭരണ തിരഞ്ഞെടുപ്പോടെ, സംസ്ഥാന രാഷ്ട്രീയത്തിന്റെ ബാലന്‍സ്‌ ശരിപ്പെടുത്തുന്ന `അദൃശ്യശക്തിയുടെ' ഉടല്‍രൂപം അവര്‍ പട്ടാപ്പകല്‍ നടുറോഡില്‍ വച്ചു നേരില്‍ക്കാണുകയും ഇത്‌ അല്‍പ്പം പോലും ഭയപ്പെടേണ്‌ടതില്ലാത്ത എന്നല്ല, മൈന്റ്‌ ചെയ്‌കപോലും ചെയ്യേണ്‌ടതില്ലാത്ത ഒരു ഉള്ളു പൊള്ളയായ ചെണ്‌ടയാണെന്നു ലോകത്തിനു ബോധ്യപ്പെടുകയും ചെയ്‌തുവെന്നാണു വിമര്‍ശകരുടെ വിലയിരുത്തല്‍.

ജമാഅത്തിന്‌ അതുദ്ദേശിച്ച വിജയം കൈവരിക്കാന്‍ കഴിയാതെ പോയതിന്‌ അതിന്റെ വക്താക്കള്‍ പറയുന്ന കാരണങ്ങള്‍ വിമര്‍ശകര്‍ തിരിച്ചും ആരോപിക്കുന്നു. ജമാഅത്തിനെ തോല്‍പ്പിക്കാന്‍ തത്ത്വവും നിലപാടും നോക്കാതെ വിവിധ പാര്‍ട്ടികള്‍ കൈകോര്‍ത്തതുപോലെ മങ്കടയിലും ഇരിക്കൂറിലും കുറ്റിയാടിയിലും എടയൂരിലും മറ്റു പലയിടങ്ങളിലും ഒളിഞ്ഞോ തെളിഞ്ഞോ സി.പി.എമ്മുമായും ചിലയിടങ്ങളില്‍ യു.ഡി.എഫുമായും ജമാഅത്ത്‌ നീക്കുപോക്കുകളോ രഹസ്യധാരണകളോ ഉണ്‌ടാക്കിയതായി മറുഭാഗം ആരോപിക്കുന്നു.�

മുസ്‌ലിം വോട്ടുകള്‍ ശിഥിലമാക്കി ബി.ജെ.പിക്ക്‌ അവസരമുണ്‌ടാക്കിക്കൊടുക്കുക മാത്രമല്ല, സംഘപരിവാര സഹയാത്രികരെ ജമാഅത്ത്‌ സ്ഥാനാര്‍ഥിയാക്കുക കൂടി ചെയ്‌തു എന്നും അവര്‍ ആരോപിക്കുന്നു. കണ്ണൂര്‍ നഗരസഭാ സിവില്‍ സ്റ്റേഷന്‍ വാര്‍ഡിലെ ജനപക്ഷം സ്ഥാനാര്‍ഥി ശശികല ബാല്‍താക്കറെ എന്ന സംഘപരിവാര വ്യാഘ്രത്തിന്റെ അനുയായിയായ ശിവസേനക്കാരിയാണ്‌. മലപ്പുറത്ത്‌ ജില്ലാപഞ്ചായത്തിലേക്കു മല്‍സരിച്ചു ജാമ്യസംഖ്യ കളഞ്ഞുകുളിച്ച സി പി കെ മാസ്റ്റര്‍ മുരത്ത ആര്‍.എസ്‌.എസുകാരനും മുന്‍ ബി.ജെ.പി സംസ്ഥാന അധ്യക്ഷനുമായ രാമന്‍പിള്ളയുടെ പാര്‍ട്ടിയുടെ ജില്ലാ വൈസ്‌ പ്രസിഡന്റുമാണ്‌.

ഉദ്ദേശിച്ച വിജയം കൈവരിക്കാനാവാത്ത ജമാഅത്തിനെ `കൊത്തിക്കൊല്ലാന്‍' രാഷ്ട്രീയപ്പാര്‍ട്ടികളും മതമേധാവികളും പരസ്‌പരം മല്‍സരിക്കുകയായിരുന്നുവെന്ന ജമാഅത്ത്‌വൃത്തങ്ങളുടെ പരാതിയിലുമില്ല പുതുമ. കഴിഞ്ഞ 60 വര്‍ഷമായി ജമാഅത്തിനെ നിരന്തരം വിമര്‍ശിക്കുകയും പ്രതിക്കൂട്ടില്‍ നിര്‍ത്തുകയും ചെയ്യുന്നവരാണ്‌ ഇവിടത്തെ യാഥാസ്ഥിതിക മതനേതൃത്വം. കഴിഞ്ഞ കുറേ നാളുകളായി മുജാഹിദുകളിലെ ഇരുവിഭാഗവും അക്കാര്യത്തില്‍ മല്‍സരിക്കുന്നു.

മൗലാനാ മൗദൂദിയോളം വിമര്‍ശനം ഏറ്റുവാങ്ങുന്ന ഒരു വ്യക്തി ഇന്ത്യാ ഉപഭൂഖണ്ഡത്തില്‍ ജനിച്ചിട്ടില്ല. കേരളത്തിലെ പല മതപ്രാസംഗികന്മാരുടെയും അന്നന്നത്തെ അന്നപാനീയങ്ങള്‍ മൗദൂദിയുമായി ബന്ധപ്പെട്ടുകിടക്കുന്നു. അവര്‍ പ്രസംഗം പഠിച്ചതുപോലും മൗദൂദി വിമര്‍ശനത്തിലൂടെയാണ്‌. എന്നിരിക്കെ, ജമാഅത്ത്‌ തിരഞ്ഞെടുപ്പുഗോദയിലിറങ്ങുമ്പോള്‍ ഇവരുടെ രൂക്ഷമായ എതിര്‍പ്പ്‌ മുന്‍കൂട്ടിക്കാണാതിരുന്നതിന്‌ അവനവനെ തന്നെയാണു പഴിക്കേണ്‌ടത്‌. എന്നാല്‍, ജമാഅത്തിനോടുള്ള സമീപനത്തില്‍ രാഷ്ട്രീയപ്പാര്‍ട്ടികള്‍ ചിലയിടങ്ങളില്‍ സ്വീകരിച്ച നിലപാട്‌ മാന്യതയ്‌ക്കും മര്യാദയ്‌ക്കും നിരക്കാത്തതായിപ്പോയി എന്നു തുറന്നുപറയാതിരിക്കാന്‍ നിര്‍വാഹമില്ല.

നേരത്തേ തിരഞ്ഞെടുപ്പില്‍ പങ്കെടുക്കാതെ മാറിനിന്ന ജമാഅത്ത്‌ നിലപാട്‌ വിമര്‍ശനവിധേയമായപ്പോള്‍, `നിങ്ങള്‍ അശുദ്ധമാക്കിയ പാളയത്തിലേക്കു ഞങ്ങളില്ല' എന്നായിരുന്നു ജമാഅത്ത്‌ പക്ഷത്തുനിന്നുള്ള മറുപടി. അതാണു ശരിയും; അന്നു മാത്രമല്ല, ഇപ്പോഴും. ആ പാളയത്തിലെ അഴുക്കും അശുദ്ധിയും വര്‍ധിക്കുകയല്ലാതെ ഒട്ടും കുറഞ്ഞിട്ടില്ല. അന്നത്തെ `ചെറിയ അശുദ്ധി' ഇന്നു `വലിയ അശുദ്ധി'യായി മാറിയിരിക്കുന്നു എന്നുമാത്രം.

രാഷ്ട്രീയത്തില്‍ ആളില്ലാത്ത കുറവ്‌ മുസ്‌ലിം സമുദായത്തെ സംബന്ധിച്ചിടത്തോളമില്ല. നേരത്തേ ഉള്ളതിനു പുറമെ പുതിയ പലതും പെറ്റുപെരുകിയും മുറിഞ്ഞും ഉണ്‌ടായിക്കൊണ്‌ടിരിക്കുന്നു. ജമാഅത്ത്‌ മഹത്തായ സേവനങ്ങളര്‍പ്പിച്ചും സാന്നിധ്യമറിയിച്ചും മുന്നേറിക്കൊണ്‌ടിരിക്കുന്ന മണ്ഡലങ്ങള്‍ നിരവധിയാണ്‌. സേവനമേഖലകളിലും ആതുരശുശ്രൂഷാ മണ്ഡലങ്ങളിലും ജമാഅത്ത്‌ നിര്‍വഹിച്ചുപോരുന്ന സ്‌തുത്യര്‍ഹമായ സേവനങ്ങള്‍ ഈയിടെയായി വന്‍ ജനശ്രദ്ധ പിടിച്ചുപറ്റാന്‍ ഇടയാക്കിയിട്ടുണ്‌ട്‌. ആ നിലയ്‌ക്കു കേരളീയസമൂഹത്തില്‍ ജമാഅത്തിന്‌ അതിന്റെ യഥാര്‍ഥ വലുപ്പത്തിലും വലിയ സ്ഥാനമാണുള്ളത്‌. തിരഞ്ഞെടുപ്പില്‍ പങ്കെടുത്ത്‌ `അശികുശിയാവുക' വഴി ജമാഅത്ത്‌ ഇമേജ്‌ ബലൂണ്‍ കണക്കെ കാറ്റഴിഞ്ഞുപോവുകയാണ്‌ ചെയ്‌തിരിക്കുന്നത്‌. പരിചയക്കുറവും കൊടിയും ചിഹ്നവുമില്ലാത്തതും മൂന്നുമാസത്തിനകം തട്ടിക്കൂട്ടിയ ഒരേര്‍പ്പാടായതുകൊണ്‌ടും മറ്റുമാണ്‌ പരാജയം ഏറ്റുവാങ്ങേണ്‌ടിവന്നത്‌ തുടങ്ങിയ ന്യായീകരണങ്ങള്‍ കണെ്‌ടത്തുന്നതിനു പകരം, ചണ്ഡീഗഡിലെ ബോക്‌സിങ്‌ താരത്തെപ്പോലെ കൂടുതല്‍ ഇടികളില്‍ നിന്നു രക്ഷപ്പെടാനുള്ള വഴിയാണ്‌ ജമാഅത്ത്‌ നേതൃത്വം ആരായേണ്‌ടത്‌.

ഒറിജിനല്‍ ദാ ഇവിടെ വായിക്കാം

പൊതുപ്രവര്‍ത്തന രംഗത്തെ വസന്തം:ഡോ. ഹുസൈന്‍ മടവൂര്‍

2010-11-14T08:31:00.002+05:30

വസന്തം എന്നാണ് ഡോ. ഹുസൈന്‍ മടവൂരിന്റെ വീടിനു പേര്. വിദ്യയു ടെയും സേവനത്തിന്റെയും പ്രബോധനത്തിന്റെയും ലോകത്ത് ഹുസൈന്‍ മടവൂരിന്റെ സാന്നിധ്യം ഒരു വസന്തമാണ്. മത സംഘടനയുടെ തലപ്പത്തും സന്നദ്ധ-സാമൂഹിക കൂട്ടായ്മകളിലും ഒരേ സമയം പ്രസന്നസാന്നി ധ്യമാണ് നദ്വത്തുല്‍ മുജാഹിദീന്‍ സംസ്ഥാന ജനറല്‍ സെക്രട്ടറി ഡോ. ഹുസൈന്‍ മടവൂര്‍. മത നേതാക്കളെ 'ആത്മീയ നേതാക്കള്‍ എന്ന രീതിയില്‍ പരിചയ പ്പെടുത്തുന്നത് ശരിയല്ലെന്ന് ഹുസൈന്‍ മടവൂര്‍ വ്യക്തമാക്കുന്നു. മതനേതാക്കളുടെ വാക്കുകള്‍ക്ക് ഉപദേശകന്റെയും പ്രബോധ കന്റെയും സ്വരമാണുള്ളത്. അതിനു ദിവ്യത്വം കല്‍പിക്കുന്നത് ഷിയാക്കളുടെ രീതിയാണ്.

കാലിക്കറ്റ് സര്‍വകലാശാലയില്‍ അഫ്സലുല്‍ ഉലമാ പരീക്ഷയിലെ ആദ്യ റാങ്ക് ജേതാവാണ് ഹുസൈന്‍ മടവൂര്‍. മക്ക ഉമ്മുല്‍ ഖുറാ സര്‍വകലാശാലയില്‍ അഞ്ചു വര്‍ഷത്തെ ഉന്നത പഠനം പൂര്‍ത്തി യാക്കിയ ഇദ്ദേഹം മക്ക, മദീന വിശുദ്ധ നഗരങ്ങളിലെ ഇന്ത്യന്‍ പണ്ഡിത സാന്നിധ്യവും സേവനവും സംബന്ധിച്ച ഗവേഷണ ത്തിനാണ് കാലിക്കറ്റ് സര്‍വകലാശാലയില്‍നിന്ന് പിഎച്ച്ഡി നേടിയത്. മക്കയിലും മദീനയിലും സേവനം ചെയ്യുന്ന 31 ഇന്ത്യന്‍ പണ്ഡിതരുടെ ചരിത്രമാണ് ഈ ഗവേഷണത്തില്‍ അനാവരണം ചെയ്യുന്നത്.

കേരളം പിറന്ന 1956 ജനുവരി ഒന്നിന് കോഴിക്കോട് ജില്ലയിലെ മടവൂരിലാണ് ജനനം. 1972ല്‍ വയസ്സില്‍ മുജാഹിദ് വിദ്യാര്‍ഥി സംഘടനാ (എം.എസ്.എം.) പ്രവര്‍ത്തകനായ ഇദ്ദേഹം പതിനെട്ടാം വയസ്സില്‍ എം.എസ്.എം. കോഴിക്കോട് ജില്ലാ ജനറല്‍ സെക്രട്ടറിയായി. 1977ല്‍ സംസ്ഥാന സെക്രട്ടറിയുമായി. മുജാഹിദ് യുവജന സംഘടനയായ ഐഎസ്എം സംസ്ഥാന പ്രസിഡന്റായി 1985ല്‍ തിരഞ്ഞെടുക്കപ്പെട്ടു; ഒരു വ്യാഴവട്ടക്കാലം ഈ സ്ഥാനത്തു തുടര്‍ന്നു. മുജാഹിദ് ഉന്നത സംഘടനയായ കേരള നദ്വത്തുല്‍ മുജാഹിദീന്‍ കോഴിക്കോട് ജില്ലാ പ്രസിഡന്റായത് മുപ്പത്തിരണ്ടാം വയസ്സില്‍ (1988). 1997ല്‍ കെ.എന്‍.എം. സംസ്ഥാന സെക്രട്ടറിയായി. ഇതേവര്‍ഷം തന്നെ മുജാഹിദ് പണ്ഡിത സംഘടനയായ കേരള ജംഇയ്യത്തുല്‍ ഉലമാ സംസ്ഥാന സെക്രട്ടറിയായി. 2002ല്‍ മുജാഹിദ് സംഘടനയിലുണ്ടായ പിളര്‍പ്പിനെത്തുടര്‍ന്ന് നദ്വത്തുല്‍ മുജാഹിദീന്‍ (മടവൂര്‍ വിഭാഗം) ജനറല്‍ സെക്രട്ടറിയായി. ഇന്ന് കേരളത്തിലും മറ്റു സംസ്ഥാനങ്ങളിലും ഗള്‍ഫ് ഉള്‍പ്പെടെയുള്ള വിദേശ രാജ്യങ്ങളിലുമായി വ്യാപിച്ച നദ്വത്തുല്‍ മുജാഹിദീന്‍ പ്രവര്‍ത്തനങ്ങളുടെ നേതൃത്വവും ബുദ്ധികേന്ദ്രവുമാണ് ഡോ. ഹുസൈന്‍ മടവൂര്‍.

വേലിക്കെട്ടുകളില്ലാതെ

മത നേതാക്കള്‍ പലപ്പോഴും സ്വന്തം സമുദായത്തിനകത്തെ പ്രവര്‍ത്തനങ്ങളില്‍ ഒതുങ്ങുകയാണ് പതിവ്. ഹുസൈന്‍ മടവൂരിന്റെ പ്രവര്‍ത്തനരീതി ഇതിന്നപവാദമാണ്. സ്വന്തം മതത്തിനകത്തെ സജീവ പ്രവര്‍ത്തനങ്ങള്‍ക്കൊപ്പം മതങ്ങള്‍ തമ്മില്‍ സൌഹൃദം സ്ഥാപിക്കാനുള്ള കൂട്ടായ്മകളിലും മതവിഭാഗീയതകളില്ലാത്ത സാമൂഹിക സംരംഭങ്ങളിലും അദ്ദേഹം സജീവമാണ്. ജീവകാരുണ്യ രംഗത്തെ പ്രത്യേക പ്രവര്‍ത്തനങ്ങള്‍ക്ക് സ്വന്തം സംഘടനകളെ പ്രാപ്തമാക്കുകയും ചെയ്തു.

സ്വാമി അഗ്നിവേഷ് അധ്യക്ഷനായി 2003ല്‍ സ്ഥാപിതമായ ഓള്‍ ഇന്ത്യ ഇന്റര്‍ഫെയ്ത്ത് കൌണ്‍സിലിന്റെ സ്ഥാപകാംഗമാണ് ഡോ. ഹുസൈന്‍ മടവൂര്‍. മദ്യവിരുദ്ധ ജനകീയ മുന്നണിയുടെ രക്ഷാധികാരിയാണ്. 1991-96ല്‍ സാക്ഷരതാ യജ്ഞത്തില്‍ സജീവ പങ്കാളിയായി. സംസ്ഥാന സാക്ഷരതാ സമിതി അംഗവുമായിരുന്നു.

അനാഥ വിദ്യാര്‍ഥികളെ മുദ്രകുത്തി അനാഥാലയങ്ങളിലെത്തിക്കുന്നതിനു പകരം, സ്വന്തം അമ്മമാര്‍ക്കൊപ്പം വീടുകളില്‍ തന്നെ നിര്‍ത്തി സംരക്ഷിക്കുന്ന 'ദയ എന്ന സന്നദ്ധ സംഘടനയുടെ ചെയര്‍മാന്‍ ആണ്. മുജാഹിദ് സംഘടനയ്ക്കു കീഴില്‍ കോഴിക്കോട് ആസ്ഥാനമായി പ്രവര്‍ത്തിക്കുന്ന സലഫി ചാരിറ്റബിള്‍ ട്രസ്റ്റിന്റെയും ചെയര്‍മാന്‍ ആണ്. പെയ്ന്‍ ആന്‍ഡ് പാലിയേറ്റീവ് ക്ളിനിക്കുകളുടെ പ്രവര്‍ത്തനങ്ങള്‍ക്കും സഹായവും പിന്തുണയും നല്‍കുന്നതിനൊപ്പം വീടുകള്‍ കേന്ദ്രീകരിച്ചു വോളന്റിയര്‍മാരുടെ സേവനവും ഉറപ്പുവരുത്തുന്നുണ്ട്.

മുജാഹിദ് യുവജന സംഘടനയായ ഐഎസ്എമ്മിനു കീഴില്‍ മെഡിക്കല്‍ എയ്ഡ് സെന്റര്‍ സ്ഥാപിച്ചു. കോഴിക്കോട് മെഡിക്കല്‍ കോളജിലും ഐഎസ്എം കേന്ദ്രമായ കോഴിക്കോട് ദഅവ സെന്ററിലും സൌജന്യ മരുന്നുവിതരണമുണ്ട്. മെഡിക്കല്‍ കോളജ് വാര്‍ഡ് നവീകരണം ഐഎസ്എം ഏറ്റെടുത്തു. കോഴിക്കോട് ബീച്ച് ആശുപത്രിയും നവീകരിച്ചു ശുചീകരണ പ്രവര്‍ത്തനങ്ങള്‍ നടത്തി. ദരിദ്രര്‍ക്കു ഗൃഹ നിര്‍മാണത്തിനും കിണര്‍ നിര്‍മാണത്തിനുമുള്ള സഹായങ്ങളും സംഘടന വഴി നല്‍കുന്നു.

കേന്ദ്രസര്‍ക്കാരിന്റെ സെന്‍സസ് വകുപ്പിന്റെ പ്രവര്‍ത്തനങ്ങളില്‍ കേരളത്തിലെ ആരാധനാലയ വിദഗ്ധാംഗമായ ഹുസൈന്‍ മടവൂര്‍ കേരള വഖഫ് ബോര്‍ഡ് അംഗവുമാണ്. മുഖ്യമന്ത്രി വിളിച്ചുചേര്‍ത്ത മതപണ്ഡിതരുടെ യോഗത്തിലെ പ്രതിനിധിയുമായിരുന്നു. ഫാറൂഖ് കോളജ് റൌളത്തുല്‍ ഉലൂം അറബിക് കോളജ് പ്രിന്‍സിപ്പലായ ഹുസൈന്‍ മടവൂര്‍ കാലിക്കറ്റ് സര്‍വകലാശാല പിജി ബോര്‍ഡ് ഓഫ് സ്റ്റഡീസ്, എംജി സര്‍വകലാശാല ബോര്‍ഡ് ഓഫ് സ്റ്റഡീസ് എന്നിവയില്‍ അംഗമാണ്. കേരള അറബിക് കോളജ് പ്രിന്‍സിപ്പല്‍സ് ആന്‍ഡ് മാനേജേഴ്സ് അസോസിയേഷന്‍ സംസ്ഥാന സെക്രട്ടറിയുമാണ്.

കോഴിക്കോട്ടെ പ്രമുഖ മസ്ജിദ് ആയ പാളയം മൊയ്തീന്‍ പള്ളിയില്‍ 23 വര്‍ഷമായി ജുമുഅ നമസ്കാരത്തിനും പ്രഭാഷണത്തിനും നേതൃത്വം (ഖത്തീബ്) നല്‍കുന്നു. കോഴിക്കോട് ഈദ് ഗാഹ് നേതൃത്വവും വഹിക്കുന്നു.

പഠനം, കുടുംബം

കോഴിക്കോട് ജില്ലയില്‍ നരിക്കുനിക്കു സമീപം മടവൂര്‍ പുനത്തുംകുഴിയില്‍ പരേതനായ റിട്ട. അധ്യാപകന്‍ അബൂബക്കര്‍ കോയയുടെയും ഹലീമയുടെയും മകനായി ജനനം. മടവൂര്‍ എയുപി സ്കൂള്‍, കൊടുവള്ളി ഹൈസ്കൂള്‍ എന്നിവിടങ്ങളില്‍ പ്രാഥമിക പഠനം. ഫാറൂഖ് റൌളത്തുല്‍ ഉലൂം അറബിക് കോളജില്‍ നിന്ന് 1977ല്‍ ഒന്നാം റാങ്കോടെ അഫ്സലുല്‍ ഉലമാ ബിരുദം. 1980 - 85ല്‍ മക്ക ഉമ്മുല്‍ഖുറാ സര്‍വകലാശാലയില്‍നിന്ന് ഇസ്ലാമിക പഠനത്തില്‍ ഉന്നതബിരുദം. 1988ല്‍ അലിഗഢ് മുസ്ലിം സര്‍വകലാശാലയില്‍നിന്ന് അറബിക് ഭാഷയിലും സാഹിത്യത്തിലും ബിരുദാനന്തര ബിരുദം. 2004ല്‍ കാലിക്കറ്റ് സര്‍വകലാശാലയില്‍നിന്ന് പിഎച്ച്ഡി.

അഫ്സലുല്‍ ഉലമാ ബിരുദം നേടിയ 1977ല്‍ തന്നെ കോഴിക്കോട് ജെഡിറ്റി ജൂനിയര്‍ അറബിക് കോളജിന്റെ ആദ്യ പ്രിന്‍സിപ്പലായി. ആറു മാസത്തിനു ശേഷം മങ്ങാട് യുപി സ്കൂളില്‍ അധ്യാപകനായി ചേര്‍ന്നു. ഒന്നര വര്‍ഷത്തിനു ശേഷം 1979ല്‍ മാതൃസ്ഥാപനമായ ഫാറൂഖ് റൌളത്തുല്‍ഉലൂം അറബിക് കോളജില്‍ അധ്യാപകനായി ചേര്‍ന്നു. 1997 മുതല്‍ പ്രിന്‍സിപ്പല്‍.

വിവാഹം 1979 ഡിസംബര്‍ 23ന്. മോങ്ങം അന്‍വാറുല്‍ ഇസ്ലാം വനിതാ അറബിക് കോളജ് ലക്ചറര്‍ സല്‍മയാണു ഭാര്യ. ജിഹാദ് (ബിസിനസ്), ജലാലുദ്ദീന്‍ (റൌളത്തൂല്‍ ഉലൂം അറബിക് കോളജ്), മുഹമ്മദ് (എന്‍ജിനീയറിങ് വിദ്യാര്‍ഥി), അബ്ദുല്ല (ഹാഫിസ്), അബൂബക്കര്‍ എന്നിവര്‍ മക്കള്‍. ഫാറൂഖ് കോളജിലാണ് ഇപ്പോള്‍ സ്ഥിരതാമസം.

അമേരിക്ക, ബ്രിട്ടന്‍, ഈജിപ്ത്, ഇന്തൊനീഷ്യ, മലേഷ്യ, സിംഗപ്പൂര്‍, ശ്രീലങ്ക, സൌദി അറേബ്യ, യുഎഇ, ബഹ്റൈന്‍, ഖത്തര്‍, കുവൈത്ത്, ഒമാന്‍ തുടങ്ങിയ രാജ്യങ്ങള്‍ സന്ദര്‍ശിച്ചിട്ടുണ്ട്. വായനയും മുഴുവന്‍ സമയ സാമൂഹിക പ്രവര്‍ത്തനവുമാണ് ഹുസൈന്‍ മടവൂരിന്റെ ഇഷ്ടങ്ങള്‍.

സങ്കുചിതത്വമില്ലാത്ത സംഘടനാപ്രവര്‍ത്തനവും സാമൂഹിക സേവനവുമാണ് ഡോ. ഹുസൈന്‍ മടവൂരിന്റെ പ്രവര്‍ത്തനതത്വം. മതത്തിന്റെ മനുഷ്യത്വ സമീപനവും മാനവികതയും ഉയര്‍ത്തിയായിരിക്കണം പ്രബോധനം. മതബോധവും സേവന മനോഭാവവും തമ്മില്‍ വേര്‍പെടുത്താനാകാത്ത വിധം ഇഴചേര്‍ന്നുള്ള സാമൂഹികാവസ്ഥയാണ് മടവൂരിന്റെ സ്വപ്നം.

(ആത്മീയ നേതാവ് എന്ന നിലയിലല്ല, മതസംഘടനാ നേതാവ് എന്ന പരിഗണനയിലാണ് ഡോ. ഹുസൈന്‍ മടവൂരിനെ ഈ പംക്തിയില്‍ പരിചയപ്പെടുത്തുന്നത് - മനോരമ ഓണ്‍ലൈന്‍)

മാറ്റത്തിന് കിട്ടിയ വോട്ടുകള്‍ , കണക്കുകളിലൂടെ ...

2010-11-04T16:14:00.003+05:30

മലയാളം ന്യൂസ്‌ 4-11-2010

UPDATE (5-11-2010) :

പ്രതിഷേധിക്കുക ,പൊതു സമൂഹത്തിനായി

2010-10-07T15:40:00.005+05:30

മംഗളം ദിന പത്രം
7-10-2010

ജന സംഖ്യാ വര്‍ദ്ധനവ്‌ ഭാവിയില്‍ നമ്മുടെ സര്‍ക്കാര്‍ ഓഫീസുകളെ തിരക്കെറിയവയായി മാറ്റും എന്ന കാര്യത്തില്‍ സംശയമില്ല . ഗ്രാമ പ്രദേശങ്ങളില്‍ ഇത്തരം ഓഫീസുകള്‍ സ്ഥാപിക്കുന്നത് ഫലപ്രദവുമല്ല .അതിനൊരു പരിഹാരം പൊതു ജന - സര്‍ക്കാര്‍ സഹകരണ പദ്ധതിയായ അക്ഷയ ഇ കേന്ദ്രങ്ങളാണ് .കമ്പ്യൂട്ടര്‍ സാക്ഷരതയില്‍ തുടങ്ങുന്ന അക്ഷയ ഇ കേന്ദ്രങ്ങളുടെ പ്രവര്‍ത്തന പരിധി വിവിധ സര്‍ക്കാര്‍ ബില്ലുകള്‍ സ്വീകരിക്കുന്നിടത്തെക്ക് വളര്‍ന്നു എങ്കിലും വിവിധ വകുപ്പുകളുടെ നിസ്സഹകരണവും ,താല്പ്പര്യമില്ലായ്മ്മയും , മറ്റു ചില കാരണങ്ങളും അക്ഷയ സേവനങ്ങളുടെ വിശ്വാസ്യത നഷ്ടപ്പെടുത്തുന്ന കാഴ്ചയാണ് പലപ്പോഴും കണ്ടു വരുന്നത് .നല്ല രീതിയില്‍ സഹകരിക്കുന്ന സര്‍ക്കാര്‍ വകുപ്പുകള്‍ വളരെ കുറവാണ് .

ജോലി ചെയ്താലും ഇല്ലെങ്കിലും മാസം ശമ്പളം ഉറപ്പുള്ള സര്‍ക്കാര്‍ ജീവനക്കാര്‍ പൊതു ജനത്തോട് ചെയ്യുന്ന ക്രൂരതകളിലൊന്നിന്റെ വാര്‍ത്തയാണ് മുകളില്‍ കൊടുത്തിട്ടുള്ളത് .

ആത്മാര്‍ഥമായി സേവനങ്ങള്‍ ചെയ്തു പൊതു ജന വിശ്വാസ്യത നേടിയെടുത്തു മാന്യമായി ജീവിക്കുവാന്‍ ആഗ്രഹിക്കുന്നവരാണ് അക്ഷയ സംരംഭകര്‍. അവരെ പൊതു സമൂഹത്തിനു മുന്‍പില്‍ നാണം കെടുതുവാനും തട്ടിപ്പുകാരായി ചിത്രീകരിക്കുവാനും ശ്രമിക്കുന്ന ബോധപൂര്‍വ്വമുള്ള പ്രവര്‍ത്തനങ്ങള്‍ പല സര്‍ക്കാര്‍ വകുപ്പുകളില്‍ നിന്നും നേരിട്ട് ബോദ്ധ്യപ്പെട്ട ഒരു അക്ഷയ സംരംഭകന്‍ കൂടിയാണ് ഞാന്‍ .ആയതിനാല്‍ എന്റെ പ്രതിഷേധം അറിയിക്കുവാന്‍ കൂടിയാണ് ഈ പോസ്റ്റ്‌ . പ്രതിഷേധത്തില്‍ പങ്കു ചേരുവാന്‍ മാന്യ വായനക്കാരോട് അഭ്യര്‍ത്ഥിക്കുന്നു

ജോസെഫിനു ആര് സീറ്റ്‌ കൊടുക്കും ?

2010-09-29T10:34:00.002+05:30

ജോസഫ്‌ - മാണി ലയനം യു ഡി എഫിന്റെ ശക്തി കൂട്ടുമെന്നുള്ള വാദം അടിസ്ഥാന രഹിതമാണെന്ന് തെളിയിച്ചു കൊണ്ട് ഘടക കക്ഷികള്‍ മസില്‍ പെരുപ്പിച്ചു നില്‍ക്കുന്ന കാഴ്ചയാണ് തൊടുപുഴ നിയോജക മണ്ഡലത്തില്‍ കാണുന്നത് . ഇനിയും എല്ലാവര്ക്കും ഒരുമിച്ചു ചര്‍ച്ച നടത്തി സീറ്റ്‌ വിഭജനം തീരുമാനിക്കാം എന്ന പ്രതീക്ഷ ഇല്ല . ജോസഫ്‌ ഗ്രൂപ്പിനെ മാണി ഗ്രൂപ്പില്‍ ലയിപ്പിക്കുവാന്‍ മുന്‍ കൈ എടുത്തവര്‍ ഇപ്പോള്‍ കൊടും കൈ കുത്തി ഇരുപ്പാണ് .

[മാദ്ധ്യമം ദിന പത്രം 29-09-2010]

[തേജസ്സ്‌ ദിന പത്രം 29-09-2010]

click the pictures to read full article

മാണിയുടെ പറ്റില്‍ ജോസെഫിനു സീറ്റ് കൊടുതോളണം എന്ന് ആദ്യം വിരട്ടിയ കൊണ്ഗ്രെസ്സ്

ഇപ്പോള്‍ ജോസഫ്‌ ജയിച്ച സീറ്റ്‌ എല്ലാം വിട്ടു കൊടുക്കാം എന്ന് സമ്മതിച്ചു നാണം കെട്ടു. അപ്പോള്‍ പിന്നെ തൊടുപുഴയില്‍ കൊണ്ഗ്രെസ്സ് പാര്‍ട്ടിക്ക് അടക്കം ബാക്കി സീറ്റ്‌ പുറത്തു നിന്ന് കടം മേടിക്കേണ്ടി വരും . ഐക്യ മുന്നണി തിരഞ്ഞെടുപ്പ് വരുമ്പോള്‍ അനൈക്യ മുന്നണി ആകാറുണ്ട് എങ്കിലും തൊടുപുഴയില്‍ ഇത്ര കനത്ത അനൈക്യം ആദ്യമായിരിക്കും . അതിന്റെ ഫലം അറിയുവാന്‍ ഒക്ടോബര്‍ ഇരുപത്തി ഏഴു വരെ കാത്തിരിക്കേണ്ടി വരില്ല എന്നാണു ഇപ്പോഴത്തെ സൂചനകള്‍ .

മാണി ജോസഫ്‌ ലയന വിശേഷങ്ങള്‍ കൂടുതല്‍ താഴെ വായിക്കുക:

ചോദ്യ പേപര്‍ വിവാദം ; നിലപാടുകളിലെ സത്യസന്ധത

2010-09-19T12:14:00.001+05:30

ചന്ദ്രിക ദിനപത്രം 19.09.2010

മത വിമര്‍ശനവും മത നിന്ദയും കൂട്ടിക്കുഴച്ചു മതതിനെതിര്ല്‍ ആക്രമണം നടത്തുവാന്‍ ശ്രമിക്കുന്ന മതവിരുദ്ധര്‍ക്ക് വായിച്ചു മനസ്സിലാക്കുവാന്‍ വേണ്ടിയാണ് ഇത് ഇവിടെ പോസ്റ്റ്‌ ചെയ്തത് . അദ്ധ്യാപകന്‍ ജോസഫ്‌ മത നിന്ദ നടത്തിയിട്ടില്ലെന്ന് ആദ്യം ഉറക്കെ പറയുവാന്‍ മടിച്ച പലരും അദ്ധ്യാപകന്റെ കൈ വെട്ടിയപ്പോള്‍ ഉണ്ടായ സഹതാപ തരംഗത്തില്‍ മത വിശ്വാസമാണ് എല്ലാ കുഴപ്പങ്ങള്‍ക്കും കാരണമെന്ന് പറഞ്ഞു കാടിളക്കുകയായിരുന്നു . അവര്‍ ആദ്യം യഥാര്‍ത്ഥത്തില്‍ അദ്ധ്യാപകന്‍ നടത്തിയ മത നിന്ദ ആസ്വദിക്കുകയായിരുന്നു .പിന്നീട് ആഘോഷിക്കുകയും ...

മതത്തെ വിമര്ഷിക്കുവാന്‍ അവരുടെ മത പ്രമാണങ്ങളില്‍ തെളിവ് അന്വേഷിക്കുകയും സംവദിക്കുകയും ചെയ്യാന്‍ ശ്രമിക്കാതെ പുലഭ്യം പറയുന്നവരാന് യഥാര്‍ത്ഥത്തില്‍ സമൂഹത്തില്‍ മതത്തിന്റെ പേരില്‍ കുഴപ്പം ഉണ്ടാക്കുന്നവര്‍ക്ക് പരോക്ഷ പിന്തുണ സമാഹരിച്ചു കൊടുക്കുന്നത് . അതിന്റെ തെളിവുകളാണ് അദ്ധ്യാപകനെതിരായ പിരിച്ചു വിടല്‍ നടപടിയോടുള്ള അസഹിഷ്ണുത . രാഷ്ട്രീയ വിരോധം തീര്‍ക്കുവാന്‍ അദ്ധ്യാപകരെ സ്ഥലം മാറ്റുകയും പിരിച്ചു വിടുകയും ചെയ്യുന്ന രാഷ്ട്രീയ പാര്‍ട്ടികളുടെ വാലായ അദ്ധ്യാപക സംഘടനകളാണ് തെളിയിക്കപ്പെട്ട കുറ്റത്തിന് മുന്നില്‍ പ്രതിഷേധ കൊലാഹലമുണ്ടാക്കുന്നത് എന്നതാണ് വിരോധാഭാസം

പ്രവാചക നിന്ദ ആസ്വദിക്കുന്നവര്‍ അറിയാന്‍

2010-09-14T09:43:00.005+05:30

മംഗളം ദിന പത്രം (കത്തുകള്‍ ) 14.09.2010

കേരളത്തിലെ ഏറ്റവും ജന സ്വാധീനം അവകാശപ്പെടുന്ന പത്രങ്ങളില്‍ ഒന്നാണ് മംഗളം . കെ എം റോയ്‌ ആകട്ടെ അതില്‍ പതിറ്റാണ്ടുകളായി പ്രവര്‍ത്തിക്കുന്ന കേരളത്തിലെ ഏറ്റവും പ്രമുഖരായ പത്ര പ്രവര്‍ത്തകരില്‍ ഒരാളും . എം സി വര്‍ഗ്ഗീസ് എന്ന സ്ഥാപക പത്രാധിപരുടെ മികവുറ്റ സംഘാടനത്തിന്റെ തണലില്‍ കേരളീയ സമൂഹത്തിന്റെ അംഗീകാരം നേടിയെടുത്ത പത്രമാണ് മംഗളം .ചെറു പ്രായത്തില്‍ തന്നെ മംഗളം , മനോരമ പത്രങ്ങളും വാരികകളും വായിച്ചു തുടങ്ങിയ അനുഭവം വെച്ച് പറയട്ടെ സത്യസന്ധമായും നിര്‍ഭയമായും വാര്‍ത്തകള്‍ കൊടുക്കുവാന്‍ മംഗളം പത്രം ശ്രമിക്കാറുണ്ട് .

എന്നാല്‍ കഴിഞ്ഞ കുറെ വര്‍ഷങ്ങളായി മാദ്ധ്യമ ലോകത്തെ കിട മല്‍സരം നമ്മുടെ മാദ്ധ്യമങ്ങളെ പല അരുതുകളുടെയും പരിധികള്‍ ലംഘിക്കുവാന്‍ പ്രേരിപ്പിക്കാറുണ്ട് എന്നത് പച്ചയായ സത്യമാണ് .ഒരു പത്രവും അതിനു അപവാദമല്ല .

അത് കൊണ്ട് തന്നെ സമൂഹ മദ്ധ്യത്തിലേക്ക് ഇറങ്ങി ചെന്ന് അവരുമായി സംവദിച്ചു വാര്‍ത്തകള്‍ കൊടുത്തിരുന്ന പത്ര പ്രവര്തകരെക്കാള്‍ അടച്ചിട്ട റൂമില്‍ ഇരുന്നു ഭാവനയില്‍ നിന്നും ഊഹാപോഹങ്ങള്‍ സൃഷ്ടിചെടുത്തു വാര്തകളാക്കുന്ന പത്രപ്രവര്തകരാണ് കൂടുതല്‍ ഇപ്പോഴുള്ളത് എന്നതില്‍ തര്‍ക്കമുണ്ടാകുമെന്നു കരുതുന്നില്ല .

ക്രിസ്തീയ വിശ്വാസികളുടെ പത്രമെന്നു പരക്കെ വിശേഷിപ്പിക്കപ്പെട്ട 'ദീപിക' ദിനപത്രത്തിന്റെ സഹോദര പ്രസിദ്ധീകരണമായ 'രാഷ്ട്രദീപിക'യാണ്(സായാഹ്ന പത്രം ) സദാചാര മൂല്യങ്ങള്‍ ( അല്ലെങ്കില്‍ നമ്മുടെ സങ്കല്‍പ്പത്തിലുള്ള പത്ര ധര്‍മ്മങ്ങള്‍ )പരസ്യമായി ലംഘിച്ചു കൊണ്ട് അവസാന പേജില്‍ നഗ്ന ചിത്രങ്ങള്‍ ചേര്‍ത്ത് വിപണി പിടിക്കുവാന്‍ നോക്കിയത് . അതിന്റെ ചുവടു പിടിച്ചു മറ്റു പലരുംരംഗതിറങ്ങിയത് നമ്മള്‍ കണ്ടതാണ് .എന്നാല്‍ പ്രതിഷേധം വ്യാപകമായപ്പോള്‍ അവര്‍ അത് നിര്‍ത്തി .പിന്നെ പയറ്റിയ തന്ത്രം മുന്‍പേജില്‍ ചില പ്രത്യേക വാക്കുകള്‍ 'വെണ്ടയ്ക്ക' ആയി നിരത്തി ആളുകളില്‍ ഉദ്വേഗം വളര്‍ത്തി പത്രം വില്‍ക്കലാണ് . ഇന്ന് കേരളത്തിലെ മുഖ്യധാരാ പത്രങ്ങള്‍ 'വെണ്ടയ്ക്ക'യുടെ സാധ്യതകള്‍ കഴിയുന്നത്ര ഉപയോഗിക്കുന്നുണ്ട് . മുന്‍ പേജിലെ 'വെണ്ടയ്ക്ക' യാണ് ഇന്ന് ലോകത്തെ ഏറ്റവും വലിയ പ്രശ്നമെന്ന് തെറ്റിദ്ധരിച്ചു നാലാള്‍ കൂടുന്നിടത്തൊക്കെ വിവരമില്ലാത്തവര്‍ അത് ഏറ്റു പിടിച്ചു സമൂഹത്തില്‍ കുഴപ്പങ്ങളും തെറ്റിദ്ധാരണകളും ഉണ്ടാക്കുവാന്‍ ശ്രമിക്കാറുണ്ട്‌.

മുന്‍ പേജിലെ വെണ്ടയ്ക്കക്ക് വേണ്ടി അടുത്ത് സംഭവിച്ചതും എന്നാല്‍ ജനങ്ങള്‍ മറക്കുവാന്‍ ആഗ്രഹിക്കുന്നതുമായ സംഭവങ്ങള്‍ വീണ്ടും വീണ്ടും ഇപ്പോള്‍ കിട്ടിയ വാര്‍ത്ത എന്ന മട്ടില്‍ എഴുതി വിടുകയും ചെയ്യുന്ന പതിവ് ഏറ്റവും കൂടുതല്‍ കണ്ടു വരുന്നത് സംശയ ലെശമെന്യേ പറയട്ടെ ,അത് മംഗളം പത്രത്തിലാണ് .

പത്രം ചിലവാക്കുവാന്‍ 'വെണ്ടയ്ക്ക' ചേര്‍ക്കുമ്പോള്‍ അത് ലോകത്തെ മറ്റേതൊരു രാജ്യത്തില്‍ നിന്നും വിഭിന്നമായി വിവിധ മത വിശ്വാസികള്‍ ഏകോദര സഹോദരങ്ങളെ പോലെ കഴിയുന്ന നമ്മുടെ ഇന്ത്യയിലെ കൊച്ചു സംസ്ഥാനമായ കേരളത്തിലെ വിവിധ മത വിശ്വാസികള്‍ക്കിടയില്‍ ഉണ്ടാക്കാവുന്ന ചേരി തിരിവുകളും മുതലെടുപ്പുകളും വീണ്ടും ഒരു 'വെണ്ടയ്ക്ക' കൊണ്ട് പരിഹരിക്കുവാന്‍ കഴിയില്ല എന്ന യാഥാര്‍ത്ഥ്യം മറക്കരുത് .

അധിക വായനക്ക്

മത നിന്ദ : തൊടുപുഴയില്‍ പ്രതിഷേധം

അദ്ധ്യാപകനെ പിരിച്ചു വിട്ട നടപടി സ്വാഗതാര്‍ഹ്ഹമെന്നു മുസ്ലിം സംഘടനകള്‍

2010-09-07T15:53:00.003+05:30

അദ്ധ്യാപകന്‍ നേരിട്ട അതിക്രമത്തിന്റെ മറ പിടിച്ചു പ്രവാചക നിന്ദയെ അനുകൂലിക്കുന്ന പ്രതിഷേധക്കാര്‍ക്ക് മറുപടി :

മംഗളം ദിനപത്രം

07.09.2010

അധിക വായനക്ക്:

മത നിന്ദ : തൊടുപുഴയില്‍ പ്രതിഷേധം

കൈ വെട്ടിയത് കാടത്തം

മഅദനി ഫോറം : ചര്‍ച്ച ചെയ്തിട്ടില്ലെന്ന് കെ എന്‍ എം

2010-09-03T15:39:00.007+05:30

ചന്ദ്രിക ദിന പത്രം (03-09-2010

അധിക വായനക്ക്:

മഅദനിയെ അകത്താക്കിയാല്‍ തീവ്രവാദം ഇല്ലാതാകുമോ?

കൂട് വിട്ടു കൂട് മാറുന്ന അവതാരകര്‍

2010-08-24T10:50:00.004+05:30

മൂന്നു മാസത്തെ ഇടവേളയ്ക്കു ശേഷം കഴിഞ്ഞ ആഴ്ചയാണ് ടി വി ചാനല്‍ വാര്‍ത്തകള്‍ കാര്യമായി ശ്രദ്ധിച്ചു തുടങ്ങിയത് .
പലപ്പോഴും തെറ്റിദ്ധരിച്ചു , ചാനല്‍ മാറിപ്പോയോ എന്ന് . കാരണം ഇന്നലെ വരെ മറ്റൊരു ചാനലില്‍ ഇരുന്നു എക്ഷ്ക്ലുസിവ് ആയി വാര്‍ത്തകള്‍ അപഗ്രഥിച്ചു നമ്മെ വിശ്വസിപ്പിക്കുവാന്‍ ശ്രമിച്ചവര്‍ ഇപ്പോള്‍ പറയുന്നത് തികച്ചും വിരുദ്ധമായ കാര്യങ്ങള്‍ . എന്നാല്‍ പൊതുവായി ചില കാര്യങ്ങള്‍ എല്ലാ വാര്‍ത്തകളിലും ഒരുപോലെ തന്നെ .
അപ്പോഴാണ്‌ ഓര്‍ത്തത്‌ ഇവരെല്ലാം കേവലം കൂലി തൊഴിലാളികളാണെന്നും ചാനല്‍ മുതലാളിമാരുടെ ഇംഗിതങ്ങള്‍ മികച്ച രീതിയില്‍ അവതരിപ്പിക്കലാണ് ഇവരുടെ ജോലി എന്നും . എന്നാല്‍ ശ്രദ്ധിക്കേണ്ട ഒരു പ്രധാന കാര്യമുണ്ട് :

വാര്‍ത്ത വായിക്കുന്നത് ഒരു പ്രത്യേക വ്യക്തി ആണെങ്കില്‍, പ്രത്യേക ചാനലില്‍ ആണെങ്കില്‍ ഏതു വാര്‍ത്തയും വെള്ളം തൊടാതെ വിഴുങ്ങുന്ന ഒരു പ്രേക്ഷക സമൂഹമാണ് ഇന്ന് നിലവിലുള്ളത് . മുഖ്യ മന്ത്രി പറഞ്ഞത് പോലെ . ലോട്ടറി എടുപ്പിക്കുവാനും ,കുളിപ്പിക്കുവാനും വരെ സൂപ്പര്‍ താരങ്ങള്‍ പരസ്യവുമായി ഇറങ്ങുന്നത് പോലെ ആണ് ഇപ്പോള്‍ വാര്‍ത്തകള്‍ വായിക്കുവാന്‍ ചില പ്രത്യേക അവതാരകര്‍ക്കുള്ള സ്ഥാനം .
ട്രെന്‍ഡ് അനുസരിച്ച് ചടുലമായി ചോദ്യങ്ങള്‍ തൊടുക്കുവാനും തങ്ങളുടെ മുതലാളിക്കു അനിഷ്ടമാകുന്ന ( അല്ലെങ്കില്‍ പൊതു സമൂഹത്തില്‍ തങ്ങള്‍ അടിചെല്‍പ്പിക്കുവാന്‍ ശ്രമിക്കുന്നകാര്യങ്ങള്‍ക്ക് എതിരായി ) പറയുവാന്‍ ആരെങ്കിലുംശ്രമിക്കുമ്പോള്‍ 'തിരികെ വരാം താങ്കളിലേക്ക് ' എന്ന സൂത്രം പ്രയോഗിച്ചു ഇടപെടുന്നതിനും ഉള്ള സാമര്ത്യമാണ് നിലവിലുള്ള പല 'മികച്ച' വാര്‍ത്താ വായനക്കാര്‍ക്കും ഉള്ള പ്രധാന യോഗ്യത .

ഏറ്റവും കൂടുതല്‍ കൂട് മാറ്റം 'കൈരളി'യില്‍ നിന്നാണ് ഉണ്ടായിട്ടുള്ളത് .'ഏഷ്യാനെറ്റ്'ആണ് കൂടുതല്‍ പേരെ കൂട് മാറ്റിയിട്ടുള്ളത് എന്ന്നാണ് തോന്നുന്നത് .വിരുദ്ധ ചേരിക്കാര്‍ എന്ന് പ്രത്യക്ഷമായി പറയാമെങ്കിലും ചേരുവകള്‍ രണ്ടിലും ഒന്നാണ് . 'മുതലാളിയുടെ കീശയും ആശയും ' അല്ലാതെ വേറിട്ടൊരു ചാനല്‍ മലയാളത്തില്‍ ഉണ്ടോ എന്ന് സംശയമുണ്ട്‌ . 'മികച്ച ' അവതാരകരെ സ്വന്തമാക്കിയത് മനോരമയും ,ഇന്ത്യാവിഷനും ആണ് .കേരളത്തില്‍ തിരഞ്ഞെടുപ്പ് വിളിപ്പാടകലെയാണ്. അവതാരകര്‍ക്ക് ചാകരയാണ് ഓരോ തിരഞ്ഞെടുപ്പും . കാത്തിരിക്കാം 'നിക്ഷ്പക്ഷതയുടെ മുഖം മൂടിയോ' അതോ 'നീതിയുടെ പക്ഷപാതിത്വമോ' അവതാരകരുടെ മുഖമുദ്രയെന്ന് . 'മുതലാളിയുടെ കീശയും ആശയും ' വിട്ടൊരു കളിയും ഉണ്ടാകില്ലെന്ന് ഉറപ്പ്.

ജോസഫിനു മാണി സീറ്റ്‌ നല്‍കണം: കോണ്‍ഗ്രസ്‌

2010-08-22T16:01:00.005+05:30

ജനതാദളിനുവേണ്ടിയല്ലാതെ മറ്റൊരു ഘടകക്ഷിക്കും സീറ്റുകാര്യത്തില്‍ കീഴടങ്ങേണ്ടെന്നു കോണ്‍ഗ്രസ്‌ നേതൃയോഗതീരുമാനം. ഘടകകക്ഷികള്‍ക്കു നിലവിലുള്ള സീറ്റ്‌ നല്‍കും. അമിതമായ ആവശ്യങ്ങള്‍ക്കു വഴങ്ങിക്കൊടുക്കേണ്ടതില്ലെന്നും കെ.പി.സി.സി. പ്രസിഡന്റ്‌ രമേശ്‌ ചെന്നിത്തല, പ്രതിപക്ഷ നേതാവ്‌ ഉമ്മന്‍ചാണ്ടി എന്നിവരുടെ സാന്നിധ്യത്തില്‍ തിരുവനന്തപുരത്തു ചേര്‍ന്ന കെ.പി.സി.സി. ഭാരവാഹികളുടെ അനൗപചാരിക യോഗം തീരുമാനിച്ചു.

ഘടകകക്ഷികളുമായി നേരത്തെ നടത്തിയ അനൗപചാരിക ചര്‍ച്ചകളുടെ അടിസ്‌ഥാനത്തില്‍ സംസ്‌ഥാനമൊട്ടാകെയുളള രാഷ്‌ട്രീയ സാഹചര്യവും സാധ്യതകളുമാണ്‌ കെ.പി.സി.സി. നേതൃയോഗം ചര്‍ച്ച ചെയ്‌തത്‌. സീറ്റ്‌കാര്യത്തില്‍ കോണ്‍ഗ്രസിനു ചെയ്യാവുന്ന പരമാവധി വിട്ടുവീഴ്‌ചയെപ്പറ്റി മുസ്ലീം ലീഗ്‌, കേരളാ കോണ്‍ഗ്രസ്‌(എം) എന്നിവയുടെ നേതൃത്വങ്ങള്‍ക്കു മുന്നറിയിപ്പു നല്‍കിയിരുന്നു. ലീഗും മാണി വിഭാഗവും ഉന്നയിച്ച പുതിയ ആവശ്യങ്ങള്‍ യോഗം വിലയിരുത്തി. ജോസഫ്‌ വിഭാഗത്തിനു സീറ്റ്‌ നല്‍കേണ്ടതു മാണിയാണെന്നും അക്കാര്യത്തില്‍ കോണ്‍ഗ്രസിന്‌ ഒന്നും ചെയ്യാനില്ലെന്നും യോഗത്തില്‍ അഭിപ്രായമുയര്‍ന്നു. ലയനത്തിനു മുമ്പുതന്നെ ഇക്കാര്യത്തില്‍ മാണിക്കു മുന്നറിയിപ്പു നല്‍കിയിരുന്നതാണ്‌. യു.ഡി.എഫിന്റെ അനുമതിയില്ലാതെ നടക്കുന്ന ലയനത്തിന്റെ എല്ലാ ഉത്തരവാദിത്തങ്ങളും സ്വയം ഏറ്റെടുക്കണമെന്ന്‌ അന്ന്‌ വ്യക്‌തമാക്കിയിരുന്നതായും യോഗത്തില്‍ അഭിപ്രായമുയര്‍ന്നു. കോട്ടയം, ഇടുക്കി, പത്തനംതിട്ട, ആലപ്പുഴ, എറണാകുളം ജില്ലകളില്‍ കൂടുതല്‍ സീറ്റ്‌ വേണമെന്നാണു മാണി വിഭാഗത്തിന്റെ ആവശ്യം.

മുന്നണിയിലെ പുതിയ കക്ഷിയെന്നു പറയാവുന്നത്‌ സോഷ്യലിസ്‌റ്റ് ജനതാ ഡമോക്രാറ്റിക്കാണ്‌. ആ കക്ഷിക്കു സീറ്റ്‌ നല്‍കാതിരിക്കാനാവില്ല. ഇക്കാര്യത്തില്‍ കോണ്‍ഗ്രസ്‌ മാത്രം നഷ്‌ടം സഹിക്കേണ്ടതുമില്ല. പകരം എല്ലാ ഘടകകക്ഷികളും നഷ്‌ടം സഹിക്കണമെന്ന്‌ കെ.പി.സി.സിയില്‍ ധാരണയായി. ഐ.എന്‍.എല്ലിന്റെ കാര്യത്തില്‍ മുസ്ലീം ലീഗ്‌ തീരുമാനം കൈക്കൊള്ളട്ടെയെന്ന്‌ അഭിപ്രായമുണ്ടായെങ്കിലും ഐ.എന്‍.എല്ലിനും സീറ്റ്‌ നല്‍കണമെന്ന നിലപാടിലാണ്‌ കോണ്‍ഗ്രസ്‌. ഇക്കാര്യം പിന്നീടു ചര്‍ച്ചചെയ്‌തു തീരുമാനിക്കും.

മുരളീധരന്‍ ഉള്‍പ്പെടെയുള്ള മറ്റു കക്ഷികളുമായുമുള്ള സീറ്റ്‌ വീതംവയ്‌ക്കല്‍ പ്രാദേശികതലത്തില്‍ തീരുമാനിക്കാമെന്നും ധാരണയായിട്ടുണ്ട്‌. മുരളിയുമായി വ്യാപകസഖ്യം വേണ്ടെന്നും പ്രാദേശികതലത്തില്‍ കോണ്‍ഗ്രസുമായി വളരെ അടുത്തുനില്‍ക്കുന്ന ഈ ഗ്രൂപ്പില്‍പ്പെട്ട ചിലര്‍ക്ക്‌ അവിടുത്തെ സാഹചര്യം വിലയിരുത്തി സീറ്റ്‌ നല്‍കുന്നതില്‍ തെറ്റില്ലെന്നുമാണു യോഗത്തിലുണ്ടായ ധാരണ.

മംഗളം വാര്‍ത്ത (22-08-2010)

ഇടതു മുന്നണിയോടൊപ്പം അധികാരത്തിന്റെ സകല സൌഭാഗ്യങ്ങളും അനുഭവിച്ച ശേഷം അത് മുങ്ങുന്ന കപ്പലാണെന്ന് തിരിച്ചറിഞ്ഞു മറുകണ്ടം ചാടിയ ജോസഫ്‌ ഗ്രൂപിനു സീറ്റ്‌ കൊടുക്കുവാനുള്ള ബാദ്ധ്യത മാണി ഗ്രൂപിനാണ് . തിരഞ്ഞെടുപ്പുകളില്‍ മികച്ച വിജയം നേടുവാന്‍ സഹായിച്ച സോഷ്യലിസ്‌റ്റ് ജനതാ ഡമോക്രാറ്റിനു സീറ്റ്‌ നല്‍കുവാന്‍ മാത്രമേ കൊണ്ഗ്രെസ്സിനും ,യു ഡി എഫിനും ബാദ്ധ്യതയുള്ളൂ ...

(ഇത് പറഞ്ഞത് ഞാനല്ല ,ടി വി ചര്‍ച്ചയില്‍ പങ്കെടുത്തു കൊണ്ട്
അജയ്‌ തറയില്‍ ആണ് ( ഇന്ത്യ വിഷനില്‍ )
ഈ നിലപാട് തുടരുമോ അതോ അരമനയില്‍ നിന്നുള്ള വാക്ക് കേള്‍ക്കുമ്പോള്‍ തിരുത്തുമോ എന്ന് കാത്തിരുന്നു കാണാം .)

പഴയ ഒരു പോസ്റ്റ്‌ കൂടി ഇതോടു കൂട്ടി ഇവിടെ വായിക്കുക

മഅദനിയെ അകത്താക്കിയാല്‍ തീവ്രവാദം ഇല്ലാതാകുമോ?

2010-08-17T10:35:00.004+05:30

ഒമ്പതര വര്‍ഷം വിചാരണ തടവുകാരനായി കോയമ്പത്തൂര്‍ ജയിലില്‍ നരക യാതന അനുഭവിക്കുകയും പിന്നീടു പൂര്‍ണമായി കുറ്റവിമുക്തനാക്കപ്പെട്ട ശേഷം വിട്ടയക്കപ്പെടുകയും ചെയ്ത അബ്ദുല്‍ നാസര്‍ മഅദനിയെ വീണ്ടും ജയിലില്‍ അടക്കാനുള്ള ഗൂഢാലോചന നടക്കുന്നതായാണ് പത്രവാര്‍ത്തകള്‍ നല്‍കുന്ന സൂചന.ബംഗലുരൂ സ്ഫോടനം അന്വേഷിക്കുന്ന കര്‍ണാടകയിലെ ബി ജെ പി സര്‍ക്കാരിന്റെ പോലിസ്,തടിയന്ടവിട നസീറിന്റെ മൊഴിയുടെ അടിസ്ഥാനത്തിലാണ് അദ്ദേഹത്തെ പ്രതിപ്പട്ടികയില്‍ ഉള്‍പ്പെടുത്തി കുറ്റപത്രം തയ്യാറാക്കിയിരിക്കുന്നത്.ബംഗളുരു സ്ഫോടനത്തിന് പ്രചോദനമാകും വിധത്തില്‍ ആശയപരമായ പ്രേരണ നല്‍കി,ആസൂത്രണത്തിന് പിന്നില്‍ പ്രവര്‍ത്തിച്ചു തുടങ്ങിയ ആരോപണങ്ങളാണ് നസീറിനെ ഉദ്ധരിച്ചു പോലിസ് പറഞ്ഞത്.എന്നാല്‍ കോഴിക്കോട് ഇരട്ട സ്ഫോടനം സംബന്ധിച്ച്‌ തെളിവെടുക്കാന്‍ കൊച്ചിയില്‍ കൊണ്ടുവന്നപ്പോള്‍,താന്‍ മഅദനിക്കെതിരെ യാതൊന്നും പറഞ്ഞിട്ടില്ലെന്നും പോലിസ് പറയുന്നത് കളവു ആണെന്നുമാണ് നസീര്‍ മാധ്യമങ്ങളോട് വിളിച്ചു പറഞ്ഞത്.നസീറിന്റെ ഈ വെളിപ്പെടുത്തലില്‍ ദേശീയ അന്വേഷണ ഏജന്‍സി അതൃപ്തി രേഖപ്പെടുത്തിയിരിക്കുകയാണ്.

പോലീസിന്റെ വാദം അംഗീകരിച്ചാല്‍ ജയില്‍ വിമുക്തമാക്കപ്പെട്ട ശേഷം മഅദനി സര്‍വതന്ത്രസ്വതന്ത്രനായിരുന്നുവെന്നും അദ്ദേഹം ഭീകരപ്രവര്ത്തനങ്ങള്‍ക്ക് നേതൃത്വം നല്‍കിയതൊന്നും നമ്മുടെ ആഭ്യന്തര വിഭാഗം അറിയാതെയാണെന്നും കരുതണം.ഒരു ദശാബ്ദക്കാലം അഴികള്‍ക്കുള്ളില്‍ കിടന്നിട്ടും അതൊന്നും കൂസാതെ വീണ്ടും കൊടിയ ഭീകര കൃത്യങ്ങള്‍ ചെയ്യാന്‍ മടിക്കാത്ത ഒരാളെ നമ്മുടെ പോലിസ് ഒട്ടും നിരീക്ഷിക്കാതെ വിട്ടുവെങ്കില്‍ കുറ്റം ആരുടെതാണ് ? ഇത്ര കൊടും ഭീകരനായ ഒരാളെ ആയിരുന്നോ അദ്ദേഹം ജയില്‍ മോചിതനായ സന്ദര്‍ഭത്തില്‍ ശംഖുമുഖത്ത് വെച്ച്‌ നമ്മുടെ രാഷ്ട്രീയ നേതാക്കള്‍ ആവേശ്വോജ്വലമായ വരവേല്‍പ്പ് നല്‍കി വീണ്ടും കേരളത്തിലേക്ക് ആനയിച്ചത് ? ഇദ്ദേഹത്തെ തന്നെ ആയിരുന്നില്ലേ പിണറായി വിജയനും മറ്റു ഇടതു നേതാക്കളും തങ്ങളുടെ വേദിയിലിരുത്തി ഇലക്ഷന്‍ സമയത്ത് വോട്ടു ചോദിച്ചത് ?

സത്യത്തില്‍ ജയില്‍ മോചിതനായ മഅദനി എവിടെയൊക്കെ യാത്ര ചെയ്തോ,ആര്‍ക്കൊക്കെ ഫോണ്‍ ചെയ്തോ,ആരുമായൊക്കെ ബന്ധപ്പെട്ടോ അതൊക്കെ ഇന്റലിജന്‍സ് വിഭാഗം നിരീക്ഷിച്ചിട്ടുണ്ട്.അദ്ദേഹത്തോടൊപ്പം മിക്കപ്പോഴും പോലിസ് അകമ്പടിയുണ്ടായിരുന്നു.അദ്ദേഹം മാത്രമല്ല അദ്ദേഹത്തിന്റെ ഭാര്യയും പോലിസ് നിരീക്ഷണത്തിലുണ്ടായിരുന്നു.എന്നിരിക്കെ,അതൊക്കെ മറികടന്നു മഅദനി ബംഗലുരു സ്ഫോടനത്തില്‍ പങ്കു വഹിച്ചു എന്ന്‌ വിശ്വസിക്കാന്‍ പ്രയാസമുണ്ട്.പ്രഥമ ദൃഷ്ട്യാ തന്നെ ഈ ആരോപണം നിലനില്‍ക്കുന്നില്ല. അതു കൊണ്ടാണ്‌ മഅദനിയെ വീണ്ടും അകത്താക്കാന്‍ ഗൂഢാലോചന നടക്കുന്നതായി സംശയിക്കേണ്ടി വരുന്നത്.കേന്ദ്ര രഹസ്യാന്വേഷണ വിഭാഗത്തിന് മഅദനിയെ കുടുക്കാന്‍ പ്രത്യേക താല്‍പ്പര്യമൊന്നുമില്ലെന്നാണ് മുല്ലപ്പള്ളി രാമചന്ദ്രന്‍ വ്യക്തമാക്കിയത്.നിയമം അതിന്റെ വഴിക്ക് നടക്കട്ടെ എന്ന നിലപാടില്‍ രാഷ്ട്രീയ നേതാക്കളും പ്രതികരിക്കുകയുണ്ടായി.നിയമവാഴ്ച്ചയെ അന്ഗീകരിക്കണമെന്ന കാര്യത്തില്‍ ആര്‍ക്കും തര്‍ക്കമില്ല.മഅദനി നിയമത്തിനു അതീതനൊന്നുമല്ല.പക്ഷെ ഒമ്പതര വര്ഷം കോയമ്പത്തൂര്‍ ജയിലില്‍ വിചാരണ തടവില്‍ അദ്ദേഹത്തെ പാര്‍പ്പിച്ച അനുഭവം മുന്നിലുണ്ട്.പ്രാഥമിക മനുഷ്യാവകാശം പോലും നിഷേധിച്ചു അദ്ദേഹത്തിന് ജീവിതം നിഷേധിച്ച സന്ദര്‍ഭത്തില്‍ പറഞ്ഞതും നിയമം അതിന്റെ വഴിക്ക് നടക്കട്ടെ എന്ന്‌ തന്നെയായിരുന്നു എന്ന വസ്തുത നമുക്ക് മറക്കാനാകുമോ?

മഅദനിയുടെ ഭൂതകാല ചരിത്രം സ്ഫടികം പോലെ സുതാര്യവും പച്ച വെള്ളം പോലെ പരിശുദ്ധവുമാണെന്നൊന്നും ആര്‍ക്കും അഭിപ്രായമില്ല.തീര്‍ച്ചയായും തൊണ്ണൂറുകളുടെ തുടക്കത്തില്‍ കേരളത്തില്‍ ന്യൂനപക്ഷ തീവ്രവാദം ബീജാവാപം ചെയ്യാന്‍ അദ്ദേഹത്തിന്റെ തീപ്പൊരി പ്രസംഗങ്ങളും വൈകാരിക സമീപനങ്ങളും കനത്ത സംഭാവന നല്‍കിയിട്ടുണ്ട്.അപക്വവും ആത്മാഹത്യാപരവുമായ ആ അപരാധത്തെ എന്നും ശക്തമായി തന്നെ എതിര്‍ക്കണം.മഅദനിയുടെ തന്നെ വാക്കുകളെ മുഖവിലക്കെടുക്കാം എങ്കില്‍ ആ വിവേക ശൂന്യതയെ അദ്ദേഹം തിരിച്ചറിയുകയും അതില്‍ ഖേദിക്കുകയും ജനാധിപത്യപരമായ പൊതു പ്രവര്‍ത്തന വഴി തിരഞ്ഞെടുക്കാന്‍ മുന്നോട്ടു വരികയും ചെയ്തിട്ടുണ്ട്.തീവ്ര വാദത്തോട് എതിരിട്ടു കൊണ്ടുതന്നെയാണ് കേരളീയ പൊതുസമൂഹം,അദ്ദേഹത്തെ അന്യായമായി കോയമ്പത്തൂര്‍ സ്ഫോടന കേസില്‍ തടവിലിട്ടു പീഡിപ്പിച്ചതിനെതിരെ ശബ്ദിച്ചത്.

ആയിരം കുറ്റവാളികള്‍ രക്ഷപ്പെട്ടാലും ഒരു നിരപരാധി ശിക്ഷിക്കപ്പെട്ടു കൂടാ എന്നുള്ളത് ഇന്ത്യന്‍ നീതിന്യായ വ്യവസ്ഥയുടെ അടിസ്ഥാന തത്വമാണ്.എത്ര വലിയ കൊലയാളി ആണെങ്കില്‍ പോലും അയാള്‍ പ്രാഥമിക മനുഷ്യാവകാശങ്ങളും മാനവ നീതിയുമര്‍ഹിക്കുന്നുണ്ട്‌.കോടതി വിട്ടയച്ച ഒരാളെ കള്ളക്കഥകള്‍ കെട്ടിച്ചമച്ചു,ഗൂഡതാല്‍പ്പര്യങ്ങളുടെ പേരില്‍ അക്രമ സംഭവങ്ങളില്‍ പ്രതിചേര്‍ത്ത് നിരന്തരം ദ്രോഹിക്കുന്നത് മന:സാക്ഷിയുള്ളവരെ വേദനിപ്പിക്കും.മുന്‍ വൈരാഗ്യവും രാഷ്ട്രീയ പകപോക്കലും വര്‍ഗീയ സമീപനവുമെല്ലാം മഅദനിയെയും കുടുംബത്തെയും അകത്താക്കാനുള്ള ശ്രമങ്ങള്‍ക്ക് പിന്നിലുണ്ടെന്ന സംശയം ബലപ്പെടുത്തുന്നതാണ്,അദ്ദേഹത്തെ ബംഗളുരു സ്ഫോടനക്കേസില്‍ പ്രതി ചേര്‍ക്കാനായി കര്‍ണാടക പോലിസ് വിദഗ്ദ്ധമായി തയ്യാറാക്കിയ തിരക്കഥ. ഈ സാഹചര്യത്തിലാണ് മനുഷ്യസ്നേഹികള്‍ മഅദനിക്ക് സാമാന്യ നീതി നിഷേധിക്കരുതെന്ന് ആവശ്യപ്പെടുന്നത്.

തീവ്രവാദം ഭൂരിപക്ഷതിന്റെതായാലും ന്യൂനപക്ഷതിന്റെതായാലും എതിര്‍ക്കപ്പെട്ടെ മതിയാകൂ.വ്യക്തമായ തെളിവുകളോടെ തീവ്രവാദ പ്രവര്‍ത്തനങ്ങള്‍ ആര് നടത്തിയതായി തെളിയിക്കപ്പെട്ടാലും കടുത്ത ശിക്ഷ തന്നെ നല്‍കണം.അത് പ്രവീണ്‍ തൊഗാഡിയ ആയിരുന്നാലും മഅദനി ആയാലും വിട്ടുവീഴ്ച പാടില്ല.അതെ സമയം,ഇല്ലാത്ത കുറ്റമാരോപിച്ചു ഒരാളെ തകര്‍ക്കുന്നതും തീവ്രവാദ അന്വേഷണങ്ങളില്‍ ഇരട്ടത്താപ്പു കാണിക്കുന്നതും രാജ്യത്തിന്‍റെ സമാധാനം ഇല്ലാതാക്കാനേ സഹായിക്കൂ.

കടപ്പാട് : ISM Forum

(കാലിക പ്രശ്നങ്ങളോട് പ്രതികരിക്കുന്ന കുറിപ്പു‌കള്‍ - ചര്‍ച്ചകള്‍)

എഴുതിയത് : മുജീബ്റഹ്മാന്‍ കിനാലൂര്‍

കൂട്ടി വായിക്കുവാന്‍ ചിലത് കൂടി ;

മഅദനിക്ക് മാത്രമാണോ ഇഞ്ചിത്തോട്ടമുള്ളത്? : ബഷീര്‍ വള്ളിക്കുന്ന്

മഅദനി: നീതിയും അനീതിയും.! : ബീമാപള്ളി

ജമാഅത്തെ ഇസ്ലാമിയെ മുസ്ലിംകള്‍ ഒറ്റപ്പെടുത്തുന്നതിനു പിന്നില്‍

2010-08-06T19:01:00.001+05:30

ചിത്രങ്ങളില്‍ രണ്ടു വട്ടം ക്ലിക്ക് ചെയ്‌താല്‍ വലുതായി കാണാം

കടപ്പാട് : ചന്ദ്രിക ദിനപത്രം ഓഗസ്റ്റ്‌ 4

മുജാഹിദുകള്‍ കേട്ടോ ഇത് ...

2010-08-03T11:06:00.002+05:30

തീവ്രവാദത്തിനെതിരായ കോട്ടക്കല്‍ കഷായം

സി. ദാവൂദ്
August 3, 2010

...ലീഗിന്റെ പുതിയ തീവ്രവാദമുന്നണിയിലെ ഘടകകക്ഷികള്‍ അതിലും കേമന്മാര്‍! ലോകത്ത് ഇസ്‌ലാമികതീവ്രവാദത്തിന്റെ ഏറ്റവും അക്രമാസക്തവും പ്രാകൃതവുമായ പ്രതിനിധാനം നിര്‍വഹിക്കുന്നത് സലഫീ-വഹാബി ധാരയില്‍ പെട്ടവരാണ്. ലശ്കറെ ത്വയ്യിബ, ജയ്‌ശെ മുഹമ്മദ് തുടങ്ങിയ പ്രാകൃതസംഘങ്ങളെല്ലാം സലഫിഗ്രൂപ്പുകളാണ്. അക്ഷരങ്ങള്‍ക്കപ്പുറത്ത് മതത്തെയും സാമൂഹികസാഹചര്യങ്ങളെയും വായിക്കാനറിയാത്തവര്‍ എന്നതാണ് വഹാബികളുടെ ഏറ്റവും വലിയ പ്രത്യേകത. കേരളസലഫികളിലെ (മുജാഹിദ്) രണ്ടു ഗ്രൂപ്പുകളും കുഞ്ഞാലിക്കുട്ടിയുടെ പുതിയ ബ്രിഗേഡിലെ ലഫ്റ്റനന്റുമാരാണ്! ഇവര്‍ കേരളത്തില്‍, അടുത്ത കാലത്തായി നടത്തിക്കൊണ്ടിരിക്കുന്ന പ്രബോധനങ്ങള്‍ ശ്രദ്ധിച്ചാല്‍ മനസ്സിലാവും ഇവരുടെ 'തീവ്രവാദവിരുദ്ധ ബഹുസ്വരതാ' പ്രമേയങ്ങളുടെയൊക്കെ ശരിക്കുമുള്ള കരുത്ത്. ഓണത്തിനും വിഷുവിനും ക്രിസ്മസിനും മതഭേദം കൂടാതെ പരസ്‌പരം വീടുകള്‍ സന്ദര്‍ശിക്കുകയും ഭക്ഷണം കഴിക്കുകയും ചെയ്യുകയെന്നത് നാം മലയാളികള്‍ക്കിടയില്‍ പതിവുള്ള കാര്യമാണ്. എന്നാല്‍, അങ്ങനെ ഭക്ഷണം കഴിക്കുന്നതും കഴിപ്പിക്കുന്നതും മുസ്‌ലിംകള്‍ക്ക് അനുവദനീയമല്ല എന്ന സങ്കുചിതപാഠം പള്ളിമിമ്പറുകള്‍ ഉപയോഗിച്ച് വിശ്വാസികളില്‍ അടിച്ചേല്‍പിക്കുന്ന മുജാഹിദുകള്‍ തീവ്രവാദത്തിനെതിരെ ചാനല്‍കാമറക്കു മുന്നില്‍വന്ന് ചിരിക്കുന്നത് കാണാന്‍ നല്ല ചേലുണ്ട് (കോഴിക്കോട്ടെ പള്ളി മിമ്പറുകളില്‍നിന്ന് ഇത്തരം ആഹ്വാനങ്ങള്‍ കേട്ട് അസ്വസ്ഥനായ കഥാകൃത്ത് എന്‍.പി. ഹാഫിസ് മുഹമ്മദ് 'മാതൃഭൂമി' വാരികയില്‍ രണ്ട് വര്‍ഷം മുമ്പ് ഇതേക്കുറിച്ച് ലേഖനം എഴുതിയിരുന്നു). മുജാഹിദുകളില്‍ അടുത്ത കാലത്തുണ്ടായ പിളര്‍പ്പിന്റെ കാരണങ്ങള്‍ അന്വേഷിക്കുന്നത് ഈ സമയത്ത് കൗതുകകരമാവും. ജാതി മത ഭേദമന്യേ സാമൂഹികക്ഷേമപ്രവര്‍ത്തനങ്ങളും പരിസ്ഥിതിപ്രവര്‍ത്തനങ്ങളും നടത്തണമെന്ന് അവരിലെ ഒരു കൂട്ടര്‍ വാദിച്ചു. മതത്തിന്റെ അക്ഷരങ്ങള്‍ മാത്രം വായിക്കുന്ന മറ്റൊരു കൂട്ടര്‍ക്ക് അതത്ര പിടിച്ചില്ല. അതെങ്ങനെ ദീനീ (മത)പ്രവര്‍ത്തനമാകും എന്നതായിരുന്നു അവരുടെ ശങ്ക. മരം നടുന്നതിനെക്കുറിച്ച പ്രവാചകവചനങ്ങള്‍ പരിസ്ഥിതിവാദികള്‍ തെളിവായി ഉന്നയിച്ചു. ഉടനെ മറുവിഭാഗം ക്ഷൗരം ചെയ്യുന്നതിനെക്കുറിച്ച പ്രവാചകവചനങ്ങള്‍ കൊണ്ടു വന്നു; എന്നിട്ട് ആവശ്യപ്പെട്ടു: 'നിങ്ങള്‍ മരംനടീല്‍ കാമ്പയിന്‍ നടത്തുകയാണെങ്കില്‍ എന്തുകൊണ്ട് ഒരു ക്ഷൗരം ചെയ്യല്‍ കാമ്പയിനും ആയിക്കൂടാ?'....

ജമാഅത്തു വെബ്സൈറ്റ് (August 3, 2010)